[احمد الريس]

السلام عليكم ورحمه الله وبركاته
الفاضل استاذ هشام اسئل الله أن يؤجرك علي مصيبتك ويخلفك خيرا منها ويجب ان تعلم أن المؤمن مصاب وكلما عظم البلاء عظم الاجر
أولا : تابع ف النيابه التصرف في المحضر وهل الاحراز راحت الطب الشرعي أو قسم الاسلحه الناريه بالمعمل الجنائي وأيه تقرير الخبير أو الفني المنتدب
ثانيا :حضرتك شوف محام كويس وثقه و أعمل له توكيل وجيب فواتير دقيقه من مستورد محترم ثابت فيها بطاقته الاستراديه وسجله التجاري وبطاقته الضريبيه وخلي الاستاذ المحامي يرفق بيها طلب أستلام وأسترداد بنادق الرش ومحدثات الصوت والطلقات والحاجات دي كلها
ثالثا : أكيد أنت معاك سجل تجاري وبطاقه ضريبيه لو دول مش متواجدين أبدأ حالا في استخراجهم وكمان قدم علي ترخيص في الحي أو الوحده المحليه اللي انت تابع ليها وحاول تختفظ بكل الايصالات والمكاتبات الخاصه بأستخرج التراخيص وقدمها مع الطلب أو ف قضيه بعد كده حيازه سلاح أو مزاوله نشاط
رابعا : في حاله أي تعنت أو رفض من جهه الاداره تروح علي مكتب المحامي العام ف دمنهور وتقدم له طلب وتشرح ليه بأختصار كل اللي حصل معاك وتقول إن الفواتير مكنتش موجوده في المحل ومحدش اداني فرصه اجيبها من البيت وأن التراخيص جاري إستخراجها
وأسئل الله لك التوفيق والموضوع سهل جدا ما تقلقش وربنا ستر الحمد لله وياما حاجات أكتر من كده بكتير وبتعدي ولو حضرتك عاوز أي استفسار انا ممكن اسيب لحضرتك رقمي
وتحت أمرك في اي وقت