[braveheart]

المشاركة الأصلية كتبت بواسطة dr_mohasan

أخى الحبيب طارق

1- انت نسيت حاجة مهمة جدا ... كل الأمثلة اللى انت ضربتها مثل سكاكين المطبخ والسلاح الحى المرخص . دى حاجات مصرح ببيعها واللى بيبيعها بيبيع فى محل وبترخيص وبيدفع ضرايب وبيبيع فى النور والبضاعة سليمة وعليها رقابة جودة ورقابة فى السوق مش متصنعة فى أى مكان وبأى طريقة ومن اى حد زى مسدسات البلى
عشان كدة اللى بيبيع سكينة بيبيعها وهو مرتاح الضمير بغض النظر عن اللى هايتعمل بيها علشان هى مباح بيعها , اما مسدسات ابلى فبتتباع فى السر ومش ممكن أى محل يبيعها
لذلك أنا غير مقتنع بكلامك فى هذه النقطة

2- المطوة القرن غزال معروف جيدا ان من يستعملها غالبيتهم من البلطجية , ومن النادر ان تجد شخص محترم بيحب انه يشيلها معاه , بعكس الخناجر الراقية التى تستعمل للزينة و الإقتناء , بس للناس المحترمة. وبرضه تلاقى ان المطاوى القرن غالبا لا تباع فى المحلات. ولكن الخناجر بتتباع (على حد علمى)

3- بالنسبة لحكمة المشترى فى استخدام السلاح , النقطة دى انا مش فاهمها منك كويس ولكن رأيى فيها فى حدود ما فهمت , ان اللى بيشترى أو يبيع حاجة مرخص ببيعها يبقى فى الغالب موقفه سليم وتقع العهدة عالمشترى فى الإستخدام , اما لما ابيع حاجة مش مصرح ببيعها اصلاً يبقى البايع والمشترى الأتنين مشتركين فى الضرر اللى يحصل منها

خالص تحياتى

كلام سليم 100 % ... تحياتي لك د / محمد ، و الأختلاف مع طارق في الرأي لا يفسد للود قضية طبعا ... فنحن في النهاية أصدقاء و تجمعنا علاقات طيبة داخل المنتدي و خارجة.