[الصقر المصرى]

من الاخر يا جماعه الداخليه والنظام اللى فات كله كان ماشى بمبدا اعمل اللى انت عاوزه بس لو مسكتك هقطع ايدك يعنى السلاح اللى مغرق السوق السودا من انواع اللى فاهم فى السلاح ميتخيلش انها تكون موجوده بالسهوله دى لدرجه انها مش بتخدم فى الجيش المصرى ولا الشرطه المتعدد دلوقتى بقا بيركب على عربيه ربع نقل وشويه شويه هنشوف مدرعات مع الناس كل السلاح تقدروا تقولوا لى السلاح ده كله ده دخل البلد ازاى وبيتباع باسهل من السهوله ازاى كانك رايح تشترى حاجه من السوبر ماركت الطلقات بقت تتباع بالزنكه يعنى الف طلقه والناس بتشترى وبالنسبه للناس اللى بتقول ان التراخيص لو بقيت سهله الناس هتموت بعض بقولهم صوابعكم مش زى بعض خاصه ان اللى بيمسك السلاح مش عيل صغير مش مسئول عن افعاله ومن الاخر اللى فى ضميره يعمل حاجه بالسلاح تخالف القانون مش هيروح يرخص سلاح علشان يموتله بيه حد واكبر دليل البلطجيه والسلاح اللى معاهم باى منطق تقولوا ان دول يبقى معاهم سلاح ولا حتى تغبوا فى ورقه ترخيص وجايبينه ببلاش واحنا الناس كل اللى عاوزينه نحمى بيوتنا وعيالنا واكل عيشنا تقولوا لا كخ السلاح ميتشالش وحتى اللى هاوى فينا بيبقى اكتر واحد عارف قيمه السلاح وخطورته وبيبقى متحمل مسؤوليته ازاى ومتهيالى الاعضاء اللى هاويين السلاح عارفين ده كويس يعنى باى عقل واى دين واى مله يقول ان انا استنى المصيبه تحصل وادور على اللى ينجندى بعدها بعد خراب مالطه وبعدين مش احنا اللى ننضرب وندور على اللى يجيبلنا حقنا بسم الله الرحمن الرحيم
{العين بالعين والسن بالسن والجروح قصاص} {واعدوا لهم ما استطعتم من قوه ومن رباط الخيل ترهبون به عدو الله وعدوكم} صدق الله العظيم
مش ده كلام الدين ولا انا غلطان
وبعدين انتوا ليه متصورين ان المصريين شويه عيال لو لعبوا بالنار هيتعوروا بيها لا احنا الشعب اللى العالم كله دلوقتى بيحلف بحياته وكل واحد عارف امتى وفين هيعمر سلاحه ويضربه فى قلب كل اللى يحاول يفترى عليه ولا يستعفى او يستقوى نفسه واللى بيكون هدر دمه بنفسه وبرده امتى وفين هيركنه ويطلعه بس علشان ينضفه .
واحد نضيف صحيفه الحاله الجنائيه بتاعته انضف من الصينى بعد غسيله ومعروف هو مين ايه المانع انه يشيل سلاح ولا هو لازم يتحطله شروط تعجيزيه وفى الاخر يتحط تحت رحمه ظابط هوايته ينفسن على الناس
مش كل المصريين ارهابيين ولا مجرمين ولا بلطجيه على فكره
اسف على الاطاله وده رايى واعتقد ناس كتير متفقه معايا
خالص تحياتى،،،،،