طلعه المجهول ( غزوة الاعراب )
بسم الله الرحمن الرحيم
دى طلعه فى مكان اول مره اروحه
واخر مره اروح هناك برده
ههههههههههههههه
انا من زمان كنت اسمع ان المنطقه دى فيها يمام كتير
لكن محدش يقدر يروح هناك ويمسك بندقيه ويصطاد وسط الناس دى
وبالليل بتكون كل الطرق والمداخل المؤديه اليها مقطوعه بمجموعات بدو بالسلاح
المنطقه اسمها ( المحاجر)ودى فى الكيلو 59 طريق اسكندريه مصر صحراوى
ودى تقريبا كل سكانها الجماعه العرابه ( البدو ) وواخدين معظم الاراضى اللى هناك وضع يد
وكلهم برده معاهم اسلحه من اصغرهم لاكبرهم
واى حد\ بيدخل المنطقه دى بعربيه بيتثبت على حد علمى
لكن حبى لهوايتى (اللى شكلى هاروح فى داهيه بسببها قريب ) كان اقوى من اى خوف
وجازفت وصحيت يوم الثبت اللى فات الساعه 4 صباحا واخدت البندقيه وطلعت جرى على هناك
ووصلت على الساعه 6 كده
هى عباره عن مناطق محاجر واراضى زراعيه بمساحات شاسعه
وقلت اخطفلى ساعتين ولا حاجه قبل الشغل
ودخلت المناطق الزراعيه اللى هناك وانا باتسحب زى الحراميه وكان فاضللى شويه وازحف على الارض
هههههههههههههههههه
وقعدت اصطاد هناك حوالى ساعتين ونص
وبينى وبينكو كل ماسمع صوت عربيه معديه اترعب واحاول استخبى
وبرغم انى ماشوفتش حد منهم هناك خالص ( شكلهم كانو نايمين )
لكن كنت حاسس بقلق طول مانا باصطاد
وبرغم ان ربنا كرمنى من هناك بس بصراحه محستش بمتعه بسبب القلق اللى كنت فيه ده
لكن الحمد لله على كل حال
اليوم عدى على خير
والحصيله كانت محترمه
ومعظم الضرب كان على الاشجار وعلى الارض فى الاراضى الزراعيه المحروته
انا ضربت 42 رشايه
14 خطاء فى الاصابه وترييش
28 الحصيله النهائيه
و99 % من الحصيله كانت زغاليل (يمام صغير السن )
وكان فيه حمام كتير اوى هناك بس خوفت اضربه بصراحه
انا مش عاوز مشاكل بالذات هناك
وطبعا البندقيه كانت الكرال
المرعبه طبعا
ههههههههههههه
والرش كان جامو ماتش
والسلام عليكم ورحمة الله
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|