[وليد سالم]

المشاركة الأصلية كتبت بواسطة sapper

أ/وليد سالم
اولا متشكر على مساعدتك و جزاك الله خيرا
ثانيا حضرتك ليه محسسنى انى أجرمت اما سألت عن جامو مكسيما اذا حد جربها او يعرف معلومات عنها لان انا سألت عنها بعد فقدان الامل فى وجود هنتر 440 الاصدار القديم و مكسيما عجبتنى بشكلها و بالرغم انى اصلا مكنتش بسأل عن cfx رويال لكن حضرتك والكثير بيرجحها و دخلت فى المشاركات و انا مكنتش فى خطتى انى استفسر عنها
اخيرا اوجه لك و لكل الاعضاء اللى ساعدونى الشكر و التقدير

اولا يا صديقي لا داعي للشكر علي واجبنا تجاه اي استفسار لاي عضو بالمنتدي

وثانيا انا مقصدتش اللي انت فهمتة ده خالص والله انت مأجرمتش ولا حاجة في التفكير في المكسيما ولكن انا قولتلك علي الخاص لما كلمتني ان المكسيما اللي اعرفة عنها ان قطع غيارها مش متداولة وهي تختلف عن قطع غيار مجموعة الجامو وغير انها مش مشهوره في مصر اوي وده ممكن يكون سبب ندرة قطع غيارها وده كان قصدي مش اكتر يعني مجرد نصيحة وخوفي انك تشتريها ولا قدر الله لو حصلها حاجة هتركنها بدون فايده

وفي حاجات كتير اشكالها ملفته للنظر و جميلة المظهر ولكن لا تغتر بالمنظر وجمال الشكل وخليك في الجوهر وكم الاستفادة اللي هتعود عليك منها واتمني لك التوفيق فيما تريده يا صديقي