[essam assem]

السلام عليكم

طبعا يا جماعة فعلا طلعات الصيد عملت معانا شغل جامد جدا وخلاتنا نتعرف على ناس كتيرة افاضل وهى دية ميزتها بصراحة لذلك انا بطلب من كل الاعضاء الصيادين انهم يطلعو رحلات صيد معانا او مع غيرنا من صيادين المنتدى وحتى لو ساعة واحد واحنا بفضل اللة عزة وجل دائما بيبقى معانا بنادق زيادة تحسبا لاى ظروف تحصل
معلش قبل ما ابدا رغى انا عايز اقول حاجة واقسم باللة العلى العظيم دية مش مجاملة وهى تحول امير سعد من صياد الى قناص !!!!!!!!! بسم اللة ما شاء اللة الهم ما لاحسد امير يا جماعة وصل الى مرحلة الصيد والقنص من اى مكان واى زمان واى مسافة بدون تجلية لدرجة انى لنتابنى كريزة ضحك هستيرى وكنت بشد امير شد من على الحمام وتقريبا احنا الطلعة الجاية هنغير مكان الصيد بتاعنا بسبب ان امير خلص تقريبا الحمام اللى هناك والى يشفعلة انى الطلعة كانت لوجة اللة عزة وجل

انا هستذنكم هرغى شوية النهاردة فى تجهزتنا للطلعة

اولا الملابس وهى زى ما حضرتكم شايفين مموها وفعلا يا جماعة الملابس اللمموها ثبتت انها مهمة جدا فى طلعات صيد الحمام لدرجة ان الحمام كان بينزل اما امير تماما ويقولة اضربنى هههههههههه وطبعا رد فغل عكسى لما كان بشوف اى حد لابس ملابس بالاوان زاهية

ثانيا ظبط النيشان قبل الطلعة لان ضربك وانتة واثق تماما من نيشانك غير ضربك وانتة مش واثق العامل النفسى بيدخل هنا وبيفقدك ثقتك بنفسك والكلام دة يا جماعة من الناحية العملية مش كلام اكاديمى

ثالثا عدة لصيانة البنادق تحسبا لاى اعطال تحصل لقدر اللة

رابعا المياة والعصائر المثلجة ودة طبعا لننا بنفقد مياة كثيرة فى هذة الطلعات بالذات مع الجو الصيفى الحار

خامسا اكياس لحفظ الطيور فيها وطبعا سكين حام جدا حتى لا تعذب الطير وانتة بتقوم لتزكيتة

سادسا واخيرا اعطا حد معين لعدد الصيد واللة العظيم يا جماعة احنا ماشين من هناك وامامنا عدد لاباس بية من الطيور لاكن الحمد للة كنا حققنا ما نريد من الصيد وكنا محتاجين وقت حتى نقوم بتوزيع الحمام على مستحقية كما اتفقنا انا وامير وربنا يجعلة فى ميزان حسناتنا لكن اللى احب انوة لية هنا ان الحصيلة الكبيرة دية وهى اكثر من 45 فرد حمام كانو للة وليس لنا وحتى لا ندخل فى حكم الصيد الجائر

واسف على الاطالة وتحت امركم فى اى سوال

وتحياتى للجميع