اقتباس:
المشاركة الأصلية كتبت بواسطة kareem_z
ممكن تكلمنا شوية عن مواصفات البندقية يا دكتور .. يعنى نوع التعمير و هل فيها نيشان فوسفورى ولا لأ .. و حضرتك كنت بتقارن بينها و بين ايه فى نفس الفئة؟ وليه مجبتش حاجه زى النوريكا 73 أو 92 أو الجامو 900 أو البنادق اللى فى نفس السعر تقريبا؟
و ربنا يبارك لك فيها و يحفظهالك
|
السلام عليكم أخى الحبيب , وآسف للتاخر فى الرد فأنا لم أرى السؤال إلا الآن فقط
بالنسبة لمواصفات البندقية فهى عيار 2 , قوتها 160 متر/الثانية يعنى متوسطة القوة , التعمير كسر, النشانات فسفورية , يوجد أمان للزناد , التقفيل وجودة الصناعة الأسبانى رائعة فعلاً.
فى البداية أنا كنت بافكر أجيب بندقية هاى باور ولكن بناء على نصيحة الخبراء غيرت رأيى للبنادق متوسطة القوة على اساس انى مازلت مبتدىء وأول مرة امسك بندقية وعندما استعملتها فعلا وجدت أنها افضل نصيحة لأن رد فعل البندقية مناسب تماما لمبتدىء ويساعد على اتقان الرماية ويحبب فى الصيد
فى البداية الواحد بيبدا بالصيد من مسافات صغيرة و متوسطة (من 15 الى 30 متر ) وهذا مناسب تماما للبندقية وحتى الخبراء فى الصيد أغلب صيدهم بيكون على تلك المسافات وهنا تظهر دائما المشكلة أن بنادق الهاى باور على تلك المسافات غالبا بتسرق الطير ( يعنى الرشاية من قوتها بتدخل وتخرج تانى من الجهة المقابلة ) وذلك يعطى فرصة للطير أن يطير لفترة ثم يسقط بعيدا بحيث يصعب الحصول عليه
ولذلك فقد استقر رأيى على البداية ببندقية متوسطة القوة , وهنا يأتى رأى الخبراء مرة أخرى حيث رشحوا لى هذه البندقية لدقتها وجودة صناعتها وتوافر قطع الغيار
أرجو أن أكون رديت على سؤالك وأسعد بأى استفسار آخر من حضرتك أو باقى الزملاء فى هذا المنتدى الرائع