انا لسه شاري ريتاي بارون امبارح بالليل و من ساعتها و انا عامل زي العيال الصغيرة ههههههه آعد العب بيه و اصوره و أحطه في علبته أكني بنيمه في سريره
انا اشتريته مقفول من عند محلات خضر بالاسكندريه و مشكوراً بعتهولي القاهرة، المسدس زي بعض الناس ما بتقول فيه صوت شخشخه بسيط و في فرق بسيط تشوف النور منه ما بين جسم المسدس و جزء شد الأجزاء و لكن انا عارف انه مش مضروب هو الفنش بتاهعه كده، المسدس له رقم مسلسل و مكتوب بالكمبيوتر على العلبه برضو، المسدس معاه العلبة فقط يعني لا فرشة ولا قاذف صواريخ، المسدس مقفول و سعره 850 جنيه.
المسدس أكنه معموللي مخصوص
الدبشك على أد إيدي تماماً، وزنه 1044 جرام حوالي كيلو فا مش تقيل داهية ولا خفيف زي التونه تحس انك شايل مسدس لعبه
شكل المسدس شيك أوي و له شخصيته تحس انه مسدس مودرن مش مسدس تصميمه قديم شكله أكنه حي مافيش فيها كلام، المسدس حساس
يعني تلبسله جونتي و انت بتتعامل معاه
و لو متجوز زي حلاتي ماتمسكوش بيدك الشمال لان الدبله هتسيب علامة في الدهان المت الجميل أما لو خاطب فأوعى تمسكه بيدك اليمنى لنفس السبب
على اي حال تقييمي للمسدس مقارنه لسعره "850 جنيه" المسدس يستاهل، المسدس من المسدسات اللي يدخل قلبك على طول، انا و هو قاعدين مع بعض من امبارح و خلاص بقينا أصحاب و بننا أولفة من أول دقيقة
أيه الرغي ده كله ؟!
انا آسف أسيبكم مع الصور ؛)