[الصقر المصرى]

المشاركة الأصلية كتبت بواسطة جنرال

يا جماعة أنتوا ليه عايزين تراخيص وتاعبين نفسكوا الدفاع الشرعي عن النفس أمر أقره الدين - الذي هو أعلى من القانون - (من مات دفاعاً عن شرفه وعرضه وماله فهو شهيد ) أو مامعناه - يبقى الي يمنعك من الدفاع عن نفسك يعرض حياتك وأموالك للخطر.الذي عايز يدافع عن أهله وممتلكاته مايهمهوش ولا ترخيص ولا نيلة.هو لو واحد حرامي دخل بيتك ومعندكش تصريح ولا حتى مسدس حتقوله بعد إذنك أطلع ترخيص ولا حتضربه بأي حاجة حتى لو سكينة؟(والسكينة طبعا سلاح أبيض ضد القانون) ؟في حاجة أسمها دفاع شرعي عن النفس سواء في الدين أو القانون الوضعي وده أنك تدافع عن نفسك.أنا فاكر قصة فتاة العتبة لما الناس كانت بتتفرج ومحدش إتدخل فالشرطة قالت اللي ممكن يتدخل في هذه الحالة لا يُعاقب وتكرر نفس الأمر في وقت هوجة العمليات الإرهابية.يبقى إسلوب الشرطة هو التعطيل.فمافيش فايدة إلا بصورة قانونية زيبقى مانضيعش وقتنا ونحرق أعصابنا ونخللي ناس ذي اللواء ده يضحك علينا.اللي عنده خلفيه في القانون أو محامي يجمع توقيعات ويقدمها للنائب العام مثلا على أن نظام الشرطة يعرقل قيام المواطنين عن الدفاع عن أنفسهم .أو مثلا نجمع توقيعات ونروح المجلس الأعلى للقوات المسلحة نطلب إستثناء وكل واحد يكتب تعهد أنه يتم القبض عليه وإلغاء التصريح في حالة إستخدامه بصورة غير قانونية.عارف أن كل الناس متضايقة وبتضفضفض بس ماتنسوش وجه نظر الشرطة برضه أن مش كل الناس محترمين.يبقى لازم نفكر بعقل.

كلام حضرتك جميل جدا وصح بس من الناحيه النظريه فقط من الناحيه العمليه مش هيحصل الا بسلاح نارى لان متقوليش حرامى داخل عليك بيتك ماسك بندقيه 56ل ولا 53 ولا حتى بورسعيد وهتقولى هقفله بسكينه دى وصلت انهم كانوا بيدخلوا على البييوت بعربيات نقل يقولك حمل عفش بيتك وكل حاجه بنفسك على العربيه وفى الاخر يقولك روح كمل نومك
غير ان الترخيص بيحميك انك حتى لو شايل سلاح مش مترخص ودافعت بيه عن نفسك دفاع شرعى عن النفس هتتحاسب لانك حائز لسلاح بدون ترخيص وحلها القانونى الوحيد انك تثبت انك اخدت السلاح من اللى كان بيهاجمك وابقى قابلنى لو عرفت تثبتها حتى ابو شقه نفسه ممكن يحتار فيها دى
وجهه نظر الشرطه غلط لان برده مش كل الشرطه محترمين ومستعد اجيبلك سجل حافل لحوادث من امناء ومندوبين وحتى ظباط عملوها بسلاح ميرى مخصص علشان يحمى الناس مش علشان يتبلطج عليهم بيه وبعدين يعنى الشرطه لا هى حاميه الناس ولا عايزينهم يحموا نفسهم ده ايه الغرور والعجرفه دى خلوا الداخليه توفر خدمه زى 911 تكون الدوريه تحت بيتى فى خلال من دقيقتين لخمسه واحنا مش عايزين السلاح اصلا وبعدين فين التغيير اللى بيقولوا على امال الثوره فين نتائجها والشرطه هى هى لما كانت فى عهد مبارك كل مهمتها حمايه النظام ونفسها والشعب يتحرق ولا نسيتوا كلام حبيب العادلى ايام حادثه التحرش فى جامعه الدول ووسط البلد لما قالها بكل بجاحه ان الشرطه مش مسئوله عن امن الشارع امال مين اللى مسئول عادل امام
لازم نتائج الثوره تبان فى كسر عنجهيه الداخليه على الناس ويبقا فى احترام للشعب اللى ادهش العالم كله ولتفكيره مش تتعامل على ان الشعب شويه عيال ميعرفوش مصلحتهم فين
وان السلاح يكون مجرد استماره تتملى تتاكد بس ان الشخص ملهوش اى سوابق اجراميه وان سجله نضيف مش اكتر من كده حتى لو كان هيرخص السلاح علشان يحمى عجلته ولا كيس العيش اللى بيجيبه كل يوم
والا كل اللى هيكون حصل ان مبارك مشى والنظام فضل زى ما هو وسلملى بقا على الثوره وارواح الشهداء
عذرا للاطاله