[ابو مروان]

اصدقائى وحبايبى فى المنتدى الغالى.....السلام عليكم ورحمة الله ...العصر طلعت انا وابن خالتى طلعة سريعة وكان معظم الصيد من العربية ...الصيد من العربية ممتع ومفيد للاماكن المفتوحة اللى اليمام بيخاف فيها من البشر....مشينا فى طريق بعيد عن المساكن شويه و مقطوع ....الطريق بين الزراعات ما ياخدش الا عربية واحدة واحنا فى نص الطريق لقينا عربية نص نقل مقابلانا ةعايزانا نعدى من جنبها وما فيش مكان...السواق باع النص نقل نزل من مكانة والشخص التانى قعد على الدركسيون......المهم لما نزل من العربية لقيت شكلة غلط يعنى موش من السواقين الفلاحين الطيبين...... وهوب العربية النص نقل بطلت وعطلت ...احنا فى العربية ما نزلناش وبنتكلم من جوة العربية.....المهم جة واحد منهم وقف جنب ابن خالتى وبص كدة جوة عربيتنا وبيقلب بعنية وشاف البنادق وقال بتصتادو عصافير هات البندقية وانا اوقعلك عصفورة........ الرد كان لا شكرا ما فيش بنادق الواد مشى وراح يدعبس فى بطارية العربية مع الشخص التانى .....ونادى ممكن زقة بس.....انا قولت لابن خالتى بلاش تنزل العيال دى عايزانا ننزل برة العربية وخلاص ممكن يكون معاهم سلاح.....ابن خالتى ظابط والحمد لله كان معاة الطبنجة بتاعتة.....راح حاطط الخزنة وشادد الاجزاء وقالى انا نازل وانته معاك الطبنجة على الضرب على طول........لان لو حسوا اننا خايفين هايتجراو علينا.....نزل هو وموش فدماغة وانا قاعد فى العربية مستعد لو حصل حاجة هانزل على طول وهاضرب هاضرب المكان مقطوع وما فيش حد ها يلحقنا لو حصل حاجة........ابن خالى نزل وحط ايدة على كتف الواد وساله انت منين ورايح فين وقعد يلف حوالين العربية ...مباحث مباحث......العيال تقريبا قلقت منه وقلقت من اللى راكب فى العربية وموش راضى ينزل اللى هو العبد لله ......المهم العربية ما رضيتش تدور موش عارف قضاء وقدر والا هما قاصدين ....ناديت على ابن خالتى وقولتلة الرجالة بترن عليا هما جايين ورا ياللا نرجع لهم عشان ما يقلقوش......طبعا والا فية رجالة والاحد بس عشان نخلع براحة.....دورنا من الحتة دى بالعافية ورجعنا وربنا ستر......الحصيلة كانت 3 يمامات غير اللى ضاع فى الغيطان وكروان ودى تانى مرة اصتاد كروان......نصيحة لحبايبى واخواتى بلاش الصيد فى الاماكن البعيدة والمهجورة ...انا عارف ادمان الهواية جامد بس لو هاييجى منها مخاطر بلاش...خليك فى اى حتة قريبة واصتاد والارزاق بيد الله...انا عارف ان الاعضاء بتتحمس ونفسها تعمل اسكور عالى بس يا ريت بلاش الصيد فى الاماكن الخطر ...ربنا يسترها مع الجميع...........