الصيد فى مصر - طلعةعلى رجل ونص

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعةعلى رجل ونص (http://www.egyhunt.net/showthread.php?t=29768)

فوزى السيد

12-06-07 05:14 PM

طلعةعلى رجل ونص

6 مرفق

طبعا انتو مستغربين العنوان وبتقولو هو ساب نص رجل فى البيت ولا اية ؟؟
اللى حصل انى ركبت موصلة حوالى ساعة عشان اروح مكان كنت عاينتة قبل كدة واثناء ما انا راكب رجلى نملت او نامت زى ما بيقولو وجيت انزل من العربية رجلى ما شلتنيش وقعت ومشط رجلى اتنى تحتى وطبعا انا ما حستش لانها كانت نايمة اصلا المهم قومت وقعدت شوية لحد ما فكت ومخدتش فى بالى ومشيت واتلهيت فى الصيادة وفجائة حسيت بالم فى وش رجلى وكل مادا بيزيد فقلعت الشوز لاقيت وش رجلى وارم جدا كان معايا زجاجة مية ساقعة فى الشنطة طلعتها وحطيت عليها المية وبعد كدة لبست الشوز وفكرت انى اروح لاكن بقا هنعمل ايةحبى للهواية وللصيد خلانى اكمل الرحلة وانا مش قادر امشى وفضلت اعرج على رجل ونص لحد اخر الرحلة والمشكلة الكبيرة بقا بعد ما روحت ونمت لاقيت رجلى نار يا حبيبى نار وورمت اكتر ومش عارف احطها الارض ولحد دلوقت تعبانى بس الحمد لله قضا اخف من قضا والحمد لله ربنا زرقنى ب17 يمام وفرد حمام برى قابلتة فى السكة كان واقف تحت كوبرى هو وكمان 3 لكنهم طارو بعيد لما ضربت الفرد لاكن انا طبعا عارف مكانهم والرحلة اللى جاية هزورهم
وكلعادة عدد من الغربان اسف اذا كنت طولت واسيبكم مع الصور

M.O.R

12-06-07 05:16 PM

رد: طلعةعلى رجل ونص

الف مليون سلامه ليك يا استاذ فوزى

فوزى السيد

12-06-07 05:24 PM

رد: طلعةعلى رجل ونص

اقتباس:

المشاركة الأصلية كتبت بواسطة m.o.r (المشاركة 381846)

الف مليون سلامه ليك يا استاذ فوزى

الله يسلمك الحمد لله على كل حال وشكرا لمرورك الكريم

الصيااد

12-06-07 05:59 PM

رد: طلعةعلى رجل ونص

الف سلامه عليك و من الافضل تكشف علي رجلك في مستشفي عشان تطمن عليها والف سلامه عليك مرة تانية

الصيااد

12-06-07 06:02 PM

رد: طلعةعلى رجل ونص

بقلك صحيح في مكان عندكوا في رشيد كويس جدا انا كونت بشوفه و انا مسافر بورسعيد المكان ده علي الطريق الدولي بعد ما تعدي رشيد في اتجاه بلطيم

فوزى السيد

12-06-07 06:12 PM

رد: طلعةعلى رجل ونص

اقتباس:

المشاركة الأصلية كتبت بواسطة الصيااد (المشاركة 381871)

هو فى كذا مكان صح على الدولى بس انت تقصد انهى فيهم لو تعرف اسم المنطقة قولى علية انا كنت بروح مكان اسمة عرب المحضر كان حلو جدا بس بقالى فترة مرحتوش

ابو عامر

12-06-07 06:13 PM

رد: طلعةعلى رجل ونص

طلعه جميله والف سلامه عليك يا بطل

الصيااد

12-06-07 06:16 PM

رد: طلعةعلى رجل ونص

علي الطريق الدولي بعد رشيد بحوالي 10 كيلو في مكان فيه شجر و سلك كهربا وكله يمام و حمام انا كونت بشوفه وانا مسافر واحتمال اروح المرة الجايه و معايا البندقية

فوزى السيد

12-06-07 06:17 PM

رد: طلعةعلى رجل ونص

اقتباس:

المشاركة الأصلية كتبت بواسطة ابو عامر (المشاركة 381877)

طلعه جميله والف سلامه عليك يا بطل

الله يسلمك ياباشا وعايزين طلعة فراخ درورى وشكرا لمرورك الكريم

فوزى السيد

12-06-07 06:19 PM

رد: طلعةعلى رجل ونص

اقتباس:

المشاركة الأصلية كتبت بواسطة الصيااد (المشاركة 381878)

عرفتة المكان دة اسمة ارض الجماال هو فعلا حلو وعلى الطريق من برة انا ممكن اروحة بالموتسيكل وممكن نظبط ميعاد ونتقابل هناك على الاقل اتشرف بمعرفتك

Bebeto

12-06-07 06:26 PM

Re: طلعةعلى رجل ونص

رحلة جميلة و الف سلامة ..... بالتوفيق في الطلعات القادمة ان شاء الله

عادل عبده

12-06-07 06:30 PM

رد: طلعةعلى رجل ونص

اولا الف مليار سلامه عليك
ثانيا سامحنى بقى مبقتش اول واحد يرد نظرا لانشغالى اليومين دول
واسئل الله العظيم رب العرش الكريم ان يشفيك شفاءا لا يغادر سقما
وربنا يطمنا عليك ياكبير

فوزى السيد

12-06-07 06:30 PM

رد: Re: طلعةعلى رجل ونص

اقتباس:

المشاركة الأصلية كتبت بواسطة bebeto (المشاركة 381884)

رحلة جميلة و الف سلامة ..... بالتوفيق في الطلعات القادمة ان شاء الله

الله يسلمك نورت الموضوع ولك تحياتى

فوزى السيد

12-06-07 06:32 PM

رد: طلعةعلى رجل ونص

اقتباس:

المشاركة الأصلية كتبت بواسطة عادل عبده (المشاركة 381885)

عادل باشا والله نورت بمشاركتك والله يكون فى العون والحمد لله على كل حال وشكرا جذيلا للدعاء الجميل ولك خالص حبى وتقديرى

samraghost

12-06-07 07:56 PM

رد: طلعةعلى رجل ونص

رحله جميله من صياد جميل والف سلامه لكن للاسف طالما وش رجلك اتنى تحتك وانت نازل وورم يبقى فى التواء او تهتك بسيط فى الاربطه وده لازم اهم حاجه ثلج اول 24 ساعه كل ساعتين وتحط لها اى مرهم ريبرل جيل ده لونه اخضر والانبوبه بعشره جنيه تقريبا وماتجهدهاش بعد ال 24 ساعه ابدا اعمل لها كمادات ميه ساقعه وسخنه ورا بعض وباذن الله تقوم بالسلامه وتمارس الهوايه تانى

Champion

12-06-07 08:10 PM

رد: طلعةعلى رجل ونص

الف سلامه عليك و متستهونش برجلك
و كان احسنلك ترجع بيتك
تقبل مروري

القبطان المصرى 77

12-06-07 08:17 PM

رد: طلعةعلى رجل ونص

الف الف سلامه عليك يا استاذ فوزى
وابقى خلى بالك بعد كده ياعم
وان شاء الله رجلك تكون بخير وبسيطه

وليد سعد زغلول

12-06-07 08:39 PM

رد: طلعةعلى رجل ونص

ألف سلامة عليك ولا بأس طهور إن شاء الله
ورحلة موفقة وبألف هنا وشفا

jimmy_awad

12-06-08 12:19 AM

رد: طلعةعلى رجل ونص

الف مليون سلامة عليك يا باشا

مصطفى ابواسماعيل

12-06-08 10:54 AM

رد: طلعةعلى رجل ونص

الف الف مليون سلامه وطلعه تمام

ابو مروان

12-06-08 08:47 PM

رد: طلعةعلى رجل ونص

الف سلامة ورحلة موفقة وحقيقى الصيد دة ادمان تخيل حرتك وراك اى مشوار ورجلك بالشكل دة اكيد كنت هاتعتزر اما الصيد فلا والف لا

فوزى السيد

12-06-08 10:02 PM

رد: طلعةعلى رجل ونص

اقتباس:

المشاركة الأصلية كتبت بواسطة ابو مروان (المشاركة 382578)

والله فعلا وحصل بعد الرحلة كان عندى كذا مشوار ومروحتش ولا واحد ولسة رجلى تعبانى وهطلع بكرة رحلة انشالله اخدها زحف

المايستروو

12-06-09 05:25 AM

رد: طلعةعلى رجل ونص

الف سلامه على حضرتك بس لازم تشوف دكتور علشان تطمن

hema777h

12-06-09 06:09 AM

رد: طلعةعلى رجل ونص

الف سلامة عليك اولا واخيراااا

محمد حافظ بك

12-06-09 09:52 AM

رد: طلعةعلى رجل ونص

اولا الف سلامة عليك فوزي باشا ثانيا انا مش معاك خاااااااااالص انك تكمل صيدو انت بحالتك دي لان دي لازم راحة ثالثا الله ينور و لو اني زعلان عليك والله انك تجازف كده

قناص المنوفيه

12-06-09 11:41 AM

رد: طلعةعلى رجل ونص

مشاء الله صيد جميل وصياد كبير انا لو رجلى حصلها كده
مش هعرف اصطاد يمامه واحده
الف سلامه عليك

أبو صفية

12-06-09 01:52 PM

رد: طلعةعلى رجل ونص

سلامتك ألف سلامة و خلى بالك من نفسك و بالهنا و الشفا و صيد موفق

فوزى السيد

12-06-09 05:36 PM

رد: طلعةعلى رجل ونص

اخوانى الكرام انا شاكر لكم جميعا لمشاركاتكم واهتمامكم بما اصابنى وبصراحة مش عارف اقول اية امام كل هذة المواقف والتعليقات والمحبة والمودة بين الاعضاء فى هذا المنتدى الذى يعتبر عائلة موصولة الاوصال واحب اطمنكم انى كشفت ولاقيت تمزق فى الاربطة والحمد لله باخد علاج وبدائت اتحسن فشكرا لكم جميعا على النصائح الغالية والسؤوال عنى ولكم خالص حبى وتقديرى

amr naser

12-06-09 07:17 PM

رد: طلعةعلى رجل ونص

الف سلامه عليك يا باشا
بس 17 يمامه برجل ونص امال لو الرجلتين كنت عملت ايه هههههههههههه
بالتوفيق

samraghost

12-06-09 10:13 PM

رد: طلعةعلى رجل ونص

انا شخصت لك تمزق فى الاربطه قبل ماتوقول مش كتر اصابات الملاعب الى بتيجى للواحد بقى دكتور ههههههههههه بس اهم حاجه زى ماقلت لك ثلج اول 24 ساعه عشان توقف اى نزيف فى الشعيرات الدمويه وتوقف الورم وبعد كده يبدا العلاج على العموم الف سلامه عليك

aymank2

12-06-11 07:49 AM

رد: طلعةعلى رجل ونص

الف سلامه عليك وتسلم ايدك يا قناص.

الساعة الآن 10:57 PM