[aymank2]

المشاركة الأصلية كتبت بواسطة mohamed mahmoud

واللة الواحد بيبقى حزين جداااااااااااااا لما يساعد ويتفاعل مع الاعضاء ولما يطلبوا خدمة بيحاول يساعد ولكن لما يكون فى ايديهم حاجة زى رش مثلا بسعر مخفض يرحوا يبعوا فى مكان تانى بس لازم عدد المشاركات متقلش ان 100 مشاركة صح ولا اية رايك يا استاذ ايمن

استاذ محمد تحياتى لحضرتك اولا الموضوع الى حضرتك مشارك فيه دلوقتى نزل فى المنتديين فى وقت واحد بغرض تحفيز الناس على التكاتف بسرعه بس المكان التانى الى حضرتك تقصده ومش هذكر اسمه علشان قوانين المنتدى وجدت فيه رد فعل قوى وسريع من الاداره والاعضاء الى فيه اعضاء كتير شاركو بعرض انواع الرش الى موجود عندهم الى جانب محاوله ايجاد حلول بديله وانا عن نفسى شهاده حق احد اعضاء اداره المنتدى التانى الى حضرتك تقصده اشترى الرش بسعر قدامى والله ونزله عرض اقل من السعر الى اشترى بيه طيب يبقى فيه محاولات لمواجها جماعيه انا شاركت فيها انما معلش سامحنى ايه الموقف الى اتاخد هنا فى المنتدى لمحاوله مواجه الموقف يبقى مش الست علب بتوعى الى هما الى هواجه بيهم التجار وزى منا عضو هنا انا عضو فى المنتدى هنا وهناك.
تانى حاجه شرط المشاركات او الكارنيه علشان محدش من التجار يخش باكونت جديد ياخد الرش كمان الى عندنا وبنحاول نساعد بيه.
تالت حاجه صدقنى لو فيه مواجها جماعيه موجوده فى المنتدى ثق انى هكون احد المشاركيين فيه والدليل ان انا الى اثرت الموضوع لانى فى الاخر احد المتضررين من غلاء الاسعار ياريت الاداره والاعضاء الكبار تبادر وانا هشارك لان فى الاخر ديه هوايه ولازم نحميها من جشع التجار .
رابعا كلام حضرتك يدل على انتماء جميل للمكان ياريت يكون ده الشعور السائد صدقنى فيه حاجات كتير هتتغير.
اخيرا ده نقاش حضارى ومفيهوش اى تجاوز من ناحيتنا احنا الاتنين فياريت تتفهم وجه نظرى وميكونش مصير المناقشه او الموضوع هو الحزف تحياتى ليك