[الصقر المصرى]

المشاركة الأصلية كتبت بواسطة جنرال

يا باشا أنا مش معترض خالص.أنا بوضح وجهه نظري ممكن تكون صح أو غلط.أما عن الصلاة والتعلم فالموضوع جه من منطلق الإجابة على تفسير الأية الكريمة أننا لازم نستعد فشرحت أن الأستعداد يكون بحجات كثيرة مش بالسلاح فقط.أما عن الصلاة تحديدا صلاة الفجر فيقال أن الرسول (ص) قال ما معناه أننا لن ننتصر على أعدائنا إلا عندما يمتليء المسجد في صلاة الفجر كما يمتليء في صلاة الجمعة.قصدي أن ده نوع من الإستعداد برضه .يعنى نبدأ من 1 مش ننط ل100 مرة واحدة.أما عن الحرامي اللي حيتردع لما يعرف أني معاي سلاح فده منطقي ولكنه غير قانوني بمعنى أنك حتى مع وجود التصريح لا يمكنك إظهاره أو حتى حمله في بعض الأماكن.اللي عايز أقوله أن الموضوع خطير وهام فلازم نتعامل معاه بحكمة . وللمعلومية تصاريح السلاح في العالم كله مش سهلة يعنى متفتكرش أنك بتروح محل تشتري سلاح وتدفع تمنه وتروح.لأ فيه تصاريح برضه وحتى مع التصاريح في إجراءات معقدة لشراء وغستخدام السلاح.فالسؤال الهام لة إفترضنا أن التصاريح بقت سهلة في مصر - وده ماأعتقدش حايصل أبدا لأن الموضوع ليه علاقة بالأمن العام والأمن القومي - هل سيكون السلاح في أيدي أمينة؟حضرتك محترم بس السلاح في الحالة دي مش للمحترم بس ده لأي حد طالما أنه حق. فتيسير التصاريح لازم يتبعه غجراءات صارمة للحصول عليه.لأنه كمان لو كل الناس خدت تصاريح حتلاقي السلاح بقى بمليون جنيه عاشان كل الناس عايزه (ذي الصوت دلوقتي اللي بيتباع أغلى من الحي من سنه أو خارج مصر).
مع إحترامي

طبعا بعيدا ان ترتيب السلاح مستحيل يكون رقم 100 وبعيدا ان تفسير الايه مش موضوعنا واحنا تقريبا مش مختلفين فيه ومع الاحترام لوجهه نظر حضرتك بس انت نسيت ان فى قانون يعنى اللى يغلط او يستخدم السلاح فى غير محله يتحاكم ويتحاسب ويتحمل نتيجه غلطته غير ان وجهه نظرك هى نفسها الحجه المعلنه للداخليه واللى معناها الفعلى ان الشعب المصرى شويه عيال ولو مسكوا النار ولعبوا بيها هيعوروا نفسهم بيها يا اخى الشعب المصرى اثبت للعالم كله انه قد المسؤوليه عيب ان العالم كله شاف ده واستوعبه وغير نظرته لينا بسبب كده والداخليه وحضرتك مش شايفينه غير اننا بنتكلم عن سلاح يعنى اللى بيفكر اصلا يشيل سلاح بيبقا عامل الف حساب لمسؤوليته وصدقنى عن تجربه الكلام ده ومين قال ان السلاح فى اى مكان فى العالم ليه اجرائات معقده حضرتك فى اى دوله اوروبيه بس اكيد مش بجنسيتك العربيه لو مواطن اوروبى او اميركى وبعض دول اسيا زى كوريا واليابان وبقيه دول النمور الاسيويه وغيرهم السلاح بيتباع فى المحلات وكل الشروط اللى عليه شخص المتقدم انه ميكونش ليه اى سوابق اجراميه وسليم نفسيا وكل اللى بتعمله انك بتملا استماره واحده لا اكثر ولا اقل بتدفع ثمن السلاح وبتستلمه فى خلال اسبوعين ولا عقد ولا نفسنه ولا يقولك هاتلى وهاتلى وهاتلى ويا اديناك الترخيص يا لا غير ان حضرتك لو بصيت لشروط التقديم هتلاقيها غير دستوريه بالمره ومفيهاش اى عدل .
اكيد مش بقول ان الاطفال تمسك سلاح لكن انا نفسى ان الترخيص يبقا مجرد اجرائات ميتحكمش فيها اى شخص مهما كان منصبه يعنى يبقا زيه زى رخصه القياده ورخصه السياره وجواز السفر مش تتحط تحت مزاج رئيس المباحث لحد مدير الامن يا شكلك عجبه يا لا .
وبوجه كلامى للداخليه وياريت صوتى يوصلهم (احترموا المصريين احنا كبار وكبار قوى كمان واعقل مما تتخيلون والعالم كله يشهد بده وبصوا لاوباما لما قال يجب ان نربى ابنائنا ليصبحوا كالشباب المصرى وهو رئيس اكبر دوله فى العالم فى الوقت الحالى )
خالص تحياتى،،،