الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   مسدس بريتا حي بدون رخصة !!! محتاج رأيكم (http://www.egyhunt.net/showthread.php?t=30139)

the necromancer 12-06-14 10:58 AM
مسدس بريتا حي بدون رخصة !!! محتاج رأيكم
 
السلام عليكم
صباح الفل على اجمل اعضاء

لو ملاحظين بقالي فترة بدور على بريتا ايطالي صوت
امبارح بس بالصدفه لقيت مع واحد قريبي بريتا 84fs حي لكن شمال, مفيش خوف من تاريخه هو شاريه جديد من كذا سنه ومستخدموش خالص غير للتجربة وكده لأنه من هواة التجميع مش اكتر...
وانا عندي حاجه هو عايزها وعرض علي التبديل وانا كسبان من الصفقه طبعا :)

لكن انا مش عايز حي ومش محتاجه مش عايز اجيب لنفسي مصيبه ومش هعمل بيه حاجه مش محتاج غير صوت وبس ... لكن طبعا العرض ميترفضتش :)

دلوقتي السؤال : لو غيرت الماسورة وخليتها مقفوله وطبعا الطلق هيبقى صوت فقط , هل هيبان اللي حصل ويكون فيه مسائله قانونيه او شبهه لو اتمسك معايا ؟؟؟
واعمل ايه عشان اخليه شرعي لو لسه فيه مشاكل؟؟


ومتشكر جدا لحضراتكم

ملاحظة: المسدس مش للبيع او البدل او اي حاجه فبرجاء عدم وضع ردود بهذا الشأن احتراما للمنتدى ومنزعلش حد مننا ...

TRIGGER 12-06-14 11:26 AM
رد: مسدس بريتا حي بدون رخصة !!! محتاج رأيكم
 
لو ضابط بيفهم حيعرف من الكﻻم المحفور على اﻻجزاء حتى لو غيرت الماسورة و الطلقات

the necromancer 12-06-14 11:39 AM
رد: مسدس بريتا حي بدون رخصة !!! محتاج رأيكم
 
اعتقد الموضوع اكبر من ظابط ,في معمل جنائي وحاجات كده مش عارف ايه نظامها.
انا حاولت ادور على صور وفيديوهات للأتنين اشوف الفروقات بس ملقيتش حاجه واضحه للصوت عشان اعرف الفرق.. الخبراء يفيدونا ان شاء الله ويقولوا اعمل ايه عشان اخليه شرعي , شوفتوا طيبه كده عكس الناس كلها :d

Angel of Death 12-06-14 11:44 AM
رد: مسدس بريتا حي بدون رخصة !!! محتاج رأيكم
 
أنا لو منك يا فندم, أخدو و أجيب تصريح حمل سلاح و خلصت الحكاية. :) تقبل مروري.. :)

the necromancer 12-06-14 11:53 AM
رد: مسدس بريتا حي بدون رخصة !!! محتاج رأيكم
 
بانتظار الخبراء

loverlover 12-06-14 12:16 PM
رد: مسدس بريتا حي بدون رخصة !!! محتاج رأيكم
 
...........................

the necromancer 12-06-14 12:21 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة loverlover (المشاركة 386569)
ياباشا اي ظابط عبيط لسة متخرج هيمسكه هيعرف انه حي
خصوصا انك جايب له اشهر مسدس فى الدنيا
اللى مافيش مخلوق ليه فى السلاح مامسكهوش
كفاية الخزنة بس ,, وسيبك من حاجات كتير هتفقسه
انت ممكن تجيب تصريح حيازة سلاح ناري
وابقى حط فيه طلقات فشنك ولاتغير ماسورة ولا تدوش نفسك
ومبروك عامة على التحفة دي ، وربنا يكفيك شرها
هي البيضه الاول ولا الفرخه ؟ :)
يعني قصدي ينفع تجيب حاجه كده وبعدين ترخصها !! ولا تاخد الترخيص الاول وبعدين تشتري بيه؟ مكنش حد غلب ودفع المبالغ ديه كلها في المحلات!

Compact 12-06-14 01:31 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة angel of death (المشاركة 386560)
أنا لو منك يا فندم, أخدو و أجيب تصريح حمل سلاح و خلصت الحكاية. :) تقبل مروري.. :)
ممكن اعرف ازاى حيرخص مسدس شمال و ملوش ورق !!؟

Compact 12-06-14 01:33 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة trigger (المشاركة 386556)
لو ضابط بيفهم حيعرف من الكﻻم المحفور على اﻻجزاء حتى لو غيرت الماسورة و الطلقات
كلام مضبوط 100%

Egyptian_Destroyer 12-06-14 01:37 PM
رد: مسدس بريتا حي بدون رخصة !!! محتاج رأيكم
 
مينفعش يا باشا ترخص مسدس شمال و متفكرش احسن متكون معموله بيه مصايب و انت اللي حتشيلها كلها مع احترامي للتاجر اللي باع لقريبك لان المسدس بيبقا ليه بصمه ... والله اعلم :)

Eng Badran 12-06-14 02:16 PM
رد: مسدس بريتا حي بدون رخصة !!! محتاج رأيكم
 
انت ازاي تغامر اصلا بحاجة زي كده وتشيلة علي انه صوت هوا السلاح ده بتاع مغامرة ؟؟ انت تحتفظ بيه كأقتناء وتجيب مسدس صوت معفن ب 1000 جنية وتريح دماغك من الهبل ده حد يلاقي بريتا ويعمل كده ؟
وبعدين تقولي هقفل الماسورة بتاعتة يا راجل كل الناس بتفتح مواسيرها وانت الوحيد اللي في الجمهورية هتروح لخراط تقوله اقفلي الماسورة ؟ حرام عليك يا عم تهتك عرض السلاح بالطريقة دي

ِAhmedAlaa2007 12-06-14 02:45 PM
رد: مسدس بريتا حي بدون رخصة !!! محتاج رأيكم
 
طبعا مينفعش ترخص سلاح شمال لانه ملوش ورق ( السلاح عامل زي العربية كده في حوار الورق ده عشان كده مينفعش تروح تهرب عربية وتيجي ترخصها ولا ايه ) وبعدين انا لو مكان حضرتك اخده واسيبه في البيت ولا من شاف ولا من دري وخلصنا واهوا معايا حاجة سلف وشكرا

ِAhmedAlaa2007 12-06-14 02:46 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة eng badran (المشاركة 386615)
انت ازاي تغامر اصلا بحاجة زي كده وتشيلة علي انه صوت هوا السلاح ده بتاع مغامرة ؟؟ انت تحتفظ بيه كأقتناء وتجيب مسدس صوت معفن ب 1000 جنية وتريح دماغك من الهبل ده حد يلاقي بريتا ويعمل كده ؟
وبعدين تقولي هقفل الماسورة بتاعتة يا راجل كل الناس بتفتح مواسيرها وانت الوحيد اللي في الجمهورية هتروح لخراط تقوله اقفلي الماسورة ؟ حرام عليك يا عم تهتك عرض السلاح بالطريقة دي
ههههههههههههههه والله عندك حق
ده حتي الخراط ممكن يشك فيه اصلا

Angel of Death 12-06-14 03:20 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة compact (المشاركة 386585)
ممكن اعرف ازاى حيرخص مسدس شمال و ملوش ورق !!؟
تصدق صح.. هيقولو الراجل بيهربهم من السلوم.. صخ يا باشا أنا أسف على المعلومة المضللة.. :)

the necromancer 12-06-14 09:47 PM
رد: مسدس بريتا حي بدون رخصة !!! محتاج رأيكم
 
شكرا ياشباب على الافاده ...

كنت عايز اعرف بس ايه الفروقات بين البريتا الصوت والحي ياريت حد يفيد في الموضوع ده اكون شاكر جدا

Consul 12-06-14 10:33 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة the necromancer (المشاركة 386857)
شكرا ياشباب على الافاده ...

كنت عايز اعرف بس ايه الفروقات بين البريتا الصوت والحي ياريت حد يفيد في الموضوع ده اكون شاكر جدا
بارك الله فيك أخي الحبيب وإبني الغالي...واضح جدا إنك شاكك في المسدس المعروض عليك للبدل وغير متأكد إذا كان حي...أو متحول ( متعدل ) لإطلاق ذخيرة حية...وهذا من أخطر ما يكون وعليك أنت أولا قبل أي أحد...الشيطان يكمن في التفاصيل...ويجري من إبن آدم مجرى الدم...يغريه ويغويه حتى يقع في المحظور ويحدث مالا يحمد عقباه...وقتها لا ينفع الندم ولا تفيد الحسرة والأسف...خذ بنصيحتى وأنبذ الفكرة وأنفضها وأطردها من دماغك من أصله وخليك في السليم...نفسك في مسدس صوت عادي مافيش مشكلة وإن كنت عن نفسي لا أحبذ ولا أنصح أحد حتى بتعديله وفتح ماسورته لضرب البلي لما قد يسببه من مشاكل ومخاطر عليك وعلى المحيطين بك بالإضافه إلى أنه مجرم ويضع حامله تحت طائلة القانون كما يعلم الجميع...إسمع نصيحتي وبلاش الشيطان يغريك...إستمع إلى عقلك وقلبك...ولا تستهين أو تستخف بنصيحة وتجارب وخبرات الأكبر منك سنا...وهذا لا يقلل من قيمتك أو شأنك لا سمح الله...بل هو عين العقل والمنطق والسلامة...تقبل مروري...مع خالص تحياتي...

Egyptian_Destroyer 12-06-14 10:39 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة consul (المشاركة 386877)
بارك الله فيك أخي الحبيب وإبني الغالي...واضح جدا إنك شاكك في المسدس المعروض عليك للبدل وغير متأكد إذا كان حي...أو متحول ( متعدل ) لإطلاق ذخيرة حية...وهذا من أخطر ما يكون وعليك أنت أولا قبل أي أحد...الشيطان يكمن في التفاصيل...ويجري من إبن آدم مجرى الدم...يغريه ويغويه حتى يقع في المحظور ويحدث مالا يحمد عقباه...وقتها لا ينفع الندم ولا تفيد الحسرة والأسف...خذ بنصيحتى وأنبذ الفكرة وأنفضها وأطردها من دماغك من أصله وخليك في السليم...نفسك في مسدس صوت عادي مافيش مشكلة وإن كنت عن نفسي لا أحبذ ولا أنصح أحد حتى بتعديله وفتح ماسورته لضرب البلي لما قد يسببه من مشاكل ومخاطر عليك وعلى المحيطين بك بالإضافه إلى أنه مجرم ويضع حامله تحت طائلة القانون كما يعلم الجميع...إسمع نصيحتي وبلاش الشيطان يغريك...إستمع إلى عقلك وقلبك...ولا تستهين أو تستخف بنصيحة وتجارب وخبرات الأكبر منك سنا...وهذا لا يقلل من قيمتك أو شأنك لا سمح الله...بل هو عين العقل والمنطق والسلامة...تقبل مروري...مع خالص تحياتي...
سياده القنصل جابلك من الاخر :)

the necromancer 12-06-14 10:55 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة consul (المشاركة 386877)
بارك الله فيك أخي الحبيب وإبني الغالي...واضح جدا إنك شاكك في المسدس المعروض عليك للبدل وغير متأكد إذا كان حي...أو متحول ( متعدل ) لإطلاق ذخيرة حية...وهذا من أخطر ما يكون وعليك أنت أولا قبل أي أحد...الشيطان يكمن في التفاصيل...ويجري من إبن آدم مجرى الدم...يغريه ويغويه حتى يقع في المحظور ويحدث مالا يحمد عقباه...وقتها لا ينفع الندم ولا تفيد الحسرة والأسف...خذ بنصيحتى وأنبذ الفكرة وأنفضها وأطردها من دماغك من أصله وخليك في السليم...نفسك في مسدس صوت عادي مافيش مشكلة وإن كنت عن نفسي لا أحبذ ولا أنصح أحد حتى بتعديله وفتح ماسورته لضرب البلي لما قد يسببه من مشاكل ومخاطر عليك وعلى المحيطين بك بالإضافه إلى أنه مجرم ويضع حامله تحت طائلة القانون كما يعلم الجميع...إسمع نصيحتي وبلاش الشيطان يغريك...إستمع إلى عقلك وقلبك...ولا تستهين أو تستخف بنصيحة وتجارب وخبرات الأكبر منك سنا...وهذا لا يقلل من قيمتك أو شأنك لا سمح الله...بل هو عين العقل والمنطق والسلامة...تقبل مروري...مع خالص تحياتي...
شكرا جدا لنصيحتك الغاليه واهتمامك ولا اتكبر ابدا اني اقبلها من شخص زي حضرتك او غيرك من الحريصين على مصلحة الناس ومن ادرى مننا علما واكبر مننا سنا...
لكن الحاله المرادي مش اني شاكك في المسدس انا واثق فيه وفي قريبي وكلامه ولو المسدس متحول مكنش هيبقى فيه مشكله هغيرله الماسورة وارجعه لطبيعته وخلاص ,
الفكره كلها اني كنت اتمنى ان يكون فيه مقارنة الاتنين قدام بعض الصوت والحي عشان اعرف الفروقات ولو فيه اجزاء تتغير او حاجه تتبدل عشان المسدس يبقى قانوني اعملها .
اكيد حضرتك عارف ان الانسان مننا ضعيف قدام رغباته وهواياته وانا عاشق للأسلحه ومش هقدر اضيع فرصه زي ديه لكن في نفس الوقت عايز اكون في السليم لما اعوز استخدمه .. وكده كده اجزاء الحي هتفضل موجوده لو حبيت ارجعه لحالته كمقتنى وتحفه غاليه . وبكده ابقى ضربت عصفورين بحجر ووفرت كتير جدا ومن غير ما ادفع فلوس سايله
شكرا لحضرتك :)

Consul 12-06-14 11:40 PM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة the necromancer (المشاركة 386904)
شكرا جدا لنصيحتك الغاليه واهتمامك ولا اتكبر ابدا اني اقبلها من شخص زي حضرتك او غيرك من الحريصين على مصلحة الناس ومن ادرى مننا علما واكبر مننا سنا...
لكن الحاله المرادي مش اني شاكك في المسدس انا واثق فيه وفي قريبي وكلامه ولو المسدس متحول مكنش هيبقى فيه مشكله هغيرله الماسورة وارجعه لطبيعته وخلاص ,
الفكره كلها اني كنت اتمنى ان يكون فيه مقارنة الاتنين قدام بعض الصوت والحي عشان اعرف الفروقات ولو فيه اجزاء تتغير او حاجه تتبدل عشان المسدس يبقى قانوني اعملها .
اكيد حضرتك عارف ان الانسان مننا ضعيف قدام رغباته وهواياته وانا عاشق للأسلحه ومش هقدر اضيع فرصه زي ديه لكن في نفس الوقت عايز اكون في السليم لما اعوز استخدمه .. وكده كده اجزاء الحي هتفضل موجوده لو حبيت ارجعه لحالته كمقتنى وتحفه غاليه .
شكرا لحضرتك :)
بارك الله فيك أخي الحبيب وإبني الغالي...مش إنت لوحدك كلنا هنا في المنتدى بنحب وعاشقين للسلاح لكن لازم ما نضعفش ونسيطر على رغباتنا ونتحكم في أهوائنا وعواطفنا...هذه ليست بفرصة يخشى عليها من الضياع بل جناية إحراز وحمل سلاح حي بدون ترخيص...ولو عايز سلاح حي شمال السكة معروفة بس تحمل النتيجة والعواقب المؤكده وليست المحتملة...لا تضحك على نفسك فالثمن المدفوع والمقابل لهذه لرغبة الجارفة والنزوة الغير محسوبة فادح وغالي جدا ( حياتك ومستقبلك وخيبة أمل الأهل فيك وحرقة قلبهم عليك )...الشيطان يغويك ويزين لك حتى تقع في المحظور...الشرطة والجيش ليس بساذج أو عبيط والسلاح بهذا الشكل لن يكون في السليم أبدا...لا تخدع نفسك...إذا كان الصوت المعدل لضرب البلي بيتعرف بسهولة ويجرم حامله ويضعه تحت طائلة القانون ويعرضه للحبس الوجوبي والمشدد...فما بالك بالمسدس الحي...سواء سادد ماسورته أو مغيرها بماسورة مسدودة...بيتعرف على طول...أي واحد بيفهم في السلاح ها يعرفه بمجرد ما يمسكه في إيده...ووقتها لن يعفيك من العقوبة إنك مغير ماسورته أو ساددها و أنك إشتريته هكذا ولا تعرف...الجهل بالقانون لا يعفي من العقوبة...الإختيار لك وأنت صاحب القرار ولا يضربك أحد على يدك أو يجبرك على فعل شيئ...إللي قبلنا والأكبر منا سنا قالوا إذا لم تعجبك النصيحة أو لم تكن على هواك فأمامك الحياة مدرسة كبيرة تعلمك الدرس الذي لا تنساه طوال حياتك لأنها لا تعلمك ببلاش بل تأخذ منك مقابل...وأي مقابل...مقابل ثمين وغالي جدا تعيش طول عمرك تسدده...صدقني أنا خايف عليك...اللهم بلغت...اللهم فاشهد...خالص تحياتي...

okapi knife 12-06-15 03:44 AM
رد: مسدس بريتا حي بدون رخصة !!! محتاج رأيكم
 
طول ما السلاح مش مترخص و مش معمول ليه قضية او مش معمول بيه مصيبة يترخص مش حكاية

fidodido 12-06-15 04:13 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة compact (المشاركة 386585)
ممكن اعرف ازاى حيرخص مسدس شمال و ملوش ورق !!؟
يافندم في نقيب جيش جاب البريتا متهرب من الصف و عمله ورق و رخصه
و ياريت ماتسالنيش ازاي لاني انا شخصيا مش مقتنع
ملحوظه النقيب ده جاري و هوا اللي قالي

sherothebest 12-06-15 04:30 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة fidodido (المشاركة 387061)
يافندم في نقيب جيش جاب البريتا متهرب من الصف و عمله ورق و رخصه
و ياريت ماتسالنيش ازاي لاني انا شخصيا مش مقتنع
ملحوظه النقيب ده جاري و هوا اللي قالي
كداب وما تصدقوش الا اذا كان زور فى دفاتر الرخص والسلاح فى القسم والمديرية والاسلحة والذخيرة يعنى بالعربى حاطط الداخلية كلها فى جيبه لان كل سلاح موجود رسمى فى مصر مثبت فى الدفاتر الرسمية ومستحيل سلاح غير مثبوت يترخص الا اذا كان جاى موافقة استيرادية ومعاه ورق الاستيراد

TRIGGER 12-06-15 08:34 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة fidodido (المشاركة 387061)
يافندم في نقيب جيش جاب البريتا متهرب من الصف و عمله ورق و رخصه
و ياريت ماتسالنيش ازاي لاني انا شخصيا مش مقتنع
ملحوظه النقيب ده جاري و هوا اللي قالي
مفيش تسليح شخصى فى الجيش لرتبة اقل من عقيد اصﻻ

the necromancer 12-06-15 10:58 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة consul (المشاركة 386940)
بارك الله فيك أخي الحبيب وإبني الغالي...
اشكرك استاذي الكريم , وكلام حضرتك سليم ومقنع وفكرت جديا ابتعد عن اي مشاكل وربنا يكفينا الشر

negm33 12-06-15 08:23 PM
رد: مسدس بريتا حي بدون رخصة !!! محتاج رأيكم
 
هذه ليست بفرصة يخشى عليها من الضياع بل جناية إحراز وحمل سلاح حي بدون ترخيص.الفروق ان الخزنة مختلفة تماما و الماسورة مختلفة تماما.

قناص الظلم 12-06-17 09:08 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة angel of death (المشاركة 386663)
تصدق صح.. هيقولو الراجل بيهربهم من السلوم.. صخ يا باشا أنا أسف على المعلومة المضللة.. :)
يا سلام :) لاء مش هايقولو كدا دا هايتحبس فورا فى جنايه تزوير اولا وثانيا جنايه سلاح نارى بدون ترخيص ;)

قناص الظلم 12-06-17 09:09 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة trigger (المشاركة 387118)
مفيش تسليح شخصى فى الجيش لرتبة اقل من عقيد اصﻻ
كلام مضبوط 100%100 بنص قانون الاسلحه والذخائر المصرى

قناص الظلم 12-06-17 09:10 AM
رد: مسدس بريتا حي بدون رخصة !!! محتاج رأيكم
 
اقتباس:
المشاركة الأصلية كتبت بواسطة sherothebest (المشاركة 387069)
كداب وما تصدقوش الا اذا كان زور فى دفاتر الرخص والسلاح فى القسم والمديرية والاسلحة والذخيرة يعنى بالعربى حاطط الداخلية كلها فى جيبه لان كل سلاح موجود رسمى فى مصر مثبت فى الدفاتر الرسمية ومستحيل سلاح غير مثبوت يترخص الا اذا كان جاى موافقة استيرادية ومعاه ورق الاستيراد
كلا م حضرتك من الاخر فعلا


الساعة الآن 02:47 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir