[mo_lashine]

السلام عليكم جميعا... أنا أشتريت حلوان 920 من المصنع وهناك شفت الحلوان 980 بجد ولا ذرة فرق غير نيشان فسفورى وأمان زيادة فوق بيت النار لمنع الإطلاق فى حالة السقوط العنيف للطبنجه وبها طلقه ببيت النار وجاهزه للإطلاق ... طبعا نفس الأمارة بالسوء حدثتنى أنه أكيد فيه فروق تانيه مش معقول فرق السعر الكبير يكون لمجرد الكلام الفاضى ده فسقت الرذاله عليهم وقولتلهم أنا عايز حد من القطاع الهندسى أتكلم معاه فبتوع التسويق قالولى إحنا ممكن نفيدك فى اللى أنت عايزه ولكن مع الإصرار جالى واحد قاللى خير فقلتله أيه الفرق فى الخامات بين المسدسين.. أجاب بمنتهى الثبات مفيش فرق قولت يعنى الماسورة هى هى وكل الأجزاء هى هى ... أجاب بمنتهى الثبات دون تردد أيوه يا فندم حتى حضرتك بص... كان قدامى طبنجه من كل نوع فيهم قام حالل ماسورة ده وحطها على الطبنجه التانيه وخلاص .. قلتله مش فاهم قاللى هم الاتنين واحد... الصراحه صدمت بعد ما سمعت أساطير عن ال 980 وأنها تصدير وتقفيل عالى وخامات مختلفة ووووو.. أنا كنت واخد معايا فلوس على أساس إنى أشترى 980 بس بعد اللى شفته قلت يبقى 920 أحسن ... سألت المرة دى مسئول المبيعات فى الخباثه كده وحياة عيالك فيه فرق بينهم... قاللى يا بيه إحنا صايمين وحياة ربنا ما فيه فروق غير اللى قولتلك عليها فتوكلت على الله وأشتريت 920... ولكن للحق سواء 920 أو 980 التقفيل والطلاء سئ جدا ... ولا يليق بمصنع كبير زى ده أن يكون مستوى تقفيل المنتج بهذه الرداءة.. ولكن من الناحيه العملية زى ما قال الأستاذ شهريار من الناحية الفعليه وبعد تجربة السلاح.. أداء جيد جدا خاصة إن أنا عندى طينجه تانيه ستار أسبانى ... فعلا أداء جيد للحلوان من جهة عدم السخونة وسرعة تتالى الإطلاق وقلة رد الفعل ... العيوب من وجهة نظرى التقفيل (الفنش) السئ للغايه, كبر الحجم وثقل الوزن نوعا ... مع ملاحظة إن أنا أعانى من تثقل الوزن الشديد فى الاستار وكذا كبر الحجم.. فالاستار أثقل وزنا وأكبر حجما بشئ يسير... هذا ما خلصت إليه أطرحه على حضراتكم... كل عام وانتم بخير تقبلوا تحياتى.