كيفية العناية بمسدس الصوت ؟
السلام عليكم
اليوم شريت اول مسدس صوت لي و هو Ekol jackal dual ,, هل هناك اي اشياء يجب علي -كمبتدئ- معرفتها ؟ و كيف يمكنني العناية به ؟ سمعت انه يوجد له زيت و فرشاة و ما الى ذلك لكن لا اعلم امتى ممكن احتاج حاجة كده ؟ شكرا |
رد: كيفية العناية بمسدس الصوت ؟
اقتباس:
مبروك المسدس ربنا يباركلك فية فى البداية لا انصح باستخدام الطلقات التركى لان نسبة الكربون بها عالية واستخدام الالمانى ولكن لا تقلق فى حالة تعذر الالمانى وهناك فيديو لطريقة فك وتنظيف المسدس ولكن مش ضرورى بعد كل استخدام ولكن يكتفى بشد الاجزاء وتعليقها بواسطة الزر الخاص بذلك وهو موجود اعلى المقبض بعد شد الاجزاء ارفعه لاعلى ثم استخدم اسبراى الwd40 واستخدام فرشة اسنان قم برش الاسبراى ثم ازالة اثار الكربون ثم جففة باستخدام قطعة قماش قطنية ثم اضافة نقطة زيت على الاجزاء المتحركة واحفظة فى كيس بلاستيك فى علبتة اما الفك الكامل على فترات متباعدة وسوف اقوم بوضع الفيديو الخاص بالفك تحياتى |
رد: كيفية العناية بمسدس الصوت ؟
ودة الفيديو الخاص بالفك والتنظيف
|
رد: كيفية العناية بمسدس الصوت ؟
نظافه السلاح اهم شئ للحفاظ على كفائته و ضمان اداء افضل و عمر اطول له كل اللى انت محتاجله هو زيت سلاح و قطعه قماش و تنظف السلاح كل فتره و لو بتستخدم الطلقات التركي هتحتاج تنضفو بعد كل استعمال لانها بتوسخ المسدس جدا بسبب نسبه الكربون العاليه فى البارود و يا ريت تقولنا اشتريته بكام ؟؟ و سعر الذخيره و اى سؤال انا فى الخدمه |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
الف شكر على ردودكم
طيب هو ايه زيت السلاح ده؟ حاجة مخصوص ؟ ولا تقصد سبراي wd-40 ؟ انا ملقتش غير نوعين طلقات و الاتنين تركي, بس فتح الله شكرلي اكتر في نوع فيهم الاغلى العلبة ب200 جنيه و اسمها ozhursan علبة نبيتي, هل ده كويس؟ و سعر السلاح 1200 جنيه انا لما بشد الاجزاء و اعلقها بلاقي جوا زي تراب ذهبي (اللي هو لون الطلقة) بس بسيط جداا و بنضفه بس بقطن الاذن كده بعد كل استخدام, هل ده يكفي ولا لازم احط سبراي كل مرة ولا ايه ؟! |
رد: كيفية العناية بمسدس الصوت ؟
اقتباس:
الزيت موجود عند بتوع السلاح نوع مصرى ونوع مستورد اى واحد فيهم يقضى الغرض الاسبراي دة علشان يزيل الكربون الغريبة انك بتلاقى بعد الضرب اللون الدهبى بتاع الطلقة ومفيش اثار كربون مش مشكلة بس بلاش قطن الاذن علشان ممكن ينتش و يوبر داخل المسدس استخدم قطعة فانلة قديمة مثلا |
رد: كيفية العناية بمسدس الصوت ؟
اخى العزيز فى رايى الشخصى يختلف تنظيف نوع مسدس عن نوع اخر .. بمعنى انى لا انصح بتاتا باستخدام ال wd40 مع المسدسات الايطالى والالمانى ولكنه جائز مع التركى لان نوع ماده الطلاء فى المسدسات التركى مختلفه عن الالمانى والايطالى وده برده مش معناه ان طلاء التركى احسن من غيره ..المهم ال wd40 مانع للصدا ومزيب وحط تحت كلمه مزيب دى مليون خط .. ال wd40 مع الوقت بياثر على طلاء المسدسات الالمانى والايطالى ودى معلومه عن تجربه ولو حضرتك ملقتش زيت سلاح ممكن تزيت بزيت مكنه خياطه خفيف وده ارخص ومتوافر
|
رد: كيفية العناية بمسدس الصوت ؟
طيب شكراا بس انا استفساري دلوقتي حاجتين بظبط و ده مسدس تركي ايكول زي ما وضحت فوق
- مطلوب اعمل ايه بعد كل استخدام ؟ اشيله في كيس بلاستيك عادي ولا الاول انظفه لازم و ازاي؟ - مطلوب انظفه بالكامل كل شهرين مثلا (افكه بالكامل) ؟ ازاي؟ و هل ده حتى لو مش بستخدمه غير مرتين ولا حاجة في الشهر ؟ |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
الله يسلمك يا بدر باشا وانا شايف انك قايم بدور جامد جدا
|
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
وبعدين لازم استغلك فرصة
الروم ال96 شبية الهكلر. طيب فية مسدس صوت هكلر ولا لأ السؤال التانى مسدسات الصوت البريتا ممكن نلاقيها فين. تحياتى |
رد: كيفية العناية بمسدس الصوت ؟
اقتباس:
ثانياً أحسب أسأله أتأكد أزاي أن المسدس فارغ تماما من الطلقات قبل تنظيفه سوا في الخزنة أو الماسورة؟؟؟؟ ثانياً أحب أسأل الاستاذ أحمد: أنت قولت أن أحسن ماستخدمش الـ wd 40 مع المسدسات الألماني والإيطالي ...... أمال استخدم أيه معاهم وبعدين هو الـ wd 40 هو الزيت الخاص بتزييت المسدس؟؟؟؟؟ في الفيديو استخدم الـ wd 40 مع الجزء الخلفي من الماسورة أو يمكن السائل كله بيدخل الماسورة من جوة بس الاستاذ بدر قال نزيت الأماكن المتحركة من المسدس؟؟؟ فين هي الأماكن المتحركة من المسدس اللي اتعملت غير الماسورة..؟؟؟؟؟ ومتشكرة جدا جدا واسفة على التطويل أنا عارفة أني مزعجة بس جديدة بقى تقولوا أيه .....(:(:(:(: |
رد: كيفية العناية بمسدس الصوت ؟
اقتباس:
لا شكر على واجب كلنا تحت أمرك مبدئيا حضرتك بتشيل الخزنة قبل التنضيف ثم تقوم بسحب الاجزاء مرة او مرتين لو فية طلقة بتخرج وكدة بتكون متأكد ان مفيش طلقات الwd40 ليس الزيت ولكن هو مزيل صدأ ولة استخدامات كتيرة يعنى مش مخصوص للسلاح بس احنا بنستخدمة بعد فترة لازالة اثار الكربون من المسدس وبعد تجفيف المسدس من السبراى تقوم بوضع نقطة زيت مابين الجزء العلوي المتحرك وجسم المسدس ونقطة على الطارق بس اجعل النقطة تتخلل للداخل ومع تحريك المسدس بشد الاجزاء كذا مرة سيتحرك الزيت لكل المسدس والزيت موجود عند اى حد ويراعى عدم الافراط فى كمية الزيت وتقوم بمسح بقايا الزيت من على جسم المسدس الخارجى تحياتى |
رد: كيفية العناية بمسدس الصوت ؟
اقتباس:
اقتباس:
الشرف لي يا بدر باشا انت استاذنا و كلنا بنستفيد منك |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
اقتباس:
ههههههههههه اسمحلى اختلف معاك انا تقريبا اتولدت و انا ماسك سلاح :d:d |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
اقتباس:
اما بالنسبه لمسدسات الصوت البريتا دى مش هتلاقيها فى اى حته كانت بتنزل زمان قوى وكان فى منها المصرى والايطالى وطبعا المصرى كان فاشل والايطالى اتمنع نزوله مصر ومن فتره حوالى 7 شهور وجدت واحده عند احد محلات السلاح وكانت للعرض فقط ومرضيش يبعها لدرجت انى عرضت عليه فيها 3000 جنيه وبعد كده ظهر البرونى والكيمار الايطالى وهو بديل البريتا فستجد كل موديلات برونى شبيها بنظيرها الحى من البريتا |
رد: كيفية العناية بمسدس الصوت ؟
اقتباس:
مش بالظبط بس منكرش انها وراثه هههههههه |
رد: كيفية العناية بمسدس الصوت ؟
طيب انا لقيت في راديو شاك, سبراي شبيه WD-40 لكنه مزيل للاتربة فقط Dust remover و ليس مزيل للصدأ و هو امريكي الصنع.
هل هذا افضل عشان ابقى انضفه بيه بدل الwd40 ولا ايه رأيكم ؟ |
رد: كيفية العناية بمسدس الصوت ؟
اقتباس:
مزيل الاتربة اللى عند راديو شاك خاص بالشاشات الكمبيوتر وال lcd ال wd 40 هتلاقية عند بتوع اكسسوار السيارات أو بتوع الحدايد والبويات وبعدين متشغلش بالك بية مش بالضرورة بعد كل استخدام . تحياتى |
رد: كيفية العناية بمسدس الصوت ؟
السلام عليكم
اريد مسدس Rohm rg 96 ولو مستعمل 0113583068 |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
انا رحت فتح الله و وراني 3 انواع زيت
ايطالي كبير ب120 جنيه مصري عادي ب10 مصري سبراي ب 15 و ده اللي انا اخدته لأني حسيت الايطالي كتير اوي على زيت |
رد: كيفية العناية بمسدس الصوت ؟
اقتباس:
وعلى فكرة الزيت المصرى شغال كويس برضة انما الايطالى اللى ب 120 جنية لما ربنا يكرمنا بمسدس حى نجيبة ان شاء الله. تحياتى |
رد: كيفية العناية بمسدس الصوت ؟
انا عاوز اجيب يا استاذ بدر مسدس ايكول جاكال ديال 9 مللي
اجيبه بكام ومنين |
رد: كيفية العناية بمسدس الصوت ؟
اقتباس:
المسدس موجود ان شاء الله عند الاخ هشام سمير وعلى ما أذكر كان ب1100 جنية . تحياتى |
رد: كيفية العناية بمسدس الصوت ؟
طيب الاقيه فين او المحل بتاعه فين
وايه رأيك في المسدس ده ؟؟ ياريت التفاصيل للتواصل معاه يا اخي العزيز بدر واسف تعبتك معايا هل هو ده http://www.replicaairguns.com/storag...=1297142809313 |
رد: كيفية العناية بمسدس الصوت ؟
الاخ الكريم
تليفون الاستاذ هشام 0117228817 وممكن حضرتك تكلمة وتنسق معاه وهو انسان محترم وخدوم جدا ودى طبعا صورة المسدس وانا عندى اخوة شغال كويس جدا ولمعلوماتك المسدس دة بيضرب الى (سريع) وانا تحت امرك |
رد: كيفية العناية بمسدس الصوت ؟
ربنا يكرمك على ذوقك يا استاذ بدر
وبجد ونعم الاصدقاء انا اسمي هشام على فكره واتشرف بصداقتك وبإذن الله حكلمه وانسق معاه لكن مقلتليش هل هو بـ 1100 ولا أكتر من كده ؟؟؟ |
رد: كيفية العناية بمسدس الصوت ؟
لا مش اكتر من كدة ان شاء الله .
|
رد: كيفية العناية بمسدس الصوت ؟
ربنا يكرمك ويثيبك خير الثواب
الف شكر يا اخي الغالي |
رد: كيفية العناية بمسدس الصوت ؟
السلام عليكم جميعا
والله يا مستر بدر معلوماتك مفيده جدا وده خلاني اسجل في الموقع واشارك والاعضاء كلهم صراحه متعاونين بمعلوماتهم و ليا سؤال عندي المسدس rohm rg96 8m ال9مل اقوي في الصوت؟ وهل في اي فرق؟ والطلقات الي عندي مكتوب عليها ( 8mm (u n i s ) انا ماعنديش خلفيه علي مصدرها, بلد الصنع اسف علي الاطاله |
رد: كيفية العناية بمسدس الصوت ؟
اقتباس:
انا عندى مشكلة مش عارف سببها اىه انا معى مسدس اكول 9 ديول جاك كومبك ومشكلته انه احيانا بيحشر الطلقات يعنى ممكن انا وبضرب يعلق الطلقه الى فى الماسورة ومش يسحبها والتانيه الى فى المشط تحشر وراها ودا برضه حصل مع وانا بضرب على الاتوماتيك انا عايز اعرف المشكله دا من ايه وايه حلها انا الطلقات الى معى تركى برضه واحيانا انا بجرب اسحب الطلقات من غير ما اجرب برضه بيحشر انا نضفته وزيته بس عمل الموضوع دا تانى فاهل المشكله فى ساحب الفارغ قصدى الهوك الى بيسحب الطلقه ولا ايه ثانيا انا لما بضرب الطلقات التركى بعد اول طلقه بلاحظ الطلقه التانيه بعد الجزء الاخضر داخل لجوه شويه فادا علشن ايه وتحياتى |
رد: كيفية العناية بمسدس الصوت ؟
الاخ الكريم
فى البداية لازم تجرب الطلقات الالمانى وتشوف هل المشكلة لسة موجودة ولا لأ مع العلم ان المسدس لازم يكون نظيف تماما من ترسبات الكربون من الطلقات التركى ومتزيت كويس. تحياتى |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
اقتباس:
المسدس الروم ال8 مم طبعا ممتاز جدا ومن افضل المسدسات حافظ علية ولا تفرت فية الاختلاف مش كبير قوى فى الصوت بالنسبة للطلقات حقيقى معرفش مصدرها بس لو نحاس تبقى كويسة. تحياتى |
رد: كيفية العناية بمسدس الصوت ؟
شكرا اخ بدر ليك ولمعلوماتك وفعلا الطلقات نحاس
وانشألله هاحافظ عليه |
رد: كيفية العناية بمسدس الصوت ؟
اخ osa4life
بالنسبه للطلقات وسبب انحشارها مرجح جدا ان تكون مشكله في غرفة الغاز الي موجوده في الماسوره والي بتساعد علي طرد الفارغ حاول تشوفها هل موجوده في الماسوره وده مشكله قبلتني شخصيا مع سلاحي ال rohm rg96 والله اعلم اتمنا تكون معلومه مفيده |
رد: كيفية العناية بمسدس الصوت ؟
اقتباس:
اسف على المداخلة ولكن استوقفنى حدوث مشكلة انحشار الطلقات مع المسدس الروم فيا ريت توضح الموضوع وكيف اتعاملت معه الحاجة التانية سبب انحشار الطلقات فى الماسورة ( غرفة الغاز) يكون اما زيادة الترسبات فى هذا المكان او ردائة الطلقات المستخدمة تحياتى |
رد: كيفية العناية بمسدس الصوت ؟
اخ بدر
نفس المشكله قبلتني انحشار الفارغ وعدم طرده وبعد الرجوع لفني سلاح لاقا غرفة الغاز غير موجوده في الماسوره وده فعلا حصل نتيجة استخدام طلقات رديئه مما تسبب لتحطم غرفة الغاز وعدم وجودها في الماسوره بعد ما كنت بقدر اشوفها في الماسوره بعد المشكله كأن الماسوره ماسورة طبنجه حي ما فيش الحديده الي جوه الماسوره واسمها بالغه الفنيه كده (فونيا) ارجو ان تكون تجربتي مفيده |
رد: كيفية العناية بمسدس الصوت ؟
بالنسبع لحل المشكله فهوي انشألله بسيط
فالفني وبيقولو عليه بالغة السوق (طفاشجي)عنده القدره في تركيب غرفه جديده ويمكن استخدام السلاح بعدها بشكل طبيعي |
رد: كيفية العناية بمسدس الصوت ؟
اقتباس:
بارك الله فيك تمام كدة بس واضح انك كنت هارى المسدس ضرب للدرجة دى. بس مشكور على التوضيح والافادة .تحياتى بس يا سلام لو تكمل جميلك وعنوان فنى السلاح لان فية اعضاء كتير بتحتاج اصلاح ومش عارفين |
رد: كيفية العناية بمسدس الصوت ؟
لا والله يا اخ بدر
بس زي مانتا تفضلت وقلت ممكن يسبب المشكله ده طلقات رديئه انا كنت بضرب طلقات الي سألت حضرتك عليها وغيرتها مره وجبت طلقات من نوع تاني مش مدموغه مش مكتوب عليها اي بيانات ومن اول او تاني طلقه حصلت المشكله ده اما بالنسيه لفني السلاح عنوانه 100 ش شبرا روض الفرج اسمه شريف بالضبط عند محطة مترو روض الفرج و يارب يكون مفيد للجميع ويكون في ميزان الحسنات شكرا |
رد: كيفية العناية بمسدس الصوت ؟
ممكن تستغربو من االمحل مكان التصليه لأنو بسيط جدا
او ممكن يكون رديئ ولكن ثقة الراجل ده ختها لان فتح الله للاسلحه بيتعامل معاه مباشرة |
رد: كيفية العناية بمسدس الصوت ؟
اقتباس:
اتشرفت بالحوار معك فى حفظ الله وجزاك الله عنا كل خير |
رد: كيفية العناية بمسدس الصوت ؟
الشرف ليا اخ بدر
ولينا حوار تاني انشألله في موضوع مفيد |
رد: كيفية العناية بمسدس الصوت ؟
اقتباس:
http://www.egypthunt.net/picture.php...&pictureid=954 |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
osa4life
انا ماعنديش صوره حاليا بس هاحاول اصورها صوره واضحه بس هي بسيطه جدا بص في ماسورة المسدس بتاعك فاضيه او بمعنا اصح سالكه مافيش جواها اي حاجه شبه سداها حديد ؟ |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
لا كده مش نفس المشكله الي كانت معايا ؟
غرفت الغاز كده مالهلش علاقه لان شغلها كله اثناء الضرب وده مش بيتكرر معاك ؟صح؟ انت قصدك مثلا لما بنحاول نأمن السلاح ونتاكد اني مافيش طلقه في الماسور بتشد الاجزاء و مش بتنتر معاك صح؟ لو كده فعلا بقت كده و دايما بتحصل المشكله ديه واديها او اسأل الفني الي انا سبت عنوانه سابقا تحياتي واتمني اكون افدتك |
رد: كيفية العناية بمسدس الصوت ؟
اقتباس:
بسبب بالنسبه للطلقات انا الى معى التركى وهى مش مدموغه عليه اكيد انت عارفها هى نفس النوع الى كان معك ولا |
رد: كيفية العناية بمسدس الصوت ؟
اقتباس:
جالي منها حاله نفسيه مش بطقها والله قولت في داهيا الفلوس وبقيت اجيب الماني نوعها ممتاز ومعروفه اسمها (umarex) بس غاليه شويه وطبعا احسن عشان عمر وكفاءة السلاح وتحياتي ليك تحت امرك |
رد: كيفية العناية بمسدس الصوت ؟
لو هاتروح انشالله للفني
هوا اسمه شريف خليه يكشفلك عليه وشوف هايقولك ايه العيب وطبعا واضح ليه انك فاهم واسأله ده غرفة الغاز مثلا؟ علي اساس انهم ممكن يستغلو ان احنا مش خبره اوي فا يطلب مصنعيه كتير وكلمه علي انك عارف ان اسمه الي في السوق طفاشجي فايهم انك مش جديد مثلا يعني هارونا جشع ةاستغلال ربنا يحفظنا وتحياتي ليك وانشألله بتصله ويبقي زي الفل |
رد: كيفية العناية بمسدس الصوت ؟
اقتباس:
الاخوة الافاضل موضوع فك وتنظيف المسدس يتوقف على الاستخدام يعنى لو لم يستخدم مفيش داعى للفك والتزيت لانة من المفترض ان حضرتك شايلة مزيت بالنسبة للزيت يوضع بين الاجزاء المتحركة يعنى النقط1 و 2 و 4و 6 نقطة واحدة على اى نقطة تكفى لتزييت الجنب ومع تحريك الاجزاء مرتين يتم تزييت الجنب كلة وطبعا نفس الموضوع على الجنب التانى ويتم وضع نقطةزيت على 7 ويكون المسدس مائل لتوغل النقطة للداخل وقلب المسدس ووضع نقطة على المكان 7 ثم مسح بقايا الزيت من على الجسم الخارج بقطعة قماش |
رد: كيفية العناية بمسدس الصوت ؟
شكرا يا أستاذ بدر
طيب بالنسبة لنقطة ٧ اتجاه الميل لفين بالظبط؟ و الطارق يكون مفتوح ولا في وضع زي الصورة؟ هل مطلوب رشة زيت مكان دخول الخزنة؟ |
رد: كيفية العناية بمسدس الصوت ؟
لو سمحتو يا جماعة انا عايز اعرف اماكن بيع زيت السلاح والاسبراى بتاع السلاح وسعر الحاجات دى
مع العلم ان انا فى اسكندريه |
رد: كيفية العناية بمسدس الصوت ؟
اقتباس:
|
رد: كيفية العناية بمسدس الصوت ؟
اقتباس:
بس حاسس انى شارية غالى بس بجد استخدمتة واتبهرت بية سواء اتوماتيك او منيوال انا اول مرة استخدم طبنجة زى دى ومعلوماتى بالسلاح مكنتش غير عن طريق الجيش بس باليندقية بس وبرضو اتعرض عليا من الراجل طلقات براس بلية رصاص رش وقالى مجربها على كرسى بلاستيك اخترقتة ومسافتها توصل 15 متر بس اشيل الطبة الامامية واسحب الاجزاء عند كل طلقة ارجو ان اكون افدتك بالسعر وارجو استفسار وخصوصا من الاستاذ بدر عن موضوع البلية دى لانى بفكر اعملها كاستخدام للصيد |
رد: كيفية العناية بمسدس الصوت ؟
متابع.......................................
|
رد: كيفية العناية بمسدس الصوت ؟
هل ممكن اشيل الطبه في البروني Mod 85 ؟
|
رد: كيفية العناية بمسدس الصوت ؟
الى الأخ الذى يسأل عن نوع الطلقات unis فهى صناعه تشيكى وممتازه ونحاس أرجو اننى افدتك.
|
رد: كيفية العناية بمسدس الصوت ؟
موضوع جميل ومهم و يرجى التثبيت
ارجو المساعده فى تعليمي كيفية فك مسدس الصوت الجاكال ديوال لان الامان لا يعمل معي واريد اصلاحه بنفسي و اخر ما قمت به هو فك الاجزاء و بعد كده مش عارف افك حاجه |
الساعة الآن 05:14 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir