رد: حصريا طريقة استخراج رخصة سلاح حى فى مصر
على فكرة موضوع الترخيص صعب ومش صعب يعنى لو فى واسطه حيكون معقول شوية انا رخصة بعد رحلة 8 شهور وكانت المشكلة ان الواحد يخرج ورقو من الثلاجة بتاعة مديرية الامن بس الحمد لله خلاص رخصت واشتريت
**** بالنسبة للاوراق المطلوبة بالنسبة للمسدس او الخرطوش بيكون الاوراق ( انا عن نفسى ) كشف حساب بنكى علية تداولات كتير وصلت ل 250 الف فى 6 شهور رخصة العربية عقد الشقه بيان انى موظف فى شركة محترمة عقدلارض زراعية ان وجد لو انتا من سكان الارياف يبقا شهادة من الادارة الزراعية بامتلاك عدد من رئوس الماشية كل ده صور والافضل تخلى معاك نسخة من الصور دى كلها معاك وبتقدمها لمسئول التراخيص بقسم الشرطة وبيعملو اول تحريات عنك وطبعا بتقوم بملء وثيقة تعارف بينك وبين إدارة البحث الجنائى بتسجل فها كل اقاربك وطبعا مينفعش تطنش حد لان البحث الجنائى حيجيب اى حد من العيلة مش مذكور وبعدها بتجيب شيك من البنك الاهلى المصرى بمبلغ 120ج تقريبا وده موجه للتدريب على ضرب النار فى مكان مخصص من قبل الشرطة طبعا وبعدين يسافر الورق الى مديرية الامن للتحريات وبعدين يرجع للقسم علشان تقرير البحث الجنائى ويسافر تانى للمديرية ويبدأ رحله العزاب فى المديرية وبتكون على ثلاث مراحل اولها القسم الجنائى وبعدها الامن العام وبعدها مسئول الرخص فى المديرية وبعدها ان يعتمد الورق من مدير الامن شخصياً وطبعا كل إدارة بتكتب فىك تقرير ويوصى فية بأحقية المواطن فى الترخيص من عدمه ولو امك دعيالك بتعدى كل المراحل دى ويرجع ورقك للقسم وتستلم ترخيص الشراء وهو من 3 ورقات وساعتها طبعا يكون لينا الحلاوة على شرف صدور الرخصة وطبعا حتلاقى كل اللى فى القسم بيقولك انو خلصلك الموضوع علشان الحلاوة طبعاً وطبعاً احنا نطنش .
****** اسف على الاطاله بس بجد المشوار طويل ****** لو فى اى استفسار ده رقمى لانى مش بدخل على النت كتير 01002007556
|