[محمد عز]

المشاركة الأصلية كتبت بواسطة وليد الشيمى

السلام عليك يا استاذ محمد ... ومشكور حرصك على اخوانك الاعضاء الصيادين الجدد
ولكن انا لى تجربة شخصية ... ان انقطعت عن الصيد 20 سنة ( من سنة 1990 حتى 2010 ) بسبب ضعف سوستة بندقيتى ( تل مجرى بعتلة آنذاك) ولم اجد السوستة الاصلية بتاعت بلادها.. وكانت غالبا لاتقتل الفريسة وكنت اشعر باحراج وخجل ممن حولى فاعتزلت الهواية عشرين سنة بسبب البندقية الضعيفة ولذلك احببت الرجوع للهواية اشنريت ماجنوم 350 والفضل لله ثم لهذا المنتدى الرائع.. الخلاصة ان البندقية الضعيفة ح تخليك تكره الصيد

ياوليد بك انت التسليح بتاعك جامد وسألت على البنادق بتاعتك كلها تحف والله لو فيه حيوانات نصطادها زي بره كان زمانك مسوي الهوايل
انا كان عندي برضه تل ريلوم بتاعة الحاج الله يرحمه ودورت عليها اما رجعت من السفر بس ماعرفش راحت فين
المهم اني كنت مش مهتم بالصيد قد اهتمامي بالرماية
ولكن اما اصطادت طيور وحيوانات ببنادق اصحابي في الخليج عشقت الصيد والسلاح واما جيت هنا في مصر بادور على البنادق ضغط الهواء الهاي باور بس عشان زي ما انت عارف ان ترخيص اكتر من بندقية مش مسموح زي برة والصيد ببنادق الرش القوية امتع وارخص بكتير من الخرطوش
المهم ان يكون عند الناس بندقية عشان يصطادوا لأن اللي هيسمع كلام سلبي كتير عن البنادق الرخيصة هيكون مش مبسوط ومش هيكره الصيد بس دا هيزعل ان ما عندوش بندقية قوية او غالية ويشعر بحرج اكتر وندم انه اشترى بندقية ضعيفة او رخيصة وغيره معاه بندقية قوية
انا وجهة نظري مش تشجيع البنادق الرخيصة والضعيفة ولكن تشجيع الصيادين نفسيا ومعنويا
واشكرك على مداخلتك المفيدة ولك تحياتي ولو انت في القاهرة خلينا نتقابل مرة ونتبادل الاراء