رد: تحذير من الفرد الخرطوش
انا حبيت أضيف حبت معلومات للموضوع دا
الموضوع دا شائك ويردد كثير من الاسئله ف الأذهان هل صانعو تلك الاسلحه معروفون لدي الحكومة؟ لماذا لا يتم وضع احكام قاسيه لترويع من تخاوله نفسه لصناعة هذ الصنف
هدا الصنف خطييييير جدا وقد اعتبره اخطر من الحي لانه سهل الاقتناء حتي الاطفال يستطيعون اقتنائه منذ اسبوع بالضبط من الان كان هناك مجموع من الشباب قادمون من بني سويف لغرض مجهول قامو بتاجير شقه لاحظت وجود اسلحه فحاولت التقرب منهم لمعرفة مصدرها او ماذا يفعلون بها قالو لي بالنص
" إحنا معانا 4 مقاريط 16 "عيار 16 " ومقروطه عيار 12 و اربع كرتين طلق 16 وكرتونه 12 وحنة آلي قلت " طب أنتو بتعمير بيها ايه" قالو " جايين نخلص مصلحه لعمنا .... صراحه اترعبت قمت بتبليغ الشرطه خوفاً علي أسرتي " لانهم جيران وشباب صغار ومجرمين "مساطيل ف اغلب الأوقات" صعب الائتمان معهم" بلغت ضابط في قسم مدينة نصر واديتو البيانات قال إحنا حنقوم بالازم ولا شئ حدث بعد هذه الواقعه ب 4 ايام سمعت صوت طلقه ناريه عاليه جدا حتي اني اعتقدت انها أنبوبة غاز فنزلت أشوف في إيه لقتلك الواد ماسك السلاح في ايدو وصاحبة بيسوط بيقول ضرب نفسة راسه كانت بتنزل دم كتير فربطناها بفوطه عشان توقف النزيف حملوه ومعهم ابن اخي في سيارته ووصلو المستشفي ورجع قال الواد رايح المستشفي ميت الفرد ضربو من مسافه قريبه الطلقه ملحقتش تفرش فرشت داخل راسه " يعني دخلت راسه وانفجرت جوا عشان تطلع البلي " المهم اتصلت علي الحكومه قلتلهم الشباب الي بلغت عنهم من اربعة ايام وحضرتك مجتش اهم قتلو بعض " شكاً مني انها مش حالة انتحار عشان كدا قلت قتلو مش قتل نفسو " المهم استنينا الشرطه جات بعد ساعه وعشرين دقيقه في الوقت دا الشباب رجعوا عشان يخبو السلاح عشان لو الحكومه جات إحنا منعناهم من دخول الشقه راح اتصلو بواحد من الجيران وقالو تعالي خد مننا المفتاح شيل السلاح الي جوا فعلاً حاول دخول لإعماره محدش منعه عشان هوا من السكان وعرفنا فيما بعد انو شال الآلي المهم الحكومه جت وخدت باقي السلاح من ساعة الحادثة دي وحوادث تانيه أمامي بقيت اعمل بحث عن تاريخ السلاح وعقوبة حمله وليه المصانع متتقفلش
خطورته ف الآتي
السلاح في كذا نوع منو مثلاً ابو روحين ابو روح واحد و قرده " عباره عن نسخه مصغره سهلت التخبئه" ساقيه آلي " تشيل 6 طلقات ويتلف البكره تلقائيا ساقيه غير آلي " البكره مبتتلفش وفيه عقارية منو عيار 12 وعيار 16
عيار 12 يحتوي علي 50-60 بليه حديديه صغيره مداها 50-60 متر
عيار 16 يحتوي علي عدد اقل من البلي ولكنها اكبر ومدتها أطول وصوته اعلي
عند ضرب الطلقه الطلقه تنطلق سليمه الي حوالي المتر ثم تنفجر فارشه بلي صغير في شكل عشوائي ولا يمكن توجيهه علي هدف معين
يمكن ان يقتل عند المسافات ألقصيره
يؤدي الي العمي عند إصابة العين ( حالات شائعه)
جروح في جميع انحاء الجسم غالباً
يمكن ان تكون البلي كصدي ويؤدي الي الغرغرينه او في اماكن من الصعب إخراجه...
غالباً ما ترد الطلقه علي مطلقها بسس سوء الصناعه
يعني لو واحد ضرب من اول الشارع طلقه في اتجاه شارع حيصيب معظم الموجودين اصابات متفاوته
منتشر جدا وليس له فئه معين
في الاخر اقول ربنا يستر علينا وعلي شباب مصر وأهلها من الي بيحصل الرد للفائده وطرح هذه القضيه الصارخه وشكراً*
والي بيقول دفاع عن النفس انزل منطقه شعبيه يا باشا وأقعدتموه مع الشعب الاصيل واسأل عنه او انت ممكن مش تسال عنه لانك أكيد حتلاقي خناقه بيه او فرح شوف بيعمل إيه دا ينفع في دفاع ضد جيش او تتار من المجرمين*
التعديل الأخير تم بواسطة BlackWall ; 13-01-04 الساعة 01:10 AM
سبب آخر: اخطاء إملائيه بسبب تدقيق الايفون الإملائي
|