|
ايه رايكم في الماركة دي
السلام عليكم
كنت قاعد بدور على بنادق الرش على النتى وبعدين لقيت الماركة دي beeman وبصراحة انا لقيت بنادق بسرعات معقولة حوالي 700 قدم وهكذا وباسعار معقولة جدا انا لقيت ان البندقية دي Beeman SS1000-S Dual-Caliber Air Rifle Combo مناسبة تقريبا فايه رايكوا يا اهل الخبرة وباخص الاستاذ حازم (البورسعيدي )بما اني من بورسعيد:D والاستاذ طلعت والاستاذ جلال اصل انا متابع المنتدى من فترة بس بجد الله يبارك للناس دي هو ده فعلا العلم اللي ينتفع به مش هطول عليكم وارجو الافاده بالحق البندقية سعرها 135 $ من غير مصاريف الشحن http://www4.0zz0.com/2010/04/27/20/617730265.jpg وده الموقع http://www.airgunwarehouseinc.com/beeman.html وشكرا اخوكم احمد صديق |
رد: ايه رايكم في الماركة دي
السلام عليكم ورحمة الله وبركاته
أولا أشكرك علي رأيك الكريم وأنا أتمني أن أصل يوما لمثل خبرة أساتذتنا ، الأستاذ طلعت والأستاذ جلال ثانيا أشكرك أيضا علي هذا الموقع الجميل الذي يضم عدد من أنواع البنادق القيمه وبعض العروض المعقوله جدا وأحب أن أنصحك بأن تبحث عن أنواع البنادق المعروفه بإسمها والمشهوره بالتجربه مثل الديانا ذات الكفاءه والقدره العاليه ، أو الجامو والنوريكا وهي بنادق جيده أيضا وسعرها معقول ، وعلي العموم من الممكن أن تكون هناك بعض أنواع البنادق الغير معروفه أو غير منتشره في مصر وتكون ذات كفائه عاليه ، وننتظر رأي كبار الخبراء في هذا المنتدي الكريم لإنني مهتم أيضا بهذا الموضوع ، وأتمني لك كل التوفيق |
رد: ايه رايكم في الماركة دي
صباح الفل يا احمد انا بشكرك علي الكلام الجميل بس انا عايز الفت نظرك لحاجة هل ها تقدر تدخلها بورسعيد ولا واية ثانيا ال بنادق ال beeman مش منشرة في مصر يعني مالهاش قطع غيار وديةمشكلة خطيرة جدا وانا نصيحتي لك انك تجيب بندقية قطع غيارها متوفرة وسهلة الاصلاح ودية موجودة في مصر بكثرة وتقبل تحياتي
|
رد: ايه رايكم في الماركة دي
السلام عليكم
اولا شكرا لك يا حازم باشا على مرورك الكريم ويارب يتم التواصل بينا خاصة اني ناوي خلاص اجيب بندقية باذن الله واهو نبقى نطلع نصطاد سوا ان شاء الله من عند الملاحات هههههههه بورسعيدية بقا ثانيا استاذ جلال حضرتك طيب ايه رايك في النوريكا وايه المعقول فيها بالنسبة ليا كمبتدئ والجامو ايضا ايه اللي يناسبني كبدايه يعني وشكرا ليك جدا احمد صديق اللمعي |
رد: ايه رايكم في الماركة دي
العفو يا أستاذ أحمد ، وإن شاء الله تجيب البندقيه في أسرع وقت لإني متشوق فعلا لطلعات حلوه معاك بإذن الله ، أتمنالك كل التوفيق
|
رد: ايه رايكم في الماركة دي
خلاص يا جماعة لو سمحتو انا طالع معاكو الملاحات وعن فلل الهيئة كمان فى هنا يمام جامد بس عايز بندقية لو سمحتو نفسى اشترى جامو 30 لو امكن او 20
|
رد: ايه رايكم في الماركة دي
تحياتى لكم بورفؤادى
|
رد: ايه رايكم في الماركة دي
السلام عليكم
اهلا بيك يا هشام في المنتدى وان شاء الله نبقى نضبط احنا التلاته مع بعض بس استنوا لما اجيب بندقية ان شاء الله على اخر الاسبوع الجاي وانت كمان تكون جبت بندقية احمد صديق اللمعي |
رد: ايه رايكم في الماركة دي
ان شاء الله ربنا يسهل والله ان طلعت مع اصدقائى الجمعة الى فاتت فى منطقة الفلل والهيئة فعلا اليمام تحفة بس اكيد لما تكون بندقتى موضوع تانى على العموم انا متفائل فى هذة ا المنتدى انى هحصل على واحدة ان شاء الله
شرف لى التعرف عليك |
رد: ايه رايكم في الماركة دي
الشرف ليا يا هشام وشكرا على مرورك
|
رد: ايه رايكم في الماركة دي
اقتباس:
|
رد: ايه رايكم في الماركة دي
بص ياأستاذ أحمد
أولا أنا باحييك وباشكرك جدا علي أسلوبك الرقيق المهذب ثانيا لي تعقيب بسيط علي كلام أخي وحبيبي جلال بأن البنادق البيمن ملهاش قطع غيار في مصر الكلام ده غير صحيح ونجيب الموضوع من أوله شركة بيمن شركة أمريكية وهي بأذن من بعض الشركات الألمانية والأسبانية أو بأتفاق بتقوم بتجميع وتصنيع بعض الموديلات صورة طبق الأصل ولايفرق فيها أي شئ اللهم غير الأسم الموضوع عليها وليس لهم موديل يختصون به يميزهم فأنا مثلا أشتريت بندقية من صديق من قرابة عامين وبعتها بعدها بفترة قصيرة تقريبا كان أسمها بيمن 1000 = نوريكا مرفيك جولد صورة طبق الأصل أو نسخة كربونية ولازالت مع صديقي هذا ولما بيحب يعمل لها صيانة بينزل يشتري كل حاجة تخص المارفيك جولد ويركبها فيها عادي جدا ولكن هما عندهم كمان مويلات الفايروخ وأنا ماعرفش الموديل اللي أنت عايز تجيبه ده أيه أنما لو كان موديل أخو موديل موجود في مصر فلاتحمل أي هم أن شاء الله ستجد كل قطع الغيار الخاصة به. ولك كل التحية. |
رد: ايه رايكم في الماركة دي
علي فكرة أنا دخلت بعد المشاركة دي علي بيراميد أير جن ولقيت البندقية وبالفعل زي ماقلت لك دي نوريكا مارفيك بأتنين ماسورة نمرة واحد وأتنين وأليكم الرابط للتأكد دي مارفك وكل قطع غيار المارفك تشتغل عليها
http://www.pyramydair.com/cgi-bin/zo...?model_id=1334 وللجميع أرق تحياتي |
| الساعة الآن 08:59 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir