[okapi knife]

ازاى تبقى خنيق طحن لحد ما تنضرب علقة سخنة
.
.
.
.
.
.
• قول نكته طويلة أوى وتعالى عند أخرها وأعمل نفسك نسيتها.

• لو ماشى بعربيتك ف طريق..
ادى اشاره يمين طول منتا ماشى لمدة 10 كيلو او اكتر..
خلى اللى وراك يتشل منك..
وابقى اقفل ازاز العربيه او حط الاير فون فـ ودنك عشان متسمعهمش وهما بيسمعولك كل ما تتمناه من الشتايم

• طول منتا مع صحابك.. كل اما تقول حاجه خنيقة.. مد ايدك للى جمبك اكأنك بتقولو كفك يا برنس..
لحد ما يتخنق منك ويقوم من جمبك بأى حجه..

• طول منت ماشى ف مكان او جوه بيتكم حتى.. كل لما تلاقى حاجه مسطحه طبل عليها..اعملهالهم مرستان..!!

• لو كنت من هواة الكتب .. واستعرت كتاب.. ..قبل ما ترجعه للمكتبه.. اكتب نهاية القصه على اول صفحه واخنق ع اللى بعديك..

• طول منت ماشى ف الشارع.. ارفع ايدك لاى حد كانك تعرفه وبتسلم عليه..هو زى الاهطل هيرفعلك ايده برضه ويقف شويه يبصلك عشان يفتكرك..
نفضله وامشى..
انت مش فاضى..
وراك ناس تانيه عايزه تخنقها..

• لما تكون مع صحابك.. وعايز ترخم عليهم..بسيطه..
كل ما يقول واحد منهم جمله..
كررها بصيغة سؤال..
مثلاً..
هو-انا رحت امبارح لعمرو
انت-انت رحت امبارح لعمر؟؟
هو-اه ونزلنا الهرم انا وهو
انت-نزلت الهرم انت وهو؟

وهكذا لحد ما يتف فـ وشك ويقوم يديلك قلم علي وشك ويمشي..

• طول منت ماشى ف الشارع رخم على كل واحد تقابله واسئله الساعه كام..؟؟
ولما يرفع ايده او يطلع الموبايل..
اعمل انك مستعجل ومش فاضى..
وامشى ونفضله واسئل واحد تانى جمبه..

• لو كنت قاعد ف المترو.. افضل بص لواحد وركز عنيك عليه.. ورخم ع اللى خلفوه لحد ما يتخنق منك وتحس انه اتفقع خلاص..

• نفس الراجل ده قبل ما يشتمك.. انزل من العربيه دى لما المترو يقف.. واركب عربيه تانيه.. الراجل هينفخ من السعاده..ماشى يا تيت..هوريك.. المحطه اللى بعديها.. ارجع للعربيه دى تانى.. الراجل هيطب ساكت من المفجأه..

• واحد صاحبك خنقك..طول منت بتتكلم معاه متبصلوش.. بص لاى حاجه ماشيه او واقفه حتى..

• اى وآحد قرفان منه.. كل ما يكلمك كلمه.. سهم كده.. وقوله معلش عيد تانى اصلى كنت سرحان ومش مركز معاك..

• ايه انتو نمتو ولا ايه؟؟؟

• طول منت ماشى فاضى ف الشارع.. اسئل اللى رايح واللى جاى عن محل مالوش وجود.. وخصوصاً لو لقيت الراجل مستعجل طول فـ السؤال بزياده..

• اى جنيه ورق يقع ف ايدك اكتب عليه الفاظ خادشه للحياء..

• وانت قاعد مع اهلك او صحابك.. ووهما فى نص كلامهم المهم..
اصرخ وعلى صوتك وقولهم.. بااس ..حد سمع اللى سمعته ده؟؟
هيبصولك بدهشه..
قولهم انا سامع صوت قطه صغيره بتنونو.. هى مستخبيه فين..
طبعاً تفكيرهم اتشتت بالقطه العلقه دى.. ومش بعيد تلاقيهم قامو دورو عليها تحت الكنب..

• كل ما حد من صحابك يقول حاجه أخنق ع اللى خلفوه وقوله ..قول والله؟..

• لو بتكلم حد ع الشات رخم عليه واكتب انجلش ارابيك.. وخلى الحروف كلها كابيتل..

• لما تلاقى اى حد بيعد فلوس.. امسك الموبايل كإن حد بيكلمك.. وقول اى رقم بصوت عالى..هتلخبط اللى بيعد.. ويبصلك بصه بنت تيت.. اصبر وكرر الموضوع ده كمان مره.. هيكلك علي أفآك صدقنى..

• طول منت قاعد ف مكان ..مترو كان او بستان.. اعطس فجأه فى وش اللى قدامك.. ومتنساش تتأسفله بشده.. وكررها تانى بس طول فى فترة هااااااااااااااااااااااااااااااااااااااااااااااااا اااااا اتشى.. هتلاقيه قام اتطر من قدامك ف ثانيه..

• لو عندكم بتوجاز بتايمر.. متضيعش الفرصه ورخم ع اللى ف البيت كلهم.....كل شويه اظبطه على 10 دقايق كده واخرج من غير ما حد يشوفك.. ويسلام لو كان بالليل والكل نايم..

• نفس الفكره.. لو عندك منبه ابن تيت صوته عالى.. اظبطه انه يضرب كمان ربع ساعه.. وحطه ف الدولاب بتاعك واقفل عليه بالمفتاح.. والبس هدومك وانزل وروح عند اى حد صاحبك.. وسيبه يرن ساعه يصدع دماغ اللى ف البيت..او يجيب صرع لاخوك لو كان شغال ع النت فنفس الاوضه.. ولما ترجع..متنساش ترسم علامات الدهشه والنسيان على وشك..

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول.

• فى مطعم بص للناس اللى على التربيزة اللى جنبك وهى بتاكل ودقق أوى لغايه مايقوم ويسيب الأكل من غير ميخلص.

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا.

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية.

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار.

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان.

هع هع هع ..
كفايه كده النهارده...
زاكروا كويس يا شطار..

وبكده اضمنلكم ان محدش هيقدر يرخم عليكم.. لان محدش هيصاحبكم وانتم كده اصلاً....