رد: حصريا طريقة استخراج رخصة سلاح حى فى مصر
المشكله الاكبر قبل متكون فى الشروط هو التعسف فى استخدامها لانها فى النهايه بخضع للمزاج بتاع جنابو لو شكلك عجبه او رايق ممكن يوافق ولو متخانق مع المدام اكيد هيرميلك الورق وتبقا لفيت السبعه لفات على الفاضى طبعا ده كله بدون ذكر الحل السحرى لاى مشكله فى بلدنا قبل وبعد الثوره وهى الواسطه يعنى لو ليك ظابط تقيل قريبك ممكن يزقلك الورق وانت قاعد فى البيت ده ناهيكم عن الشروط اللى مش بتراعى ظروف المواطن فلو مثلا مواطن محدود الدخل وشريف وكل اللى عايزه انه يقدر يحمى نفسه او بيته او بناته مش يقعد يستنى انه يتصل ب 122 ويلاقى رساله صوتيه بترد عليه ان الخط فتح اصلا وعلى فرض ان حد رد والكلام ده زمان ودلوقتى يعنى قبل الثوره زى بعدها وقالهم فى مشكله فى المكان الفولانى ان جم بدرى هيجولك بعد نص ساعه تكون لا مؤاخذه الدنيا خربت نقول لشخص زى ده روح هات 200000جنيه اعمل بيهم سجل تجارى ويكون هو اصلا بيدبر فى تمن الطبنجه ويارخصنالك يا لا من الاخر الحكومه الجديده لازم تفهم ان اللى هيشيل سلاح هيشيله برخصه او من غير وبالذات عندنا فى الصعيد وده ناهيكم عن ان الترخيص بيكتفنا فى الطبنجات ال 9مللى او الخرطوش وفى مواقف بتمر على الناس بالعافيه بتسد فىها ال ak-47 واللى مفروض يعيدوا النظر فى ترخيصها حتى للغفر اللى الواحد ممكن يعينهم ويامن عليهم كمان ده لو ينفع علشان المزارع والمخازن اللى عرضه للسرقه والتخريب فى اى وقت .
خالص تحياتى وعذرا للاطاله
|