اقتباس:
المشاركة الأصلية كتبت بواسطة dr mohamed kamal
هذه القوانين تنطبق على مقذوف بنادق الهواء أو النارى ,أما من ناحية إن هذه القوانين لاتصلح لانها بتفترض تحرك الجسم فى وعاء زجاجى مع إنعدام العوامل الخارجية هذا تفسير غير منطقى ولا يصح ,لانه فى هذه الحالة سوف يتحرك الجسم مدى الحياة بنفس السرعة مثل الاقمار الصناعية فى الفضاء الخارجى حول الارض و كذالك الاجرام السماوية وذلك لإنعدام العجلة و التى معناها معدل تغير السرعة بالنسبة للزمن سواء تزايدة أو تناقصية {يعنى بدون عجلة الجسم يتحرك بسرعة ثايته مدى الحياة},ثانيا من قال إن مفيش مقاومة و جاذبية للمقذوف طب العجلة فائدتها ماذا ,العجلة التناقصية تعبر عن المقاومة سواء الهواء أو الجاذبية للمقذوف وتؤدى إلى تناقص السرعة تدريجيا حتى سكون المقذوف ,برجاء مراجعة هذه القوانين أخى العزيز و العلم ليس مقيد بسن أو بمرحلة تعليمية ,لك منى جزيل الشكر و الاحترام ,تحياتى للجميع
|
اخى العزيز
انا مهندس و درسنا معادلات الحركه فى الكليه باستفاضه و كل الكلام الى انا قولته انا متاكد من صحته تماما.. عجلة الجاذبيه تاثيرها داخل فى المعادلات دى بس الاحتكاك بالهواء و سرعة الريح و معامل الاحتكاك بين المقذوف و الهواء ده مش داخل هنا و هاتلى معامل الاحتكاك من المعادله الى انت كاتبها و سرعة الريح و تاثيرها..
انا كلامى متاكد منه و ده الكلام العلمى... معادلات الحركه بتاة ثانوى كلها مبنيه على افتراض انها داخل وعاء لا هواء به و ده مش افتراضى انا... ده افتراض العلماء الى عملوا المعادلات دى لسهولة الحساب انما عشان تحسب سرعة رشع او عربيه حتى على سرعة 100 كيلو فى الساعه فالمعادلات دى غير كافيه و لازم تدخل تاثير الاحتكاك بين الجسم اى ان كان شكله و حجمه و بين الهواء و ده مش معامل قليل على فكره... انت لما بتسوق العربيه بتحرق بنزين.. لما بتوصل لسرعه معينه و تثبت عليها بتحرق البنزين الى بيعادل احتكاك جسم العربيه بالهواء فقط.. ده على اعتبار ان مفيش منازل و مطالع فى المسافه دى و المقصود هنا انى ابينلك معامل الاحتكاك و مقاومة الهواء قويه اد ايه