يا تري لو ديانتين 52 و بي اس ماك 6 مع بعض يعملوا ايه
مساء الفل علي أحلي صيادين في أحلي و أجمد منتدي
الحمد لله دي أول طلعه ليه بالمدفع الجديد اللي ربنا وفقني و جبته الديانا 52. ده طبعا مش معناه اني هنسى حبيبة قلبي الكرال.
المهم .. أنا طلعت مع وحشين بسم الله ما شاء الله البرنس الكبير أوي ي ي ي ي أ/ محمد محمود و الشرس المشاكس القناص الجامد أوي أ/ محمد توتو. محمد محمود كان معاه الموس البي اس ماك 6 و توتو و العبد لله معانا ديانات 52. يا نهار أبيض ده هيبقي الطحن للركب  فعلا كان يوم أغبر علي الحمام و اليمام. بسم الله ما شاء الله ربنا كرمنا ب 91 فرد يمام و 22 فرد حمام ده غر اللي وقع و معرفناش نجيبه لأنه وقع وسط القمح .
و للعلم الحمد لله الرجاله دي و العبد لله بتضرب أوبن سايت و ما أدراك ما الأوبن سايت و متعته. فعلا كان يوم جامد طحن و أتمني أنه يتكرر تاني.
ملحوظه : علي اليمين الوحش محمد توتو و علي الشمال العبد لله حسن عرابي هتقولوا فين صور محمد محمود و بقيت الصيد النجم توتو وقعت منه الكاميرا بتاعته و ملقنهاش .. ذنب المجزره اللى عملناها هاهاهاهاها و الحمد لله اني كنت مصور صوره بالموبيل..
سلام يا أحلي صيادين و مستني أحلي تقييم
__________________
سبحان الله و بحمده سبحان الله العظيم [CENTER]
التعديل الأخير تم بواسطة Orabi ; 12-03-31 الساعة 11:03 AM
|