|
حجر نيزك
السلام عليكم ورحمه الله اخوانى الاعضاء لى طلب عندكم اى حد عنده فكره عن بيع احجار النيزك ممكن يعرفنا بطريقه بيعه واختبارته شكرا جزيلا
|
رد: حجر نيزك
صعب تلاقي هنا اوي اوي
|
رد: حجر نيزك
انت بتتكلم فى موضوع صعب
بس ربنا يوفقك ان شاء الله |
رد: حجر نيزك
اخوانى شكرا على الاهتمام بس انا عندى نيزك بالفعل اتحصلت عليه من الوادى الجديد وربنا يوفقنا ونبيعه لو حد عنده مشترى او حد يفهم فيهم ممكن يدلنا على طريقه بيعه شكرا
|
رد: حجر نيزك
علي كام و حجمه قد ايه
|
رد: حجر نيزك
بص يا باشا انت قلقتنى
خلى بالك ان اغلبية النيازك بيكون فيها مواد مشعة او بتكون ذات طبيعة غير مستقرة يعنى خلى بالك انت ممكن تكون معرض للاشعاع وانت مش واخد بالك انت المفروض تكشف علية بعداد جيجر يعنى لو فى حد معرفة من عندك شغال فى مصنع سيراميك او معهد اورام او شركة بترول روح معاة وخلية ويكشفلك علية من الفيزيائى الموجود ولو انت فى القاهرة ممكن اقابلك واكشفلك علية بجهازى بس هايكون فة مدينة نصر بس خلى بالك انا هاكشفلك عن الاشعاع بس لكن مش هاعرف دة حجر نيزك فعلا ولا لأ لان دة بيتكشف علية بجهاز سبكتروسكوب مش هتلاقيه عند حد فى مصر الا فى جهه بحثية ودى هاتكون حكومة ومعرفش الحيازة بتاعتك قانونية ولا عليها حظر بشكل ما فمش عايز ادخلك فى متاهات بس ممكن تسأل محامى الحيازة دى فى حاجة ولا لأ ولو كدة ممكن اساعدك تقدم طلب للمعامل المركزية فى هيئة الطاقة الذرية على الجهاز واسمة المقياس الطيفة ودة التحليل اللى هايقولك كل مكونات الحجر اللى معاك ويديك شهادة حكومية بكدة والشهادة دى هتاخدها لاى جيولوجى او دكتور فى كلية العلوم هايقولك المفيد على طول اذا كان دة حجر ارضى ولا من الفضاء الخارجى بس الفكرة انه هايبقى مكلف لان الرسوم الحكومية كبيرة فى الموضوع دة ممكن توصل لـ 2000 جنية لانك جهه خاصة مش جهه بحثية ولا علمية وللاسف انا مش هاقدر افيدك لانى معرفش حد فى المعامل المركزية يعنى لازم تمشى رسمى المساعدة الوحيدة اللى اقدر اقدمهالك انى اقولك اذا كان مشع ولا لأ ... ودى مش محتاجة تحليل انا الجهاز هايبقى فى ايدى والحجر فى ايديك بس لازم تعرف انه لو طلع مشع لازم تطلع على القسم وتسلمه هناك لانه هايبقى خطر على حياتك وحياة اللى حواليك وبصراحة ...... لو طلع مشع انا مش هاسيبك تمشى الا لو جيت معاك القسم او جيت معايا مركز الامان النووى نسلمة هناك لانك كدة مش بتضر نفسك بس لكن كل اللى حواليك اللهم بلغت ... اللهم فأشهد والسلام ختام |
رد: حجر نيزك
على كام دى مقدرش افيدك لاننا منعرفش سعره اما وزنه فى حدود 10 كيلو هنا فى ملاحظه تشوف الحجر صغير اوى على وزنه بمعنى كثافته عاليه جدااا احنا قطعنا منه بالصاروخ من الداخل كانك مرشقه زجاج بيبرق كله يعنى فيه لمعه جامده جدا اكنه زجاج من الداخل ومن بره لونى بنى تحس انه انصهار لسطحه بس اى سؤال انا جاهز
|
رد: حجر نيزك
يباشا تم التحليل فعلا فى الهيئه المصريه العامه للبترول
الاداره المركزيه للمعامل 1 ش احمد الزيات الدقى اجر التحليل 600 جنيه طلع فعلا حجر نيزك |
رد: حجر نيزك
عفوا للمداخلة تانى
المكان المختص بالفلك والنيازك فى مصر هو المعهد القومي للبحوث الفلكية والجيوفيزيقية وشوفوا اللينك دة http://www.ahram.org.eg/Egypt/News/31919.aspx http://www.aawsat.com/details.asp?is...article=579973 |
رد: حجر نيزك
c.n. 5133
d.n. m - 1 sio2 0.55 tio2 0.01 al2o3 0.12 fe2o3 62.50 mno 0.60 mgo 2.30 cao 7.15 na2o 0.01 k2o 0.01 p2o5 0.04 cl 0.09 so3 0.10 l.o.l 26.5 |
رد: حجر نيزك
c.n. 5133
d.n m-1 v 79.6 cr 37.5 co 43.4 ni 15.4 cu 17.15 zn 48.55 rb 40.89 sr 61.8 y 11.77 nb 8.17 ba 245.5 la 202 pb 25.5 zr 72.1 |
رد: حجر نيزك
يا باشا يعنى انت رحت المعامل المركزية بتاعة البتروك وحللت خلاص وأخدت شهادة انة تمام
يبقى بتسأل عن اختبراتة لية يا برنس ؟ بس كويس يعنى انا مغلطتش الحمجد لله بس السؤال بقى.... ازاى البترول كلفك 600 بس واحنا عندنا اقل تحليل للمعامل المركزية ب 1800 جنية ودة ارخص واحد ؟ البترول ارخص مننا اية الهنا دة دة احنا طلعنا حرامية كبار :) |
رد: حجر نيزك
اقتباس:
طبعا كلها اختصارات لعناصر كيميائية كريبتون وكوبالت ونيون بس مين ال cn دة ولا قصدك cu نحاس ؟ ولا ce سيريوم ؟ ولا اية ؟ |
رد: حجر نيزك
ههههههههههههههههه انا حطيتلك العنوان دليل على كلامى
وقيمه التحليل بالمليم 633.30 يعنى ستمائه ثلاثه وثلاثون جنيها وتلاثون قرشا مصريا فقط لا غير هههههههههههههه |
رد: حجر نيزك
يا ولاد اللذينه ؟
بيضاربونا يعنى ؟ امال سابوا اية للقطاع الخاص احنا هانقطع على بعض ولا اية ؟ المهم ربنا يباركلك فية يا باشا والحمد لله انا مش شايف فى عناصر مشعة ماعدا الكوبالت .... هو مستقر بطبيعتة لكن ممكن يثار فى الفضاء الخارجى عشان كدة الواحد بيقلق |
رد: حجر نيزك
يا ولاد اللذينه ؟
بيضاربونا يعنى ؟ امال سابوا اية للقطاع الخاص احنا هانقطع على بعض ولا اية ؟ المهم ربنا يباركلك فية يا باشا والحمد لله انا مش شايف فى عناصر مشعة ماعدا الكوبالت .... هو مستقر بطبيعتة لكن ممكن يثار فى الفضاء الخارجى عشان كدة الواحد بيقلق |
رد: حجر نيزك
طيب ممكن تسال حضرتك عن العناصر دى وتعرفهلى لان الشركه مختلفين وقسمنا الحجر ههههههه صعايده هتقول ايه
|
رد: حجر نيزك
c.n. 5133
d.n m-1 v 79.6 فاناديوم cr 37.5 كروم co 43.4 كوبالت ni 15.4 نيكل cu 17.15 نحاس zn 48.55 زنك rb 40.89 روبيديوم sr 61.8 سترانشيوم y 11.77 ايتريوم nb 8.17 نيوبيوم ba 245.5 باريوم la 202 لانثالوم pb 25.5 رصاص zr زركزنيوم |
رد: حجر نيزك
بالنسبة للـ C.n و الـ d.n فدى مش عناصر انا اخدت بالى من الدوت دى اكي اختصار لحاجة تانية خالص خاصة بالتحليل نفسة
بس خلى بالك دلوقتى هو فى روبيديوم ودة بيشتعل فى الهواء ويتحول لسترانشيوم انا مستغرب الحكاية دى اوى ازاى متحولش لغاية دلوقتى ؟ كمان هو وزنة كبير رغم حجة الصغير لان اغلبية مكوناتة عناصر ثقيلة جدا من اول الايتريوم ولغاية الرصاص الزركونيوم لأ |
رد: حجر نيزك
احنا محتفظين بالحجر فى احرام بتاع حج ابيض ولفينه بعيد عن الهواء تشوف الحجر تقول ده مفيهوش 2 كيلو تمسكه تلاقيه تقيل جداااا
|
رد: حجر نيزك
لا عفوا فى لبس
اى حاجة بتتفاعل مع الهواء زى الصوديوم اللامائى والماغنسيوم بتحفظ تحت سطح الكحول او الكيروسين عشان تبقى بمعزل كامل عن الهواء الجوى انت لفيتة فى قماشة لو كبيت عليها مية هاتعدى منها فما بلاك بالهواء بس يمكن الروبيديوم اللى فية مركب مش عنصر لوحدة يعنى يكون داخل فى تركيبة داخل بنية الحجر اهم حاجة ان المعمل كشف واداك التمام يبقى خلاص متقلقش كمان انت معاك شهادة حكومية مختومة انمت عايز اية تانية ولا الاكادة بقى انك عملتها ب 600 جنية بس اية يا ولاد الــ .... بس يقع فى ايدى اللى عملك التحليل انا مش هاسكت على فكرة انا بكرة هاطلب قائمة اسعار منهم بالفاكس واقدم استجواب لمدير المعامل عندنا دة ابن الـ ... لسة مدفعنى 800 جنية وانا من جوا الهيئة عشان تحليل كروموتوجرافيا الغاز دة انا هانفخة |
رد: حجر نيزك
بلاش يعمنا لحسن تجيب لنا مصيبه ههههههههههههه
|
رد: حجر نيزك
متنزلينا صورته يا باشا وانت جيبته على كام ؟؟
|
رد: حجر نيزك
اقتباس:
|
رد: حجر نيزك
يافندم انا هديلك خلاصة الاخلاصة فى الموضوع ده سواء الفحص او البيع او المشترين ولو عايز تعمل مزاد عليه كمان ادخل فى جوجل واكتب مملكة الاحجار الكريمه ده متخصص فيى بيع الزمرد واليلقوت والفيروز والاحجار السماوية والكهرمان وغيرها كتير وكل حاجة متعلقة بالاحجار دى موجوده فيه وهتلاقى اخ من مصر اسمه يوسف عبد الله عليه خد رقمه وكلمه وهو هيعملك الى انته عايزه وممكن يشتريه منك او يجبلك تاجر ياخده وهو اصلا تاجر احجار كريمه وليه محل فى خان الخليلى بيبيع المشغولات الفضيه الى مطعمة بالياقوت والمرجان والاكلام ده
|
رد: حجر نيزك
اقتباس:
|
رد: حجر نيزك
اقتباس:
|
رد: حجر نيزك
شوف ي باشا, ان هحاول افيدك على قد مااقدر, لكن:
اول حاجة لازم تحط صورة بجانب مسطرة و اخرى كلوز اب له عشان حد يفيدك في التصنيف, و معلومات عن وزن الحجر بالتحديد, و لو مقطوع منه قطعة يبقى تجيب كمان صورة من داخله, و ياريت تكون الصورة بفلاش الكاميرا الزينون فقط او تحت اضائه النهار.. تاني حاجة بالنسبة للتحليل الي حضرتك واضعه, اما ان التحليل ناقص او ان الحجر ارضي وليس نيزكي, لان معظم العناصر (وتواجد بعض العناصر مع الاخرى) ليس لها اي صلة بالتكوينات المعروفة للاحجار النيزكية. و طبعا الله اعلم ممكن يكون التحليل هو الي خطأ او فيه قيم غير صحيحة, و ده بيحصل.. ثالث حاجة متخافش ان يكون الحجر مشع, لان مفيش حجر نيزكي مشع على الاطلاق, و ليس له اي خطورة وبيكون خامل, فاطمئن من هذه الناحية.. رابع حاجة, انا مش عايز اقلل من توقعاتك او احبطك باي شكل, لكن انا في حياتي شفت الالاف من الاحجار التي تكاد ان تتحدث عن نفسها وتقول انها نيازك, من اشخاص و حتى من جيولوجيين متخصصين, و مع التحليل لا تصبح كذلك, و كثير من الناس يقولون لي "ان لم تكن نيزك, ماذا ستكون", ببساطة بتكون اي حجر ارضي, وذلك لان النيازك نادره جدا و تشبه الي حد كبير معظر الاحجار الارضية,, و ساعات كمان بتكون في الصحراء بعيد عن اي مصدر تعديني و بيكون فيها معادن فلزية و ده الي بيثقل وزنها, في الاخر تطلع بازلت او حجر بركاني عادي و الغريب انه مش في مكانه, لكنه ليس بنيزك,, اما في حالة التأكييد على انها نيزك و ليس حجر ارضي, بيتم تقييمها وتحديد نوعها او ما يسمى بعملية "الجدوله",, اما السعر فده حاجة مش سهله لان الوحيد الي ممكن يشتريه منك هو شخص "غاوي", او متحف او مؤسسه بحثية, و دول هنا في مصر مش كثير و مش هيعطوا لك ما تتمناه في السعر لان ميزانيتهم محدوده جداً.. وكما فهمت من كلامك, انك لاقيته في الوادي الجديد, فياريت بردو تقول مكان ما لاقيته, لانك لو اخذته من محمية جبل كامل الموجوده في الودي الجديد, فانسى انك تعرف تبيعة, و الافضل لك انك تسلمة للمتحف الجيولوجي لان الغرامة المالية عالية جدا بالنسبة لحيازة احجار من داخل المحمية, و ده عشان تاخد بالك و متدخلش نفسك في مشاكل,و انا سمعت ان فيه مرشدين سياحيين "اتسجنوا" عشان خدوا سياح و راحوا المنطقة ديه ولقوا معاهم بعض العينات للذكرى في حوزتهم وكانوا عايزين يطلعوا بيها بره مصر.. في الاخر يا باشا انا مش عايز كلامي يحسسك بالاحباط, لكن واجب عليا اقولك واقع الامر وجوانبة كلها,, و منتظر الصور وانشاءالله اقدر افيدك فيها, لكن ياريت تكون صور بجوده عالية لان التفاصيل هي الي هتحدد.. |
| الساعة الآن 07:34 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir