طلعة ثالث يوم العيد
طلعة ثالث يوم العيد وكل سنة وانتم طيبين وبعوده الطلعات الحلوه مع احلي واجمل ناس طلعت معاهم صيد وبصراحة كان نفسي يكون معانا صديقي الحبيب الاصيل ( aymank2 ) ::: ايمن كمال ::: كانت هتكون اجمل طلعة طلعتها في الموسم كلة يله الجايات كتير بعون الله
رجالة الطلعة :
صديقي الغالي ( فضيل ) ::: البندقية كرال
وده بأه وبكل فخر وبدون اي نقاش اتعلمت منه حاجات كتير في الصيد اهمها انك ازاي تستني لما زميلك ياخد فرصته في الصيد زيك وازاي وامتي تصوب سلاحك علي صيدك وتشوف الاول ايه ممكن يكون وراه قبل ما تضرب لاحتمالية اصابة اي شخص او ملكية اي شخص عن طريق الخطأ
واتعلمت منه ازاي تختار زوايا الضرب والاماكن القاتلة للطريده بمعني اخر كل حاجة فعلا انا اتعلمتها من فضيل
وانسان لذيذ محترم وخدوم لابعد الحدود ومؤدب جدا لدرجة انه ممكن ( يخبط علي باب التلاجة قبل ما يفتحها )
صديقي الحبوب المشاكس ( احمد عفيفي ) ::: البندقية شادو 1000
اما ده بأه شخص حبوب وطيب ومبدع في صيد السمك والصيد البري وانا رافقته في الاتنين بحري وبري وبيعمل عليا استاذ في البحري بس انا بردو بعمل علية استاذ في البري ومفيش صياد احسن من صياد بس فعلا شخص مهذب محترم يتشرف اي حد بمعرفتة
العبد لله ( وليد سالم ) ::: البندقية CFX ROYAL
انسان يتشرف بمعرفة الناس المحترمة
الضحايا
24 فرد حمام غير اللي ضاع ووقع في حتت مستحيل نعرف نجيبة منها
19 فرد يمام منهم 3 امري وبردو غير اللي ضاع في اماكن صعبة
1 زوقيق او قطقاط و زرزور
مع باقي الصور
__________________
حين سكت اهل الحق عن الباطل
توهم اهل الباطل انهم علي حق """"
علي ابن ابي طالب
|