مساء الخير على احلى منتدى
انا كنت بدور online على سلاح يكون اقوى من البنادق الهوائيه و فى نفس الوقت اضعف من الاسلحه الناريه, لقيت اسلحه جديده بتنتجها شركه المانيه اسمها German Sport Guns و بتستخدم ذخيره عيار 0.22 بوصه (زى الرش نمره 2) اسمها cal 22LR و لكن الذخيره ديه تنطلق بقوة احتراق مسحوق يشبه البارود و لكنه اقل اشتعالا عشان البندقيه ماتبقاش قويه كفايه انها تستخدم فى ايذاء الادميين.
سرعه الطلقه 1400 قدم فى الثانيه و ديه طبعا اكتر من اقوى بنادق الهواء, و سرعه ممتازه لصيد الحيوانات الكبيره نسبيا.
و المميزات الرهيبه الاخرى انها نصف اوتوماتيكيه (semi automatic) و الذخيره رخيصه جدا, و حجمها صغير و وزنها خفيف !!
و نتيجه لأن البندقيه ديه مش خطيره فى الدول الاوروبيه و الولايات المتحده ممكن اى حد طالما عمره اكبر من 18 سنه انو يشتريها بدون اى نوع من انواع الترخيص !!
و المفاجئه الاكبر كمان ان الشركه بتصنع البنادق ديه على شكل بنادق حقيقيه (replicas) !! و طبعا شكلها بيبقا تحفه لدرجة انك متعرفش تفرقها من السلاح الحقيقى !
و اللى العن من دا كله بقى ان سعرها فى امريكا 550 دولار ! يعنى 3000 جنيه ! يعنى بتمن بندقيه جامو !
و ال1000 طلقه ب 40 دولار يعنى 220 جنيه !!
و ديه بعض الصور للاسلحه ديه من ضمنها واحد على شكل السلاح الشهير AK-47 !!
ياريت تردوا و تقولولى رأيكم فى الكلام ده عشان انا اتعقدت !!
و ديه كمان فيديوهات بتوضح القدرات الرهيبه للسلاح ده عشان نتعقد اكتر
