اقتباس:
المشاركة الأصلية كتبت بواسطة sayedlabib
تفتكر مثلا اخى الكريم صاحب الموضوع لو انتا جبت مسدس جملته 900 وانتا بتبيعه 1000 مثلا وعندك منه 5 وبتبيع ب1000 وبعت منه اتنين اتبقى 3 وفى يوم لاقيت كل الاسعار فى المنتدى وغيره بقت 1300 انتا هاتبيع بكام انا بتكلم عنك انتا مش الناس اللى ماسكه السوق اللى بتعلى وتنقص يمزاجها دون مبرر دول فعلا حرام عليهم لانهم استغلاليين جدا لكن انتا هاتعمل ايه هاتبيع برضه ب 1000 ولا هاتبيع زيهم ب 1300 ويبقى ده رزقك اللى ربنا ميسرهولك بحكم التجارة هو مش حرام لان التجاره كده لانك برضه ممكن السعر يقل جدا وهاتضطر تبيع برضه بسعر السوق يعنى لو ابو 900 اللى انتا بتبيعه ب 1000 بقى فجأه ب 700 والكل بيبيعه ب 800 انتا مضطر تبيع كده يعنى عندك خسارة 100 جنيه فى القطعه يبقى برضه حلال ليك لما تمشى حسب سعر السوق والمستغليين عليهم ربنا ده رأيى ومتنساش سيدنا محمد قال المحتكر ملعون والجالب مرزوق صدق رسول الله صلى الله عليه وسلم
|
اقتباس:
المشاركة الأصلية كتبت بواسطة ahmedmh_ali
كلام محترم جدا و مقدرتش أعترض على و لا كلمة فية .. لكن المهم حضرتك قلت ( و فى يوم لقيت كل الأسعار فى المنتدى و غيرة بقت 1300 ) غيرة دة انا مليش دعوة بية فى ناس برة بتطلب 2000 جنية فى المسدسات التركى و فى الكميات اللى هو بيبقى جايبها بتبقى واقفة علية ب 600/700 جنية لكن دة مش موضوعى نيجى بقى للناس المحترمة اللى هنا أديك قلت كلة يبقى سعر واحد بس لو رجعت للأصل حتلاقى أستاذ فلان كتب على المسدس 1200 راح أستاذ علان كاتب 1200 بعدية راح أستاذ زيد كاتب 1200 و أستاذ عبيد 1200 و هكذا و صدقنى التغيير فى الأسعار بيجى فى أقل من ساعات دة يقرة الموضوع ان دة غلى يروح مغلى و الباقى يتابع على نفس المنوال لو خلينا فى مصداقية و مقارية لمستوى الأسعار يبقى الأسعار دى حتنتشر و تعمم و تخطف الأضواء من الناس المحتكرة و حترغم تاجر الجملة انة يرخص لتاجر التجزئة و بالتالى للمستهلك الأخير .
أما لموضوع أنا حبيع بكام لو أنا اللى معايا الشغل حبيع زى ما أنا ب 1000 جنية و طالما البضاعه مغلتش عليا يبقى مش حبيع بسعر غالى و اللى عايز يبيع ب 1300 هو حر ... بس خد بالك انا مش بقول كدة علشان أطلع انا مثالى و لا بناضل لحقوق الناس لا مش كدة انا حضرتك شغال فى جمرك أسكندرية (المنشية - الدخيلة - ميناء البصل ) و أظن حضرتك عارف يعنى جمرك يعنى ملابس مستحضرات الكترونيات ساعات نضارات اكل شرب كل حاجة و هو دة نظامى فى الشغل الحاجة جملتها 900 و انا ببيع ب 1000 طول ما هى جملتها كدة انا مكسبى كدة حتى لو السوق حيبيع ب 1300 الشحنة اللى جاية لو طلعت أغلى ساعتها أقولك ممكن أغلى و دة بردة مش أكيد لأن ممكن أخلى مكسبى 50 جنية بدل 100 جنية و أضرب السوق و ابيع الضعف ^_^
تحياتى للجميع .. تحياتى للأستاذ سيد .  |
حط المشاركتين دول جمب بعض و اقراهم كذا مرة...سبحان الله ده الفرق بين عقلية التجار المختلفة