الصياد المصري و البيع بغير امانه
أنا عايز احكلكم حكايتي مع الصياد المصري الي موجود في شارع زكي - التوفيقيه
انا رحت اشوف مسدسات ضغط الهواء و لقيت نوعين
Gamo V3 و Walther PPK
الاثنين بصراحه كانو جامدين و مكنتش عارف اختار انهي واحد فيهم
المهم سألت الراجل الي هناك ايه رائيك - قالي بصراحه الاثنين احسن من بعض و لاكن كان الرض بتاعه بطريقه تخليك تسي المكان على طول
المهم مخدتش في بالي و سالته اهم حاجه في حاجه بتنفس؟؟ لاني سمعت عن موضوع تغيير الجلب و خلافه
الراجل رض عليا بكل تناكه ان الحاجه دي 100% - المهم دفعت الي طلبه و عقيال موصلت من التوفيقيه لمصر الجديده كانت الانبوبه الي حتطها في المسدس كانت نفست
قلت يمكن تكون بيظه- في الاخر جربت 5 انابيب و كلهم كانو بينفسوا في اقل من 5 دقائق بدون اطلاق اي بليه
كلمته على التليفون و انا في قمه الضيق - رد عليا و قال "تعالى بكره"
تاني يوم لقيته بيكلمني و قال باشا انت محتاج اي نوع تاني و انا اجيبه؟ قلت انا ممكن اخد الولتر, رد عليا " والله الولتر فيه عيب" رديت عليه "طيب ليه مقلتش كده امبارح قبل ما اشتري منك؟ مش قلت ان الحجات كلها 100%" رد علي "طيب تعالى و ربنا يسهل"
وانا في الطريق كلمني تاني و قالي "بص يا باشا الحجات الي موجوده دلوقت معيوبه و انا حرجعلك فلوسك بس مبيني و بينك من غير اي حد يعرف و بعدين اجبللك الي انت عايزه و ابقى تعالى خدها"
طبعا انا مكنتش عايز غير فلوسي لان الناس دول غشاشين و معندهمش ضمير
و طبعا اخدت فلوسي و قلت "الحمد لله ربنا نقذني من النصابين"
يا جماعه الناس دي بيغشوا و معندهمش ضميير و كل الحاجه الي عندهم فيها عيوب
اللهم اني بلغت
|