اقتباس:
المشاركة الأصلية كتبت بواسطة bekhet
أخى العزيز
مينفعش حد يقولك أحسن بندقية
لية؟؟؟؟؟؟؟؟؟؟؟؟؟
علشان كل صياد مختلف عن الأخر والى حلو مع غيرك ممكن يكون وحش معاك
الموضوع مش مسألة فلوس فقط ولكنها عوامل كثير
فى صيادين كثير إمكانتهم المادية لا تتيح لهم الحصول بنادق غالية
وعملين أحسن شغل ببنادق زى الرمسيس والمعادى والتل المجرى والكرال وو..................
إنت قولت على الديانا مغنوم إنها صوتها العالى يطفش الطرائد ودة كل الحال مع البنادق الهاى باور الغالى منها والرخيص اللهم إلا الى عليها كاتم للصوت زى الديانا 56 بس دى وزنها تهمة وإتحكمت تضرب أسكوب
وقولت على الديانا 54 مشاكلها كثير مع إنها صناعة ألمانى زى الفل وأمال البام تبقى إية
علشان يبقى الكلام موضوعى لازم نحدد نقاط محددة للإختيار
1- مسافة الصيد المعتادة ونوعية الصيد (أحتاج هاى باور ولا لأة) معظم الصيادين بيحبو الهاى باور علشان بيحب يضرب مسافات ولا تمشى معايا حاجة زى السلفيا الخرساء أو تل مجرى لغاية 30 متر مستريح
2-نوع الصيد المعتاد (عصافير - يمام - حمام برى - غربان - فراخ مية - بط) علشان أشوف العيار المناسب معظم الصيد يمام وصيادين القاهرة بيحبو العيار .22 وصيادين إسكندرية بتحب العيار .177
3-الوزن المناسب لية تختلف بختلاف الشخص ومرتبطة عادة بالبنيان الجسمى للصياد هل أقدر أشيل أكثر من 4كجم وأقدر أثبت إيدى أثناء النشان
4-طريقة الصيد المفضلة أبن سايد ولابالإسكوب
5-الميزانية المتاحة وهل هذة قيمة هذة البندقية أنا مش برمى فلوس فى الأرض
6- قدرتى على التغير (هل ممكن أجيب حاجة وأغير بعد فترة قريبة علشان مش مستريح ولا عايز حاجة دائمة)
7- مدى الخبرة السابقة (هل عندى خبرة سابقة أستطيع أن أختار بسهولة ولا معنديش علشان لو جبت حاجة وطلعت عكس ما أنا متصور لو معنديش خبرة سابقة يبقى أطلع أى رحلة صيد مع مجموعة من الصيادين الموجدين فى المنتدى وأتفرج عليهم وهما بيصتادوا وأشوف البنادق الى معاهم وبكدة أقدر أقيم أو أشترى حاجة رخيصة أشوفها الأول وبعد كدة أغير)
قبل متجاوب على الأسئلة وتعرف الإجابة كويس لن تسطيع أن تعرف ماهى أفضل بندقية لك
أرجو أكون أفتدك
|
إجابة ممتازة أحييك عليها , وأحلى تقييم لحضرتك