السلام عليكم
جمعة مباركة عليكم اخوتي الافاضل في أخر اليوم
اشتريت الفالترو يوم الاربعاء قبل الماضي, لم تتسنى لي تجربته الا مرتين مرة مما يقارب ال10 أيام ومرة اليوم.
اليوم بفضل الله تقابلنا انا واخوة افاضل اعزاء والحقيقة هما اكبر مكسب من مكاسبي اللي جاتلي من المنتدى ربنا يخلي القائمين عليه وهما :
الاخ الفاضل وليد : lilkapo
والاخ المحترم عبدالرحمن: Android man
طبعاً تقابلنا الساعة 11 كطلعة تعارف
لان الوقت كان خلاص قرب على الجمعة وكمان اي حاجة بتطير كانت مروحة مع اننا شفنا بعض اليمام.
المهم كان الهدف بنسبة كبيرة نجرب المسدس بشكل عملي, لكن حصلت حاجة هي خطأ مني وهي ربط الانابيب بشكل ازيد من اللزوم مما ادى لعدم قدرة الغاز على الخروج بشكل جيد وكانت النتيجة ضعف الطلقة بشكل غريب, الحقيقة استغربت !!
روحت البيت مضايق جداً, لكن ربنا هداني لاني افك ربط الانابيب الغاز شيء بسيط واعيد الربط سريعاً بحيث لا يتسرب غاز كثير وفعلا فكيت الربط شوية اكتر من اول والمسدس اشتغل تمام زي اول مرة, لكن قولت لنفسي بعد ايه بعد ما اتحرجت قدامهم
.
فدي كانت ملاحظة ان ربط الانابيب في مسدسات الغاز ازيد من اللزوم هيأثر جدا على خروج الغاز بالتالي ممكن اصلا ما تلاقيش الرشاية تتحرك من مكانها..
نيجي للتقرير الصغير
روحت البيت وقولت اجرب في خشب:
الصورة دي مبدئيا واضحة لكن نيجي للثلاث رشايات اللي مضروبين:
اللي على اليمين ضربتها من 10 متر تقريبا جت في جنب زجاجة 1 ليتر سفن اب.
الثاني اللي بعدها تم ضربها من نفس المسافة جت في الحيط.
الثالثة اللي اسفل الخدش تم ضربها من مسافة 6 متر احدثت خدش بعمق 3 مم والغريب ان الرشاية ردتلي جت في صدري وحمدت ربنا انها ماجيتش في عيني.
دي صورة تانية انا جبت غطاء كرتون بتاعة فيجا ثبته فوق الخشب.
الضربتين تم ضربهم من مسافة 10 متر واحدثوا النتائج الموضحة.
فيه رشاية ضربتها علمت في الكرتون وعلمت في الخشب وردتلي انا لقيتها وانا ماشي وتقريبا ردت ل 8 متر ونص يعني تم ضربها من بعد 10 متر علمت في الكرتون والخشب وردت 8 متر.
دي صورة اخيرة للرش اللي لقيته بعد ماضربت اغلبه معالمه مش باينة خالص.
ومن وجهة نظري بعد التجربة دي انا شايف ان مسدسات الرش زي الفالترو قوي جداً واللي خلا يعلم ويعمل خرم في الخشب لو جه في جسم شخص في حالة الدفاع عن النفس فاكيد هيخترقه ده غير انه ممتاز للرماية لكن الصيد لسة ماجربتوش تجربة حقيقية لكن خلاصة القول ان مداه المؤثر 15 متر لكن المهم تظبيط الضرب لان المسدس فعلا عايز دقة كبيرة في الضرب.
والله المستعان وربنا يوفقنا جميعاً لما فيه الخير.
شكراً وتحيتي