طلعة الاول من مارس وقلبى كان حاسس
 

السادة الافاضل قناصين مصر الكبار............طبعا انا بقالى اكتر من شهر ين ما طلعتش لظروف انى كنت بانقل من شقة لشة والحمد لله امبارح لقيت الجو مناسب ولقيت ابن خالتى اللى بيخرج معايا فاضى قولت ما بدهاش واتوكلت على الله بعد صلاة الجمعة بنص ساعة لمكان الصيد وقلبى كان حاسس انة هايكون يوم جميل.....اول خمس دقايق .....فرد حمام .....بعدية بخمس دقايق فرد تانى.......وهوب فرد يمام .......الضرب اشتغل لحد المغرب ......النوريكا 73 كانت متألقة مع نوعين رش مارسمان ورماية (مصرى طبعا) الضرب كان من مسافات ابعدها حوالى 40 متر واقربها 3 متر ايوة 3 متر .......كنت لابد تحت شجرة اليمام بييجى يبيت فيها .........الحصيلة كانت 18 فرد....16يمام و 2 حمام ............ملحوظة فية يمامتين وهما بيتنضفوا كان جواهم بيض لسة بيتكون .........هو موسم الصيد خلصان دلوقتى والا اية ......؟ وطبعا ما فيش احلى من اليمام والحمام المشوى ....كان نفسى اقلكوا اتفضلوا معانا .................اسيبكم مع الصور

رد: طلعة الاول من مارس وقلبى كان حاسس
 

ههههههههههههههههههههههههههه حلوطلعة الاول من مارس وقلبى كان حاسس
الله على الجمال والحلاوه
وبسم الله ما شاء الله الواد مروان كبر اهو
يارب تشوفو عريس يا متر

رد: طلعة الاول من مارس وقلبى كان حاسس
 

ما شاء الله يا باشا استاااااذ

رد: طلعة الاول من مارس وقلبى كان حاسس
 

استاز هشام_شرفنى انك اول واحد تعلق على موضوعى_ بمناسبة السجع بتاع مارس وحاسس.......انا غاوى كتابة شعر ورباعيات وعقبال لما تشوف ولادك زى مروان .......بس المعلم موش غاوى صيد شكلة كدا غاوى اكيمام بس_ههههههههههههههه

رد: طلعة الاول من مارس وقلبى كان حاسس
 

استاز هشام_(مافيا) شكرا لمرورك يا باشا ونورت الموضوع بتعليقك

رد: طلعة الاول من مارس وقلبى كان حاسس
 

ما شاء الله يا ابو مروان ...انت اللى صياد جامد ...سلامى لمروان

رد: طلعة الاول من مارس وقلبى كان حاسس
 

يا خبر ابيض(الدكترة بنفسة) يا دكتور محمد حبيب يا حبيب الصيادين يا اجدع واحد فى شربين ...منور الموضوع وشرفتنى بالكلمتين

رد: طلعة الاول من مارس وقلبى كان حاسس
 

ما شاء الله تسلم إيدك يا باشا و الف هنا و شفا و مبروك الشقه الجديده هههههه

رد: طلعة الاول من مارس وقلبى كان حاسس
 

ههههههههههههههههههههه
اولا الف الف مبروك يبو مروان على الشقه الجديده
وشكلها كده هاتكون مبروكه عليك
وثانيا تسلم الايادى ياقناص
وبالنسبه لموضوع البيضه
تقريبا كده موسم التزاوج على الابواب
لانى برده وانا باصطاد شوفت يمامه راقده على عش
بس بصراحه مشوفتش غيرها تانى راقد

رد: طلعة الاول من مارس وقلبى كان حاسس
 

عرابى باشا.........والله لايقة كلمة باشا لان جدى احمد عرابى الشرقاوى كان باشا.....هههههههههه...تسلم على المرور الكريم والكلمات العطرة..............وربنا يبارك فيك

رد: طلعة الاول من مارس وقلبى كان حاسس
 

يا قبطان(مساء الفل) انت بقى اكتر واحد فى المنتدى بتسخنى انى اطلع بعد لما باتفرج على صور طلعاتك والفيديوهات_ههههههههههه_ قناص محترف بجد ربنا يكرمك ويبارك فيك

رد: طلعة الاول من مارس وقلبى كان حاسس
 

طلعه موفقه يا باشا والف مبرووووووووووووك على الشقه الجديده وربنا يبارك لك فى مروان وبالف هنا وشفا

رد: طلعة الاول من مارس وقلبى كان حاسس
 

ايه الحلاوة دي يا ريس الله ينور البندقية اللي معاك هي اللي كانت معايا و لو اعرف انها حلوة كده كنت خليتها بس راحت للي يعرف قيمتها خاصة انها من الاصدار القديم الله ينور يا ابو مروان

رد: طلعة الاول من مارس وقلبى كان حاسس