[Orabi]

المشاركة الأصلية كتبت بواسطة mohamed_salim75

سعرها من 175ج_الى 200ج للناس اللى عارفة سعرها اما للخواجات قصدى اللى راكبين فيلة وعلى راسهم برنيطه _يبقى السعر 250الى 350 على حسب شكل الخواجه اللى داخل المحل ان كان داخل عند فتح الله ولا ميشيل ولا اشرف عازر_والسوستة التايتن ناس هنا يا بيه جابتها 240ج وانا كنت من ضمن الناس دى _ ودلوقتى سعر ها لن يتعدى ال300ج يابيه للتوضيح علشان فيه ناس بيدخلوا ويقولوا خدمه لاعضاء المنتدى السوستة ب 400ج او350ج والضحك على الدقون والذى منه والغلبان اللى مايعرفش يدفع ويلبس

و الله يا باشا يا ريت أسلوبك يبقي أهدي و أحسن من كده .. الحمد لله أنا لا خواجه و لا راكب فيل علشان معرفش ثمن السوسته الديانا و حضرتك ممكن تسأل مين عرابي في المنتدي.

لو حضرتك مش عجبك الكلام و لا السعر محدش قالك تشتري و إحنا كإداره لما بنلاقي حد بيغالي في الأسعار بنقول يرجي مراجعة السعر علشان كلنا صيادين قدام و فاهمين و عارفين سعر الحاجه في السوق كام و لا إحنا خواجات و لا راكبين فيله .. سيتم حذف كل مشاركاتك التي تتعلق بالسعر و ذلك طبقآ لقوانين المنتدي حيث يصرح فقط بمناقشة السعر من خلال رسائل علي الخاص و مخالفة ذلك يعرضك للإنذار.

خالص تحياتي - نائب المدير العام
إدارة منتدي الصيد في مصر لا هم خواجات و لا راكبين فيله- نحن المدرسه التي تعلم فيها مدعي دعم الهوايه !!!

ملحوظه: يا ريت لو حضرتك تعرف تجيب السوسته ب 175 أو 200 و لا أقولك 240 جنيه تجيب لنا منها هنا و تعمل بيها عرض مميز