[فكرى الفساخ]

المشاركة الأصلية كتبت بواسطة elmasrey123

بسم الله الرحمن الرحيم
اعضاء منتدانا الكريم ت
حيه طيبه وبعد
طبعا كلنا لبسنا المسدسدات الجديدة الايام الى فاتت دى بسبب موضوع انها مبتشتغلش غير على الفضى التركى بس وان الفضى هيه الى بتنام مظبوطة فى بيت النار والصفراء بتحشر ومش بتنام مظبوط وده راجع طبعا لان اخونا بتوع المسدسات مصممين بيت النار من جوه على مستويين شكله شكل الطلقة الفضى كده فى المستويين دول فاتيجى انته تدخل الصفراء تدخلها الاول حشر بسيط وبعد كده تقف متكملش وان شاء الرحمن نحل المشكله دى سوى مع بعض
الاداوت الى احنا هناحتاجها دى بتيجى من اى محل عدد او حداده
بوكوليس او القدمه
عدد 2 مبرد ديل فار او واحد على حسب قرب الصليبه الى فى الماسورة من بيت النار ودى هقولك تحددها ازاى كده بالتقدير واحنا بنشتغل طبعا المبرد يبقه من 9.5 ملى وانته طالع ممكن 10 او 11 مش مهم اهم حاجة انه يبقه من 9.5 وده بيبقه اكبر حجم للقطر بتاعه

نبتدى باذن الله
المشكله ان مقاسات الطلق الفضى والصفراء مش شكل بعض نشوف
ملحوظق القياسات ليست دقيقة 100فى الميه لان البوكوليس الى عندى مفيش فيه اصغر من الملى بس عامة الاختلاف فى اى جزء تحت الملى غير مؤثر
اولا الطلق الصفراء

قطر الطلقه 9.15 ملى طول الطلقه 21.8 ملى
الطلق الفضى

قطر الطلقه 9.1 ملى الطول 22.1
الطلقه سلوبه من الامام بدرجة سلب نص ملى من 8.6 ملى الى البلاستيكة
الطول قبل السلب 18 ملى
طول الجزء المسلوب 4.1 ملى هو ده المشكله بقه بيت النار متصمم من جوه على مقاس الطلقه دى

الحل بقه
هتجيب حضرتك المبرد الديل فار وبيبقه بالشكل ده

طبعا هو بيبقه ليه مقاس وبيبتى اقل لحد ما يوصل للمقاس ده عامه انته تجيبه شكل ما قلت اكبر من ال9 تجيبه من 9ونص وانته طالع 10 او 11 المهم
تحدد بالبوكوليس من حجم المبرد عند النقطه 8.2 وتفصل الجزء الجزء ده بعد كده تمشى بالبوكوليس لحد ما توصل ل9.2 وتعلم وتاكل بقيت المبرد على مستوى 9.2 اوتنزل بعد كده عن المستوى دى للاخلر المهم يبقه اعلى مستوى فى المبرد 9.2 دى بتتعمل بصاروخ وطبعا انا افضلك تاخد المبرد وتروح لخراط تخليه يظبطهولك على المسافات دى طيب امال انا طلبت مبردين ليه اقولك ليه المسافة الى احنا واخدينها فى المبرد دبه قطرها 1 ملى بتعمل طول من نص سم ل1سم على حسب نوع المبرد قابله للزواده او النقص احنا عايزين نوصل لاخر نقطه فى بيت النار لمستوى 9.2ملى فلو يكن المسافه 1سم والماسورة مغلقه فى صليبه ممكن يحتك بالصليبه وميوصلش للاخر فابتيجى حضرتك يبقه قدامك خيارين يابتبق محضر مبرد تانى عامله بنفس الطريقه دى بس بدل ما تبتديه ب8.2 ملى لا بتخليه 8.8 ملى او 8.9 وطبعا لحد 9.2 ملى بحيث ان يبقه طول المبرد قصير او انك بعد ما توصل للصليبه ترجع تعدل المبرد وانك تاكل من الجزء الامامى تقطعه لحد نفس المقاس ده الى هو 8.8
المهم
هتفك حضرتك مسدسك شكل الباشا
تزيت بيت النار كويس وكمان تحطلى شوية زيت على المبرد وتتعامل بقه فى بيت النار بس بالراحه وبحزر وتحاول تثبت المسدس او تثبت المبرد وتلف المسدس بحيث ان ميبقاش فيه ميل علشان متسحبش منك وتلف نص دايره وتعكسه وترجع تانى بس وانته ضاغط وهكذا وكده يبقه انته حليت مشكلتك
ملحوظه مهمة جدا ال9.2 دى بتاع الطلقه الذهبى ممنوع مناع باتا تزيد عن المقاس ده خد فارغ معاك خليه يقسه عنده وميزودش عليه
متنساش بقه التقييم

والله العظيم انت استاذ يا مصرى بك . انا قلت بك عشان انا لا احب كلمة الباشا