اقتباس:
المشاركة الأصلية كتبت بواسطة الاسطورة
طب انتو كدا قلقتونى يعنى بلاش منو الموضوع دا خالص
دا فى واحد عندنا غى المنطقة شيخ سلفى بيصرف على بيتو من تجارة الكلاب
|
كلمة شيخ دي كبيرة اوي و مش كل واحد ربى دقنه صار شيخ
و على العموم فيه بدايل كتيرة للهوايات و الله الغني عن شيء مشكوك في أمره
عندك مثلا الحمام بأنواعه الكتير كينج و زاجل ...إلخ دي تجارة مربحة جدا و هواية في نفس الوقت و ما فيهاش أي شبهه من قريب أو بعيد
القطط الشيرازي بفصائلها المختلفة برضوا مطلوبة كحيوان أليف في البيوت و شكله جميل
الارانب و ما اربحها الولدة الواحدة للانثى من 8 ال 16 يعني ممكن تبتدي ببطارية واحدة في البلكونة عندك و تعيش مع نفسك و شوف انت الكيلو بكام يعني الارنب الواحد يتباع بكام و تكلفتهم بسيطة لو اكلتهم اي حاجة خضرة او عيش ناشف هياكلوا ، و طبعا الارانب البلدي اسهل في التربية و اسهل في البيع لانها ما بتكونش وزنها تقيل قوي فيبقى سعرها في المعقول و الناس تشتري
بالنسبة للسمك الملون و العصافير ابعد عنهم لانهم لازمهم خبرة في التربية و سوقهم صعب شوية
دي بعض اقتراحات بسيطة من عندي و انت لو قعدت مع نفسك و فكرت اكيد هتلاقي حاجة تانية احسن من كل ده بكتير و تكون مناسبة ليك و ربنا يحفظك و يبعدك عن كل شر