[محمد عز]

معلش يا جماعة كنت مسافر كام يوم وبعيد شوية عن المنتدى
لكن اللي بيضايقني احيانا اني الاقي ناس مش عارفة قدر الاستاذ جلال خليفة
او عارفة قامته ودوره المهم في ابعاد الاستغلال عن اعضاء المنتدى وبرضه بتهاجمه لأهداف شخصية ضيقة
انا مش هعدد مميزات العمدة او اعيد كلام عن اخلاقه وشرفه
بصراحة اعضاء كتير اتكلموا عن بعض منها ولم نوفيه حقه بعد
لكن با جماعة الراجل ده وعن تجربة وتعامل معاه طويل وسؤال تجار السلاح بيضغط عليهم علشان يخفضوا الاسعار لأعضاء المنتدى
واما كنت بابيع عدد من البنادق الزيادة الجديدة اللي عندي كان بيطلب مني اخفض الاسعار للناس علشان الاعضاء يحسوا بفرق كبير بين سعر المحل والسعر اللي بيشتروا بيه رغم اني كنت باشتري بأسعار عالية ولكن الحمد لله كنت باستجيب لمعظم طلباته على قد ما أقدر
ومش مشكلته ان ميشيل عازر مثلا بيخفض الاسعار وغيره لأ علشان كده هوا بيبعت الناس عند ميشيل- ده أمر طبيعي انك تخدم صاحبك عند محل بيبيع له ارخص لأنه بيبعت ناس برضه عند فتح الله وغيره
والأهم انه مش بياخد عمولة من المحلات
واشرف عازر غلب علشان جلال يأخد منه هدية حتى لأنه يخاف يقوله خد عمولة
وجلال بيرفض دايما ومش بيقول كده لكن القربين منه عارفين
ياريت الناس تستفيد من علمه وخبرته واخلاقه ويبعدوا عنه وعننا الفتاوي والاجتهادات غير الصحيحة
وبادعوا الناس انها تهتم بموضوع الجمعية اللي سيادة المستشار بيدعو لإنشائها لأنها مفيدة جدا وهتفرق جامد مع اعضاء المنتدى
وتحياتي لكل من شارك في الموضوع وأولهم العمدة جلال خليفة