[Orabi]

السلام عليكم ورحمة الله تعالي و بركاته

أهلاً و سهلاً بك معنا في المنتدي أخ عزيز و عضو غالي. لو حضرتك كما هو واضح لسه صياد مبتداء أنصحك في البدايه ببندقيه تجمع بين خفة الوزن و الدقه علشان تتعلم عليها مهارات الصيد و الرماية و البنادق دي بتتراوح أسعارها من ١،٦٠٠ جنيه لحد مثلاً هنقول ٣،٥٠٠ أو ٤،٠٠٠ جنيه طبعاً في حاجات أرخص بكتير زي الحاجات الصيني بس منصحكش بيها. بأمر الله لما تقف علي رجلك و تبقي صياد جامد أنت بنفسك هتحس إنك عليت علي البندقيه و كطمع كل الصيادين هتبتدي تدور علي البنادق العاليه زي الديانا و البي إس و الفايروخ.
أنا عن نفسي بدأت كده جبت الأول
كرال ثم ديانا ٥٢ ثم ديانا ٤٨/٥٢ ثم الكرباج السي إف ٣٠ و أخيراً مسك الختام ٥٢ و الحمد لله.
أهم من البندقيه في الأول إنك تلاقي صياد قديم يعلمك كل حاجه تضرب إزاي و إمتي و تدخل علي الطير إزاي و حاجات كتير لو معاك حد قديم فاهم هيوفر عليك مشوار تعليم كبير. أنا عن نفسي ربنا كرمني أول ما إبتديت بحبيبي الغالي و أستاذي الغالي اللي علمني أشيل بندقيه إزاي و مازلت أتعلم منه كل طلعة صيد البرنس محمد محمود ربنا يرزقك واحد زيه.
أهم حاجه إنك تعرف إن البندقيه الحلوه بتساعد كتير بس البندقيه من غير صياد مهما كانت تلقي النبله أجدع منها ههههههه يعني إبتدي أنت الأول باللي ربنا يقدرك تجيبه حسب إمكانياتك و تركز إنك تبقي صياد شاطر و فاهم وواحده واحده ربنا يكرمك باللي أنت عايزه.


خالص تحياتي