اقتباس:
المشاركة الأصلية كتبت بواسطة القناص فليفل
وانا ارى ان اول قانون يجب ان يصدر هو تجريم استخدام لفظ اخوان او سلفى او ليبرالى فنحن مسلمون مصريون ﻻفرق بيننا وان اﻻهزهر الشريف هو المرجعية الدينية الوحيدة بمصر ومنع خطباء المساجد من التحدث فى السياسة
|
بالنسبة للنقطة الأولى أحييك تماما لأن ربنا قال " ولا تفرقوا "
و بالنسبة للنقطة الأخيرة فكلام حضرتك أكثر من رائع أنا داخل الخطبة علشان أرقق قلبي مش أسمع نشرة أخبار
بس سامحني بقى في النقطة المتعلقة بالأزهر مع كامل احترامي دة رأي متطرف أوي الصراحة ليه بقى لأن زي محضرتك عارف إن مصر فيها مذاهب كثيرة الأزهر بيمثل بعض هذه المذاهب - على فكرة إحنا عيلة أزهرية - فمن الظلم إني ألزم كل المسلمين باتباع منهج يخالف منهجهم دة احنا بنقول دولة مدنية يعني مينفعش يبقى عندي مؤسسة دينية من مؤسسات الدولة مش عاوزين نكرر بلايا الاخوان المفلسين مش عاوزين نرجع تاني لان حد يتدخل بيني و بين ربنا في عبادتي بمعنى آخر إحنا حاربنا الجماعات المتطرفة في النقطة دي و قلنا بوضوح إحنا شعب مسلم مش محتاجين طبيب بيطري يعلمنا ديننا لأنه أصلا شايف إننا كفرة فبالتالي مينفعش اعمل زيهم و اقول لهم لازم منهجي انا هو المنهج الوحيد المعترف بيه و انا المرجعية الوحيدة - و لا شك عندي انه المنهج الوسطي الذي يمثل الاسلام الصحيح علشان محدش يفتكر حاجة - بس يا اخواننا دة دين يعني لا إكراه فيه نعم لو أنا معتقد إن فكرك متشدد أو منحرف دوري إني أوجهك و أنصحك و أبين لك مش أرهبك بسلطة القانون بس طبعا فكرك دة لنفسك حتى لو كفرتني ربنا يحاسبك مش أنا لكن لو الفكر دة خرج عن كونه فكر و تمت ترجمته لأعمال إرهابية هنا لا لازم وقفة يبقى هنا الدولة تعاقب كل مجرم حسب جرمه لكن إني أدخل الدولة في الصراعات الفكرية و المعتقدات الدينية آسف مش من حق حد يتدخل في معتقدي حتى لو كان من شيوخي و أساتذتي مع وافر احترامي اللهم الا النصح و الدعوة الحسنة يبقى على عيني و راسي و إلا صدقوني هنبقي.......
إخوان كلاكيت تاني مرة
مجرد رأي