[Ahmed914]

المشاركة الأصلية كتبت بواسطة جنرال

يا جماعة أنتوا ليه عايزين تراخيص وتاعبين نفسكوا الدفاع الشرعي عن النفس أمر أقره الدين - الذي هو أعلى من القانون - (من مات دفاعاً عن شرفه وعرضه وماله فهو شهيد ) أو مامعناه - يبقى الي يمنعك من الدفاع عن نفسك يعرض حياتك وأموالك للخطر.الذي عايز يدافع عن أهله وممتلكاته مايهمهوش ولا ترخيص ولا نيلة.هو لو واحد حرامي دخل بيتك ومعندكش تصريح ولا حتى مسدس حتقوله بعد إذنك أطلع ترخيص ولا حتضربه بأي حاجة حتى لو سكينة؟(والسكينة طبعا سلاح أبيض ضد القانون) ؟في حاجة أسمها دفاع شرعي عن النفس سواء في الدين أو القانون الوضعي وده أنك تدافع عن نفسك.أنا فاكر قصة فتاة العتبة لما الناس كانت بتتفرج ومحدش إتدخل فالشرطة قالت اللي ممكن يتدخل في هذه الحالة لا يُعاقب وتكرر نفس الأمر في وقت هوجة العمليات الإرهابية.يبقى إسلوب الشرطة هو التعطيل.فمافيش فايدة إلا بصورة قانونية زيبقى مانضيعش وقتنا ونحرق أعصابنا ونخللي ناس ذي اللواء ده يضحك علينا.اللي عنده خلفيه في القانون أو محامي يجمع توقيعات ويقدمها للنائب العام مثلا على أن نظام الشرطة يعرقل قيام المواطنين عن الدفاع عن أنفسهم .أو مثلا نجمع توقيعات ونروح المجلس الأعلى للقوات المسلحة نطلب إستثناء وكل واحد يكتب تعهد أنه يتم القبض عليه وإلغاء التصريح في حالة إستخدامه بصورة غير قانونية.عارف أن كل الناس متضايقة وبتضفضفض بس ماتنسوش وجه نظر الشرطة برضه أن مش كل الناس محترمين.يبقى لازم نفكر بعقل.

أنا معاك ... لكن وجه نظر الشرطة خطأ ... والقانون الخاص بالترخيص مخالف للدستور ... بالنسبة للدفاع الشرعى عن النفس ... فلا بد من الأخذ بالأسباب " وإعدوا لهم ما أستطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم " " صدق الله العظيم " وأظن الآية الكريمة تلخص رأيى فى موضوع الترخيص وشراء السلاح ... أما بالنسبة لحكاية الشرطة اللى عايز يتدخل لا يُعَاقب ..... ده كلام فاضى ... دول بيمسكوا المربوط ويسيبوا السايب ... وأتحدى أى ضابط شرطة يقول عكس كده ... كفاية إنك تشوف حالات الدفاع الشرعى عن النفس ... هل تشتمل على الدفاع عن نفسك ضد قاطع طريق ؟ ... طبعاً لا ... وذلك بإفتراض سوء النية ... يعنى لو قتلت حد فى حتة مقطوعة طلع عليك بسلاح سواء أبيض أو نارى ... يقولك كان لازم فى الأول تضرب فى رجله أو إيده ... مع إن الموقف بيكون فيه رهبة وخوف وصعب فيه ضبط النفس .... وتلاقى نفسك محبوس والسلاح ترخيصه مسحوب ويمكن بعد ما تطلع منها تلاقى أهل البلطجى أو أصحابه مستنينك سواء إنت أو يإذوا حد من أهلك ... وسلملى على الحكومة !!!