[the_air_devil]

صائد البوم
رد: كيفية مواجهة سطو مسلح
احسن حاجه تديه الفلوس وتريح دماغك من غير متحتك معاه ودا الافضل لانه بيكون مش في وعيه وممكن وانت بتحاول معاه يحدث مالا تعوضه الفلوس فهو معاه رساااااااش

الزميل العزيز ....ماتنساش ان النبي عليه الصلاة والسلام قال
من قتل دون ماله فهو شهيد . ومن قتل دون دينه فهو شهيد . ومن قتل دون دمه فهو شهيد ، ومن قتل دون أهله فهو شهيد
الراوي: سعيد بن زيد بن عمرو بن نفيل المحدث: الترمذي - المصدر: سنن الترمذي - الصفحة أو الرقم: 1421
خلاصة حكم المحدث: حسن

وبالتالي مش هانسيبلهم الدنيا كدة سايبة وإلا أي حد يجيبلك أي سلاح وياخد اللي معاك بكل بساطة...الحالة اللي تفكر تديله حاجة هي لو كان عددهم اكتر منك بكتير ومالكش طاقة بقتالهم والاشتباك معاهم....انما إوع تسيب حقك لحد...العمر واحد والرب واحد...اللي هايسرق مالك هايطمع في عرضك وشرفك بنفس الطريقة...هاتسيبهوله؟؟؟

ولاحظ حاجة تانية....معظم الناس اللي معاهم أسلحة آلية مش معاهم ذخيرة في الوقت الحالي....الطلقة بتلاتة جنيه ومش متوفرة كمان بسهولة...وكل الخزن دي يادوب نصها أو أقل بيبقى مليان...وأحياناً بيكون السلاح فاضي تماما والحكاية دي اتكشفت واللجان الشعبية بتقفش العيال الهربانة من السجون ومعاهم أسلحة ميري مسروقة...وكانت معظمها فاضية....بعد كدة هاتسمح لحد بمسدس ولا رشاش لعبة يثبتك؟


ربنا يحفظنا أجمعين...بس في اللحظات دي بيكون حاجة من اتنين: يانت تعيش ...ياهو يعيش...خلي غريزة البقاء هي اللي تحكم مابينكم في التصرفات...وماتخافش لو موتك هاتموت شهيد دفاعاً عن نفسك...ولو انت قتلته فهو دفاع عن النفس , وماهياش حاجة مخلة بالشرف ...الأشكال دي مالهاش دية