[الصقر المصرى]

اللى قرا الكلام بتاع الراجل كويس بيقول المراهقون و دون ال 35 مخدتوش بالكم من واو العطف دى ولكن القصه مش فى كده بالنسبه لتصريحات وزير الداخليه بعيدا انها صادقه او مجرد كلام العبره بالمردود العملى ليها يعنى هل التلاكيك والتناكه المتناهيه من الداخليه فى الموضوع ده بالذات هتبطل ولا لا والا هتفضل محرد تصريحات زى الاف التصريحات من الوزراء والمسئولين اللى اتعودنا عليها زائد ان كلامنا مش بيناقش الجراءات بذاتها لكن احنا نفسنا الاجرائات تتغير من اساسها بمعنى يتراعى البعد الاجتماعى للناس يعنى فى موظفين دون درجه المدير العام هل ده مش من حقه ولا مزارع يا دوب كل اللى يحتكم عليه كام قيراط هل ده مش من حقه يرخص سلاح لو هنمشيها قانونى الكلام ده بيخالف الدستور اللى بينص فى اهم مواده على ان كل المواطنين متساوون فى الحقوق والواجبات بغض النظر عن الدين او العقيده او النسب واكيد بغض النظر عن المستوى المادى من الاخر هو السلاح بقى بتاع الاعيان والناس الغلابه حرام عليهم ولا ايه بالظبط ثانيا شرط السن مجحف للغايه القانون بيقول ان كل من بلغ 21 عاما اصبح مسؤول عن كل تصرفاته طالما معندوش اى مرض نفسى او ينضح عليه السفه والمسؤوليهه الجنائيه بتبتدى من سن 18 سنه باى منطق نقوله استنى لغايه 35 او حتىى 25 زى ما قلتها وبكررها اللى هبشبل سلاح هيشيله برخصه او من غير ويبقوا يقبضوا على البلد كلها لازم الداخليه تفهم كده ولازم تبقى الرخصه زى رخصه العربيه كفايه انك تكون بتعرف تسوق وفاهم اشارات وبتعرف تقرا وتكتب وسليم صحيا تطلعلك رخصه مش لازم يكون عندك عربيه مرسيدس علشان نطلعلك رخصه اللى اعرفه ان الثوره قامت علشان تقضى على التمييز على اساس الواسطه والمحسوبيه متهيالى عيب اننا نفضل محتفظين بالتمييز على الاساس الطبقى زى ايام الملكيه
خالص تحياتى،،،