|
(الصرد) ياترى إيه هو بالظبط ؟
3 مرفق
إخواني
لقيت في منتدى تاني موضوع متكلم عن الصرد وهو طائر شبيه بالعصافير العاديه ولا هو فعلآ العصافير العاديه إللي في كل حته المشكله إن فيه حديث نبوي ينهى عن قتله ياريت حد يفيدني ودي الصور إللي كانت موجوده |
رد: (الصرد) ياترى إيه هو بالظبط ؟
و الله تعليقاً على نفس الموضوع تقريباً و لو انى اعتقد انه كان فى منتدانا ده كنت سألت نفس السؤال و لم احصل على اجابه و لحد دلوقتى خايف اضرب عصفوره واحده
كان سؤالى يا جماعه هو الصرد ده هو هو العصفور المصرى اللى بنلاقيه عندنا كتير؟؟؟ نرجو الافاده من اهل الخبره :) مش عايزين ناكل حاجه نهى عن صيدها الرسول صلى الله عليه و على آله و سلم :) |
رد: (الصرد) ياترى إيه هو بالظبط ؟
اخوانى انا لا اعلم ما هو الصرد
ولكن بكل تاكيد ان الصور دى لا تخص العصفور المصرى(البلدى) |
رد: (الصرد) ياترى إيه هو بالظبط ؟
طب الحمد لله
شكراً جداً يا استاذ صلاح ربنا يكرمك :) انا بس مكنتش عارف افرق لقله الخبره طبعاً فكنت شايف انه شبهه قوى |
رد: (الصرد) ياترى إيه هو بالظبط ؟
بس أنا شايف إن الصوره الأولى شبيهه بعصافيرنا
|
رد: (الصرد) ياترى إيه هو بالظبط ؟
1 مرفق
:cool: دى صورة العصفور المصرى لتاكيد كلامى
|
رد: (الصرد) ياترى إيه هو بالظبط ؟
2 مرفق
ودى الصورتين جنب بعض وعلى فكرة الاسم دة باللغه العربيه الفصحى وهو غالبا طائر الدقناش الموجود فى مصر ويعرفه اهل الاسكندريه والساحل ومطروح وهذا اسمه فى مصر(الدقناش)
|
رد: (الصرد) ياترى إيه هو بالظبط ؟
1 مرفق
كده تمام ياباشا الفرق باين
ده غير الدقنوش التاني إللي موجود عندنا في مطروح إللي إسمه العربي "قبره" ودي صورته |
رد: (الصرد) ياترى إيه هو بالظبط ؟
احنا بنسمي دي عندنا قُنبرة هي حجمها أكبر من العصفور بقليل وأقل من حجم البلبل
http://www.egypthunt.net/attachment....5&d=1263711810 |
رد: (الصرد) ياترى إيه هو بالظبط ؟
اقتباس:
حلوة حكايه قنبرة دى المنوفيين والشناشرة بس هم اللى بيقولوا كدة لكن فى الحقيقه اسمها قبرة بتشديد القاف وهى فعلا بظهر فى شهر 4 و5 بعد حصاد القمح ولكن لا اعرف من اى مكان تاتى |
رد: (الصرد) ياترى إيه هو بالظبط ؟
بسم الله الرحمن الرحيم
اما عن الصرد فهو طائر مهاجر وهو من اوائل الطيور التي تدخل مصر في شهر اغسطس ويعرف باسم الدقنوش او الدقناش وله انواع هو الصرد الرماضي والرماضي الاصغر والاحمر الظهر او المسميات المعروفه لدي الصيادين المصريين وهي الاكحل والصلاطي والمغربي الصرد الرماضي او الاكحل ينقصم الي نوعين هما الاكحل الكبير والصغير اما الكبير فهو جارح وياكل الطيور الصغيره والسلاحف و الحشرات ويوجد منه مستوطن في مصر باعداد قليله ويطلق عليه الدقنوش الفلاحي http://i48.tinypic.com/mrz80n.jpg اما النوع الصغير منه فهو نفس الشكل ولاكنه غير قادر علي الصيد مثل الاكبر فهو يصيد الحشرات والديدان http://i49.tinypic.com/2qlhlae.jpg اما النوع الثاني هوه المغربي وانثاه فهو نفس النوع ولاكنه بحجم الاكحل الصغير وله نفس الخصائص http://i48.tinypic.com/2ns001u.jpg والانثي http://i50.tinypic.com/abcxe.jpg اما اخر المجموعه المشهوره فهو السلاطي وبنفس حجم الاكحل و المغربي والانثي لا تختلف عن الذكرمثل الاكحل http://i49.tinypic.com/e5qtlf.jpg كما توجد انواع من الصرد نادره الوجود في مصر ونادره في اشكالها وارقامها علي المستوي العالمي شديد الانحصار http://i49.tinypic.com/inuwp0.jpg http://i45.tinypic.com/2urumua.jpg http://i47.tinypic.com/20pu39g.jpg اخي الفاضل كان هذا هو ردي علي الاستفسار والسلام عليكم ورحمه الله وبركاته |
رد: (الصرد) ياترى إيه هو بالظبط ؟
ما شاء الله لا قوه الا بالله ربنا يزيدك يا استاذ محمد انور انت و الاستاذ صلاح من علمه و شكراً جداً على المجهود و الرد الرائع :)
|
رد: (الصرد) ياترى إيه هو بالظبط ؟
محمد باشا أنور .....
لا تعليق جزاكالله خير على الشرح الوافي |
رد: (الصرد) ياترى إيه هو بالظبط ؟
الصرد نهى الرسول صلى الله عليه وسلم عن اصطياده فأحذرو اخوانى الصياده
|
| الساعة الآن 06:06 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir