اقتباس:
المشاركة الأصلية كتبت بواسطة شهريار
انا قريت التعليقات واحب اضيف تجربتى يا جماعة
انا معايا حلوان 920 وده طبق الاصل البريتا مع اختلاف واحد بس هو الدبشك ومكتن تنزيل الخزنة انما جسم الطبنجة وشكلها هو هو البريتا و الخزنة 15 طلقة وبتشيل 14 طلقة علشان السوستة بتاعة اللاى متتضعفش... انا ضربت مرة واحده بس من ساعه ما اشتريتة وكانت 14 طلقة متتالية وانطباعتى
1- ارتداد منعدم ونعومة فى الضرب ومحستش انه حلوان
2- مفيش سخونة ولا حاجة ومش عارف الاخوه بيتكلموا انه بيسخن بعد الطلقة الرابعة ازاى انا مش فاهم انا ضربت الخزنة 14 طلقة ولا حسيت بسخونة ولا ولع ولا حاجة
3-تحس بصوته انه مدفع و قوى
4- وزنه تقيل وحجمة كبير
5- شكله ولون صباغته طبعا مش حلو بالنسبه للطبنجات العالمية ( جلوك - سيج زاور- سميث - براوننج )
6- صيانتة متوفره فى المصنع خطوتين ومش تلف بره على حد يصلحه
7- سلاح دفاعى كويس جدا مقابل سعره وامكانيات البريتا ومش هتحس بفرق بينهم الا وزن بسيط زايد فى الحلوان.. انت محتاج ايه الا طبنجة 9 مللى قويه وخزنة 15 طلقة ولا بيعلق ولا حاجة انا ضربت الاول 3 طلقات ببطىء وبعد كده بقيت اسرع فى الضرب ولا علق ولا حاجة
انا شايف انه سلاح ممتاز يؤدى الغرض منه بس عقدة الخواجة هى اللى بتخلينا مش واثقين فيه .... وطبعا هو مش للمنظرة انما سلاح محترم انا شايفه عملى عن اسلحة تاني كتير
|
خامات و ماسورة الحلوان51 أقل بكتير من ال 920 و 980
انا معاك فى موضوع الصيانة المتوفرة بسهولة للحلوان وال سى زد القديم فى مصر
بس مش معاك فى حجم المسدس الكبير قوى زى ال 920 اللى معاك (اذواق)
معايا جلوك 19 نص وزن و حجم طبنجتك بنفس عدد طلقات خزنتك بمدى اعلى والارتداد اقل بكثير وامانها اعلى وهذا لا يعيب من طبنجتك ....
قبل الثورة فروق الاسعار بين الطبنجات مكنش كبير خصوصا فى الاستيراد ... و الموضوع مش سعر اغلى ولا عقدة خواجة اكتر منه تطوير للمنتج وتعدد موديلاته وده مش موجود فى قاموس المصنع بتاعه اللى هوه بيقلد الخواجة بيريتا بموافقة من شركة بريتا
و اكيد طبنجة حضرتك نسخة طبق الاصل من موديل لبريتا .... المصنع اللى عنده العقدة مش احنا
انا مستنى اشوف حلوان 50% منه بوليمر حتى , اشوف 4,5 موديلات مختلفين عن بعض بجد مش مجرد نشان فسفورى