طلعة استكشافيه لأحد الاماكن الجديده عصرا
بسم الله الرحمن الرحيم
امبارح اخر النهار مكانش عندى شغل كتير
قلت بدل مانا قاعد فاضى اخر النهار اطلع اعاين احدى الاماكن الزراعيه عشان ابقى اروح اصطاد فيها يوم الجمعه لو فضيت
اخدت صديق ليا وخرجنا سوا حوالى الساعه 3 عصرا
واخدت معايا البندقيه عشان لو لقيت حاجه فى السكه اضربها
المنطقه اللى راحينها اسمها ( كاف 6 )
ورحنا على المكان وبالفعل لقينا مكان كويس اوى هناك ومليان يمام
بس مع الاسف قابلت هناك شابين من الاهالى وقعدنا ندردش مع بعض شويه
وقالولى الصيد هنا خطر جدا
لأن الاهالى هنا كلهم تقريبا مسلحين بسبب ان فيه حراميه بينزلو المنطقه دى باستمرار ويسرقو منها مواشى
والاهالى بمجرد ماهيشوفو حد شايل بندقيه وداخل على ارضهم اكيد مش هايفهمو انك صياد
وطبعا انت عارف الباقى
المهم اخدت بالنصيحه وكبرت دماغى عن المنطقه دى عشان المشاكل
واحنا راجعين على الطريق وفى وسط الاراضى ربنا كرم بالحصيله دى
يعنى اتحسبت عليا طلعة صيد بالصدفه وبدون ترتيب
ههههههههههههههههه
الحصيله
8 يمامه
2 غراب
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|