رزقنى الله بالنوريكا جيت نمره 2
اليوم فى تمام الساعه الخامسه مساءا قمت بشراء بندقيه نوريكا جيت نمره 2 من محل الصياد المصرى
وذلك اكيد بمساعده العمده جلال بك خليفه والله العظيم يا عمدتنا مش عارف اودى جمايلك فين ساعدتنى ف سكوب
ووعدتنى بنوريكا جيت نمره 2 ووفيت بالوعد
وعندما ذهبت للمحل فوجئت برقم الصراحه لم يكن موجود معى ولم يكن ف الحسبان لولا مكالمه من جلال بك للاستاذ يسرى فخفض المبلغ فعندها وفقنى الله واشتريتها
يا جماعه عشان تعرفوا ان العمده جلال بك خليفه مفيش زيه الراجل بعد ما اشتريت البندقيه بحوالى ساعه كنت طبعا ملخوم فيها شايلها ف المترو والكل بيبص عليها وغير انى كنت راكب العربيه بتاعه طنطا وجدت التليفون بيرن واذا به يتصل ليطمئن عليا
الصراحه انا احرجت لانى لم يتسنى الوقت الكافى لى لاتصل به واشكره جمايلك غرقتنا يا جلال بك
مهما تكلمت لن افى هذا الرجل حقه ربنا يجعله دائما عونا لكل مبتدىء ف الهوايه وكل من يحتاج المساعده ويجعل عمله ف ميزان حسناته اللهم امين يا رب
وانشاء الله اطلع طلعه بكره الساعه الخامسه صباحا ادعولى وانشاء الله ارفع صور الطلعه على المنتدى على الله بس البندقيه متكسفنيش
واسف ان كنت اطلت عليكم واخيرا وليس اخرا السلام عليكم ورحمه الله وبركاته
__________________
تركت حبك لا كرها فيك
ولكن لكثره الشركاء فيه
فانا كالاسد لا اشرب الماء
من اناء شربت منه الكلاب
|