السلام عليكم ، بناء علي طلب الأعضاء الكرام علي الخاص بتوضيح طريقة عمل مدفع الكربون + صورة له ، في موضوع (صوتها أعلي من الخرطوش) ، مع ان الموضوع مكرر كثيرا وطالما تحدثنا عنه ولكن سوف أعرض علي حضراتكم الفيديو + صورة للمدفع + طريقة صناعة المدفع في البيت ، طريقة لا تتكلف بضع جنيهات ولكن صوتها أعلي من الخرطوش .
طريقة الصنع :
1- ماسورة صرف صحي بلاستيكية 2 بوصة أو 2.5 بوصة بس مش أكتر من 2.5 بوصة ، والطول حوالي من 50 - 55 سم ( من عند اي بتاع أدوات صحية والمتر ثمنه كلام فاضي) .
2- أي علبة سبراي فاضية (فاضية) أو ممكن علبة بيروسول فاضية ،وطبعا نشيل الجزء المعدني اللي بيبقي في النص ومحطوط فيه البخاخ اللي بندوس عليه ، نشيله بكماشة بس تبعده عن وشك وانت بتخلعه علشان ممكن يفرقع في وشك نتيجة ضغط الفريون المتبقي ، بعدها ندخل نص العلبة في اي طرف من طرفي الماسورة ،طبعا النص اللي جوة الماسورة اللي مفتوح مش المقفول ، بس اهم حاجة تكون العلبة نفس تخانة الماسورة بحيث ندخل العلبة في الماسورة (كبس) أو ممكن نسخن طرف الماسورة علي النار ونوسعه وهو سخن ونكبس العلبة جواه (مش العلبة كلها بتدخل ولكن النص اللي فوق بس) .
3- طبعا نربط الماسورة والعلبة بشريط لحام جامد علشان نمنع اي تنفيس للغاز ، وعلشان نحكمهم ببعض كويس .
4- نيجي عند العلبة ونخرم خرم بسيط علي جانب العلبة قبل 1 سم من أخرها .
5- نحضر قطعة كربون صغيرة (اد قطعة البنبون) ونبلها لعاب ونضعها في الماسورة وتفضل ترج 10 -15 ثانية ، أثناء الرج تكون كاتم طرف الماسورة المفتوح ونكتم الخرم الصغير اللي علي جانب العلبة .
6- تشيل ايدك وتولع بالولاعة جنب الخرم اللي في العلبة .
7- اسمع احلي صوت يا معلم .
مرفق صورة لهذا الاختراع اللذيذ اللي بحب اني احي صاحبه ، ومرفق فيديو للتجربة من عالنت .
خالص تحياتي للجميــــــــــــــــــــــــــــــع