[الصقر المصرى]

المشاركة الأصلية كتبت بواسطة smart141366

اخى الصقر المصرى شكرا لردك مع احترامى لية بس اسمحلى اعقب على (وبقولهالك عن ثقه هتترمى فى اقرب صفيحه زباله ده ان بصوا فيها او استقبلوها من الاساس خاصه ان العدد مش هيكون كبير لا سته الاف ولا حتى ستين الف هيهزوا شعره فيهم وخدها منى كلمه ثقه هيعملوا ودن من طين وودن من عجين) حضرتك استخدمت ضمير الغائب فى (بصوا , استقبلوها,شعرة فيهم ,هيعملوا ودن ) اعتقد ان ضمير الغائب دة بيعود على الداخلية ومعنى دة ضمنى ان حضرتك عذرا ماخدتش بالك من قصدى انى ابتدى بالداخلية واصعد للجهات الاعلى مع تاكيدى للجهات الاعلى دى انى لجئتليهم بعد ما الداخلية تجاهلت فاكستنا ورمتها لو دة حصل والجهات دى ذى رئيس الوزراء ومجلس رئاسة الوزراء والمجلس الاعلى للقوات المسلحة وهاكذا ولو كنت حضرتك فهمت قصدى دة فهل ضمير الغائب الى حضرتك بتستخدمة دة مقصود بية كل الجهات دى هتعمل نفس الشىء من تجاهل ورمى للفاكسات فاسمحلى انا معترض معاك فى دة لان الجهات الحكومية بتهتم بالفاكسات انا موظف باحدى الوزارات الحكومية وعارف يعنى اية فاكس والفاكس بيكون لية ورقة اسمها ريسيفيد فية بيانات الفاكس وعدد الورق وساعة التسليم للجهة المرسل ليها بتاخدة لما ترسل الفاكس ومن حقق ترجع وتابع ببيانات الريسفيد دة وتشتكى كمان لو فاكسك ضاع بالخطء مابالك بالاف الفاكسات وكل فاكس بياخد رقم .

اعتراض حضرتك على راسى من فوق بس حضرتك حللت المشاركه بتاعتى لغويا واستخلصت منها معانى معظمها مقصدتهاش ولا كانت فى بالى وكمان فسرت الكنايات والاستعارات المكنيه اللى حضرتك اقتبستها منى تفسير مغاير للمقصود منها
حضرتك موظف فى جهه حكوميه وطبعا مع احترامنا لكل الجهات الحكوميه لكن حضرتك بتتكلم على الشكاوى والبلاغات والالتماسات اللى بتتبعت عن طريق الفاكس لكن هنا احنا بنطالب بتعديل فى لوائح الداخليه ممكن توصل لتعديل تشريعى فى قانون الاسلحه والذخائر والموضوع ده اكبر من الموظف اللى هيستقبل الفاكس هو ورئيس رئيسه حتى وزير الداخليه نفسه وبصراحه الموضوع اكبر من انه يتحل بمجرد فاكسات غير ان حضرتك بتتكلم عن كلام الكتب والواقع حاجه تانيه خالص احنا اه هنشتكى ان الفاكسات متنظرش فيها ولا اترد علينا ومخدتش بالك ان الرد ممكن ييجى بان الموضوع اتحال للبحث وحلنى بقا تكون ماتت ناس وحييت ناس لو حد رد علينا والرد هيكون برفض الاقتراح او الشكوى والخطوه اللى بعدها اننا هنروح للجهات الاعلى فالاعلى ونفس النتيجه وفى الاخر هنصب فى القضاء ودى دايره تانيه يا جماعه خلونا نفكر تفكير عملى اقصر الطرق للربط بين نقطتين هو الخط المستقيم يعنى الواحد لما يكون تعبان عنده دور برد يروح لدكتور انف واذن على طول ولا يروح لدكتور جراحه ويحوله ليه طول ما احنا عارفين الحل فين ايه المانع اننا ننفذه مباشره
ولو على الفاكس اتفقوا انتوا على الحل ده وانا اول واحد هبعت الفاكسات لكل الجهات اللى هتحددوها طالما اتفقنا على حل لان هى دى الديمقراطيه ولا ايه ؟
خالص تحياتى،،،