صيانة كامله للديانا 54 (جزء 1)
مايو 8, 2015 /
David
دي بندقية 54 ومطلوب مني أجربها و أعصرها علشان أطلع منها أقصى قدر من الدقة و القوة
من الخارج البندقيه شكلها رائع و مافيهاش خدوش واضحه بأستثناء التعجين الموجود على مسطرة السكوب مكان مسمار الستوبر خلينا نشوف هنعالجه أزاي في الأخر
البندقية غرقانه زيت و بتدخن لما تتضرب أولا الزيت ده لازم يتنشف
و حالة الجلبه و السوسته غير معروفه
بس الأول هأجرب مجموعه من 10 متر
دي النتيجه
طبعا عار على أسم ديانا أن دي تتسمى مجموعه فمن الواضح أن البندقيه ما بتجمعش و في الغالب الزيت هو السبب و ممكن الزيت ده يكون دمر الجلب تماما
المسامير مش متجرحه و لا عاوزينها تتجرح علشان كده لازم أختار مفك نفس مقاس المسمار
الدبشك من الداخل شكله سليم و مافيش أي أشارة أن البدقيه بتخبط في الخشب من جوه
نظام منع الرتداد شكله سليم و ال o-ring ألي فيها سليم
زيت في كل مكان
زراع التعمير لازم يتفك الأول تيله و بنز
النشان الخلفي لازم يتفك علشان مافيش حاجه تتكسر لما البندقيه تركب على المنجله
زيت تحت النشانات الخلفيه (أزاي وصل هنا؟؟؟)
غطاء بتاع الماسوره و الحليه البلاستيك و النشانات الأماميه برده لازم يتفكوا و ألا البندقيه مش هتركب على المنجله
المنجلة قطعة عدة أساسية علشان فك أي بندقيه
بعد القليل من العبث البنزات بتاعت مجموعة الزناد بتتفك بمنتهى السهوله
السوسته الأصله (لأعلى) و سوسته جديده (لأسفل)
واضح أن السوسته الأصليه ريحت شويه لكن حالتها ممتازه (مافيهاش أعوجاج)و أن السوسته تريح ده شيء طبيعي و بيحسن من أداء البندقيه لأنه بيخلي سرعاتها متقاربه
السوسته القديمه هتفضل و مش هتتغير
أنتظروا البقيه