الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   صنع فى مصر (http://www.egyhunt.net/showthread.php?t=2374)

tito 10-06-13 07:19 PM
صنع فى مصر
 
هل احنا فى مصر غير قادرين على صناعة بندقية هوائية تكفى الاحتياجات الداخلية ? المصنع الوحيد المنتج للبنادق الهوائية على حد علمى هو مصنع54 الحربى بالمعادى , ليه منطورش البندقية المعادى مثلا سعرها حوالى 375 ج. بعض التعديلات الى ترضى الصيادين مثلا سوستة قوية اكتر اهتمام بشكل الدبشك عمل ناشنكاه امامى وخلفى من الحديد عمل جلبة بلاستيكية ويتم حساب هذة التعديلات ورفع السعر بناء على ذلك . وانا متاكد انها اكيد هتكون اكثر كفاءة من البنادق الصينى الغير عملية والتى يصل سعرها الى 2000 ج , اتمنى ان نرفع شعار صنع فى مصر حتى ولو كانت صناعتنا اقل كفاءة هنستحملها لحد ما ربنا يفرجها

احمد هاشم 10-06-14 12:28 AM
رد: صنع فى مصر
 
كلام جميل والله وانا اؤيدك
لكن انت بتقلنا احنا ماذا نحن فاعلون

خط الصعيد 10-06-14 02:23 AM
رد: صنع فى مصر
 
الكلام دة جميل جدا جدا بس اذا كنا اصلا مش بننتج الغذاء بتاعنا و لا السلع الاساسية و لو انتجناها بتبقا غالبا فاشله فشلنا فى صناعة الرش ولو ربنا كرمنا و صنعناة كويس نسرق نصة وبدل ما العلبة فيها100 نخليها 80 يا سيدى انت محتاج ضمير وثوره صناعية

galal khalifa 10-06-14 08:27 AM
رد: صنع فى مصر
 
لا تعليق يا اخ تيتو انت صح بس فين الي يسمع

wegdan12345 10-06-14 01:02 PM
رد: صنع فى مصر
 
بص يا باشا مش احباط لكن في معوقات كبيرة علشان تحقيق المستوي دة بمعني ان معندناش التكنولوجيا الكافية لتصنيع الاسلحة - قوانين البلد والمشاكل اللي فيها دانت مبتعرفش تستورد بندقية رش يبقي هيسمحلك تجيب مكن لصناعة البنادق وهو مش عارف انت ممكن تستخدم المكن دة في تصنيع اسلحة نارية - المواد الخام وخلطاتها محتاجة خبرات كبيرة واحنا معندناش خبرة بالتصنيع ممكن يكون عندنا بالصيانة (علي فكرة كل شركة اسلحة بتعمل السبيكة بتاعتها بطريقة سرية يعني محدش يعرف انواع الصلب والاضافات الاخري في صناعة مثلا البندقية الوبلي) وغيرة وغيرة لان الموضوع دة مش سهل

smsmn8888 10-06-14 01:38 PM
رد: صنع فى مصر
 
انت في مصر العريقة زمان بس

tito 10-06-15 09:20 PM
رد: صنع فى مصر
 
اقتباس:
المشاركة الأصلية كتبت بواسطة wegdan12345 (المشاركة 18775)
بص يا باشا مش احباط لكن في معوقات كبيرة علشان تحقيق المستوي دة بمعني ان معندناش التكنولوجيا الكافية لتصنيع الاسلحة - قوانين البلد والمشاكل اللي فيها دانت مبتعرفش تستورد بندقية رش يبقي هيسمحلك تجيب مكن لصناعة البنادق وهو مش عارف انت ممكن تستخدم المكن دة في تصنيع اسلحة نارية - المواد الخام وخلطاتها محتاجة خبرات كبيرة واحنا معندناش خبرة بالتصنيع ممكن يكون عندنا بالصيانة (علي فكرة كل شركة اسلحة بتعمل السبيكة بتاعتها بطريقة سرية يعني محدش يعرف انواع الصلب والاضافات الاخري في صناعة مثلا البندقية الوبلي) وغيرة وغيرة لان الموضوع دة مش سهل
مين قال معندناش الامكانيات الللازمة للصناعة اذا كنا فعلا بنصنع بنادق رش فعلا فى المصنع الحربى بس مفيش اهتمام بالصناعة. ممكن نكون مش قادرين على تحقيق الاكتفاء الذاتى من الطعام لكن هل ده معناه اننا مننتجش اى شى تانى لحد مده يتحقق.

tito 10-06-15 09:28 PM
رد: صنع فى مصر
 
شكرا لكل الردود ويا استاذ احمد صحيح احنا مش من اصحاب القرارات فى الموضوع ده ولكن بداية النجاح بتبداء بحلم او بفكرة وربنا يكرم

wegdan12345 10-06-17 04:29 AM
رد: صنع فى مصر
 
اقتباس:
المشاركة الأصلية كتبت بواسطة tito (المشاركة 18847)
مين قال معندناش الامكانيات الللازمة للصناعة اذا كنا فعلا بنصنع بنادق رش فعلا فى المصنع الحربى بس مفيش اهتمام بالصناعة. ممكن نكون مش قادرين على تحقيق الاكتفاء الذاتى من الطعام لكن هل ده معناه اننا مننتجش اى شى تانى لحد مده يتحقق.
مش علشان بنصنع البندقية المعادي والرمسيس يبقي احنا قادريين علي صناعة بنادق مثل اللي في السوق وبعدين انت بتقول علشان مفيش اهتمام لا كمان حتي لو فيه اهتمام برضوا مش هنوصل لعمل بنادق عالمية مثل الداي استات الفايرخ والاير ارمز لان الموضوع مش سهل زي ما حضرتك فاكر يعني مثلا ديانا معملتش مسورة بنادقها زي البي اس ايه لية علي الرغم من ان ماسورة ((طبعا اقصد الخشخانات)) افضل و كمان الجامو والنوريكا مقدروش يوصلوا لجودة تصنيع الداي استات برضوا لان معندهمش خبره الداي استات وممكن تلاقي دة واضح جدا في السعر يعني متوسط سعر الجامو والنوريكا 280 دولار اما الداي استات 1700 دولار وانت طالع ويكون في علمك الجامو و النوريكا مش من المصانع الجديدة دول قدام خصوصا النوريكا والمفروض يكون عندهم خبرة وممكن تراجع كلامي وبعدين امكانيات ايه اللي بتتكلم عنها ؟؟؟؟؟؟؟ وهل الامكانيات دي ممكن تعملنا بنادق زي الديانا مثلا((طبعا ده لو افترضنا اننا عندنا الخبرات اللازمة اللي طبعا مش عارف ممكن نكون اكتسبناها منين في مجال التصنيع))؟؟؟؟؟؟؟؟؟؟

mezo_hunter 10-06-17 10:12 AM
رد: صنع فى مصر
 
اولان في مصنع اسمو الاسكندريه ده بيصنع بنادق خرطوش جدي شاري واحده حلوا جدان بنصطاد يها بط بطضرب مسفات معقوله. بلنسبه للبندق الرش اليهيه رمسيس نمره 1 هيا مش قويه بس بتعلم الرمايه انا والدي كان بيصطاد بيها و هو صغير ديلوقتي مشاء الله عليه محترف فكول بندقيه ليها مميزات و سلبيات.

BooGY 10-06-17 06:14 PM
رد: صنع فى مصر
 
عذرا لكل من قال اننا لا نملك الخبرة ..... لا يا سادة فمن ناحية الخبرة لدينا افضل الكوادر فى التصنيع والصيانة ... هذا رأيى الشخصى ولى اسبابى
انا عمى كان معلم سلاح فى الجيش فى فترة حرب اكتوبر وبعد الحرب جالنا منحة امريكية لفتح مدارس اعدادية عسكرية الطبة فى 3 اعدادى كانوا بيفكوا البندقية الالى ويركبوها فى 5 دقايق وهم متغميين بعصابة سوداء وعمى نفسه هو وزملاء ليه فى الجيش كانوا بيحولوا مسدساتهم الى مسدسلت الية قبل ان تصنعها امريكا او روسيا بزمن واعتقد ان من يمكنه فعل ذلك يمكنه ان يصنع المستحيل ولكن العقب ة الحقيقية هى..................... كلكم عارفينها

wegdan12345 10-06-18 11:38 AM
رد: صنع فى مصر
 
يا استاذ فيه فرق كبير بين الخبرة في التصنيع و الخبرة في الصيانة التصنيع مالوش اي ارتباط بفك البندقية وتركيبها حتي لو في زمن قياسي التصنيع محتاج خبرة في عمل السبائك واختيار المواد بدقة وطريقة تجميعها ايضا يحتاج لخبرة في تشكيل السبائك بدقة وغيرة وغيرة ولو لسة حضرتك شايف ان احنا عندنا خبرة في مجال تصنيع السلاح تفضل قولي من اين اكتسبنا الخبرة

tito 10-06-20 04:37 AM
رد: صنع فى مصر
 
اقتباس:
المشاركة الأصلية كتبت بواسطة wegdan12345 (المشاركة 18895)
مش علشان بنصنع البندقية المعادي والرمسيس يبقي احنا قادريين علي صناعة بنادق مثل اللي في السوق وبعدين انت بتقول علشان مفيش اهتمام لا كمان حتي لو فيه اهتمام برضوا مش هنوصل لعمل بنادق عالمية مثل الداي استات الفايرخ والاير ارمز لان الموضوع مش سهل زي ما حضرتك فاكر يعني مثلا ديانا معملتش مسورة بنادقها زي البي اس ايه لية علي الرغم من ان ماسورة ((طبعا اقصد الخشخانات)) افضل و كمان الجامو والنوريكا مقدروش يوصلوا لجودة تصنيع الداي استات برضوا لان معندهمش خبره الداي استات وممكن تلاقي دة واضح جدا في السعر يعني متوسط سعر الجامو والنوريكا 280 دولار اما الداي استات 1700 دولار وانت طالع ويكون في علمك الجامو و النوريكا مش من المصانع الجديدة دول قدام خصوصا النوريكا والمفروض يكون عندهم خبرة وممكن تراجع كلامي وبعدين امكانيات ايه اللي بتتكلم عنها ؟؟؟؟؟؟؟ وهل الامكانيات دي ممكن تعملنا بنادق زي الديانا مثلا((طبعا ده لو افترضنا اننا عندنا الخبرات اللازمة اللي طبعا مش عارف ممكن نكون اكتسبناها منين في مجال التصنيع))؟؟؟؟؟؟؟؟؟؟
اكيد الطريق مش سهل ومش مفروش بالورد عشان توصل لمستوى البنادق العالمية . بس خد الصين كمثال بتصدر لك بنادق صينى شكلها الخارجى كويس ولكن عمليا البندقية المصرى اطول عمرا منها واحسن فى الاستخدام عن تجربة . ايه الى بيخلى التاجر المصرى يجيب الصينى لان مصلحته فى الربح الى بيحققه المنتج الصينى ولكن المنتج المصرى مفيهوش ربح وتكلفة صناعتة مرتفعة نسبيا عن الصينى . احنا بنامل انا صناعة البنادق الهوائية فى مصر تتحسن كخطوة اولى فى المشوار على الاقل تقدر تنافس المنتج الصينى فى مصر نريد منتج محلى الصنع عالى الجودة نسبيا ولانريد منتج للتصدير للمنافسة مع الشركات الكبرى كبداية

أبو حامد رجب 10-06-30 10:52 PM
رد: صنع فى مصر
 
بلاش حكاية التصنيع المصري دي الله يصلح حالكم ماتقلبوش علينا المواجع


الساعة الآن 02:01 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir