الصيد فى مصر

الصيد فى مصر (http://www.egyhunt.net/index.php)
-   محدثات الصوت (http://www.egyhunt.net/forumdisplay.php?f=81)
-   -   تقييم التجار بالمنتدى هام هام و ضرورى جدا جدا (http://www.egyhunt.net/showthread.php?t=43023)

GIS 13-10-01 08:36 PM
تقييم التجار بالمنتدى هام هام و ضرورى جدا جدا
 
الموضوع دا يا جماعة مهم جدا لان الاعضاء بجد تعبوا واشتكوا من ان فى تجار غير ملتزمين بالاسعار وعشان كدا انا قلت نعمل الموضوع دا عشان التاجر الصح يبان ونقيمة ونشجعة طالما ملتزم بكلمتة وان يكون التقييم يكون على عدة اسس اولها
1-الالتزام بالاسعار المعلنة على المنتدى وان اى تغيير يطرأ فى الاسعار يقوم بتعديلة اول بأول .
2- خدمة ما بعد البيع وحسن المعاملة .
3- البيع بفواتير ام لا لان فى ذلك مخالفة للمحل والشخص المشترى .
4- توافر المنتج المعلن عنة من عدمة لان فى تجار يعلنوا عن نوع معين والناس تيجى تتصل يلاقوا اسعار تانية وموديلات تانية وحاجة تانية غير اللى فى الاعلان

نطلب من الادارة تثبيت الموضوع والتشديد على التجار التزام الاسعار لان الناس فى المنتدى خلاص جابت اخرها بجد وبدأت تطفش من المنتدى وتروح على منتديات تانية .
وان اى تاجر تكثر الشكاوى من حوله تقوم ادارة المنتدى بتحذيرة واذا حدثت شكوى اخرى يتم حذف اعلانه لمدة معينة ثم يتم عودة الاعلان واذا تكررت نفس المخالفات تم خذف عضوية التاجر تماما لان المنتدى ليس بحاجة الى ما يلوث سمعة خصوصا وان ادارة المنتدى تسعى دائما الى تقديم افضل ما لديها من اجل اعضائها

ولذا اذا كان لاى عضو اى ملاحظة على اى حد من التجار سواء بالسلب او الايجاب فاليقوم بايضاحها لكل الاعضاء لان التاجر سمعة وشكرا

احمد حسن ادريس 13-10-01 08:48 PM
رد: تقييم التجار بالمنتدى هام هام و ضرورى جدا جدا
 
تسلم ايدك على الموضوع المهم

goodzila 13-10-01 09:03 PM
رد: تقييم التجار بالمنتدى هام هام و ضرورى جدا جدا
 
كلام جميل وهوه ده الصح لان زي محضرتك بتقول الكلام ده بيحصل فعلا ياريت الاداره تهتم بالموضوع لانه موضوع مهم

gamo200 13-10-01 09:36 PM
رد: تقييم التجار بالمنتدى هام هام و ضرورى جدا جدا
 
كلام صح ومظبوط بجد لازم التجار يلتزمو بالاسعار المعلنة ده موضوع تحفة

GIS 13-10-01 09:45 PM
رد: تقييم التجار بالمنتدى هام هام و ضرورى جدا جدا
 
الاهم من كدا هو ان اللى ليهم تجارب سابقة سواء كانت حلوة او وحشة مع احد التجار انه يذكرها عشان بجد الناس تعرف حتى لو النقد موجهه الى محلى عادى بس المهم انة ميبقاش فى تطاول فى الحوار يعنى النقد على قد الموقف فى البيع والشراء

pooforever_2010 13-10-01 09:57 PM
رد: تقييم التجار بالمنتدى هام هام و ضرورى جدا جدا
 
موضوع مفيد جدا وحيفيد الاعضاء جامد

http://im33.gulfup.com/E5UfV.gif
بجد يا ريت كل التجار زيك يا باشا
تحياتى
وتم التثبيت والتقييم

Ahmedsaad68 13-10-01 10:27 PM
رد: تقييم التجار بالمنتدى هام هام و ضرورى جدا جدا
 
لازم الكلام ده يتم مش نتلاقى اسعار ونسأل نتلاقى اسعار تانية وبتجى تروح تشترى تلاقى سعر تالت أغلى من الاثنين وتلاقى بضاعة لسه معمول ليها إعلان وتتصل يقولك اتباعت وغيره وغيره والعروض بصراحة بتبقى اى كلام وأسعار غريبة مفيهاش ريحة العروض ونص البضاعة ناقصة عندهم وفى الآخر تروح تجيب من بره بسعر أرخص من هنا ولما تجيب بالزيادة ليك وللناس على أساس الفائدة تعم يطلع حد يقولك غالى طيب كنت فين لما كنا بندور

أبو علي 13-10-02 12:13 AM
رد: تقييم التجار بالمنتدى هام هام و ضرورى جدا جدا
 
اذا كان الموضوع حيتم تفعيله ..يبقي لازم علشام يكون موضوعي و مش خاضع للاهواء و النفسيات " سواء شخص متضايق من تاجر او مبسوط منه " .. لازم تتحط معايير موضوعية للتقييم ...
ممكن الاشراف يشارك بوضع هذه التقييمات ..و يكون التفاعل معها بدرجات مثلا من 1 - 5 ... او ممكن يكون بأسألة ثابتة و يتم الاجابة عنها فيما لا يزيد عن سطر ...
من هذه المعايير : مطابقة اسعار الاعلان للواقع .. سهولة الوصول للتاجر و الاستفسار منه عن طريق التليفون او الموقع .. تفاعل التاجر مع العميل عند ظهور عيب في السلعة .. ايجابيات تذكرها بعد تعاملك مع التاجر .. سلبيات تذكرها بعد تعاملك مع التاجر ....الخ

GIS 13-10-02 12:37 AM
رد: تقييم التجار بالمنتدى هام هام و ضرورى جدا جدا
 
اقتباس:
المشاركة الأصلية كتبت بواسطة أبو علي (المشاركة 529844)
اذا كان الموضوع حيتم تفعيله ..يبقي لازم علشام يكون موضوعي و مش خاضع للاهواء و النفسيات " سواء شخص متضايق من تاجر او مبسوط منه " .. لازم تتحط معايير موضوعية للتقييم ...
ممكن الاشراف يشارك بوضع هذه التقييمات ..و يكون التفاعل معها بدرجات مثلا من 1 - 5 ... او ممكن يكون بأسألة ثابتة و يتم الاجابة عنها فيما لا يزيد عن سطر ...
من هذه المعايير : مطابقة اسعار الاعلان للواقع .. سهولة الوصول للتاجر و الاستفسار منه عن طريق التليفون او الموقع .. تفاعل التاجر مع العميل عند ظهور عيب في السلعة .. ايجابيات تذكرها بعد تعاملك مع التاجر .. سلبيات تذكرها بعد تعاملك مع التاجر ....الخ
كلام حضرتك مظبوط وهو دا اللى قولته ان يكون فى معايير للتقييم منها الالتزام بالسعر المعلن وخدمات ما بعد البيع وتوافر المنتج المعلن عنه من عدمة وايضا معلومات الاتصال والتواصل وهو دا اللى انا بقوله اى حد عنده موقف معين حتى لو معايا يقوله ويقول ايه اللى هو عايزه عشان يبقى الوضع صح
وتذكروا دائما لا حيلة فى الرزق ولا شفاعة فى الموت

عمرو الصياد 13-10-02 01:54 AM
رد: تقييم التجار بالمنتدى هام هام و ضرورى جدا جدا
 
بالتوفيق فكرة كويسة

abdelal mohamed 13-10-02 11:56 AM
رد: تقييم التجار بالمنتدى هام هام و ضرورى جدا جدا
 
كلام جميل وكلام معقول مقدرش اقول حاجه عنه

mohamedatia 13-10-02 05:52 PM
رد: تقييم التجار بالمنتدى هام هام و ضرورى جدا جدا
 
استاذ محمد
طول عمرك راجل محترم جداااااااااااااااااااااا وموضوع مهم للغايه
تحياتى وتمنياتى بالتوفيق

gamo200 13-10-03 03:00 PM
رد: تقييم التجار بالمنتدى هام هام و ضرورى جدا جدا
 
لازم فعلا كل واحد يذكر تجربة شراء لاي حاجة اخده من محل السلاح وطريقة معاملة التاجر ليه وربنا يسهل نتعاون ونلغي جشع التجار

GIS 13-10-04 04:20 AM
رد: تقييم التجار بالمنتدى هام هام و ضرورى جدا جدا
 
اقتباس:
المشاركة الأصلية كتبت بواسطة gamo200 (المشاركة 530112)
لازم فعلا كل واحد يذكر تجربة شراء لاي حاجة اخده من محل السلاح وطريقة معاملة التاجر ليه وربنا يسهل نتعاون ونلغي جشع التجار
الموضوع دا مش عشان موضوع الاسعار المشكلة مش فى الاسعار المشكلة فى الالتزام بالسعر المعلن وحاجات تانية كتير
انت مثلا يا باشا ممكن تدخل تشترى من محل مع انه اغلى من محل تانى بسبب المعاملة او خدمة ما بعد البيع
يعنى الموضوع دا معمول عشان نخدم بية الاعضاء ويتفادوا بيه فى حاجات كتير
1- التزام التجار بالاسعار
2-استفادة المشترى بخدمة ما بعد البيع
3- الفاتورة دى حاجة مهمة اوى للمشترى وطالما التاجر كمان بيكسب فيها اى لما يطلع فاتور ويدى الدولة حقها لية التهرب من الفواتير ( الفاتورة امان المشترى )

القناص الرهيب 13-10-04 08:59 PM
رد: تقييم التجار بالمنتدى هام هام و ضرورى جدا جدا
 
احييك على افكارك الرائعة فعلا كلامك مظبوط

sayed amer 13-10-05 12:11 AM
رد: تقييم التجار بالمنتدى هام هام و ضرورى جدا جدا
 
[quote=أبو علي;529844]اذا كان الموضوع حيتم تفعيله ..يبقي لازم علشام يكون موضوعي و مش خاضع للاهواء و النفسيات " سواء شخص متضايق من تاجر او مبسوط منه " .. لازم تتحط معايير موضوعية للتقييم ...
ممكن الاشراف يشارك بوضع هذه التقييمات ..و يكون التفاعل معها بدرجات مثلا من 1 - 5 ... او ممكن يكون بأسألة ثابتة و يتم الاجابة عنها فيما لا يزيد عن سطر ...
من هذه المعايير : مطابقة اسعار الاعلان للواقع .. سهولة الوصول للتاجر و الاستفسار منه عن طريق التليفون او الموقع .. تفاعل التاجر مع العميل عند ظهور عيب في السلعة .. ايجابيات تذكرها بعد تعاملك مع التاجر .. سلبيات تذكرها بعد تعاملك مع التاجر ....الخ[/quo
كلام مظبوط وموضوع رائع

GIS 13-10-05 03:31 AM
رد: تقييم التجار بالمنتدى هام هام و ضرورى جدا جدا
 
[quote=sayed amer;530313]
اقتباس:
المشاركة الأصلية كتبت بواسطة أبو علي (المشاركة 529844)
اذا كان الموضوع حيتم تفعيله ..يبقي لازم علشام يكون موضوعي و مش خاضع للاهواء و النفسيات " سواء شخص متضايق من تاجر او مبسوط منه " .. لازم تتحط معايير موضوعية للتقييم ...
ممكن الاشراف يشارك بوضع هذه التقييمات ..و يكون التفاعل معها بدرجات مثلا من 1 - 5 ... او ممكن يكون بأسألة ثابتة و يتم الاجابة عنها فيما لا يزيد عن سطر ...
من هذه المعايير : مطابقة اسعار الاعلان للواقع .. سهولة الوصول للتاجر و الاستفسار منه عن طريق التليفون او الموقع .. تفاعل التاجر مع العميل عند ظهور عيب في السلعة .. ايجابيات تذكرها بعد تعاملك مع التاجر .. سلبيات تذكرها بعد تعاملك مع التاجر ....الخ[/quo
كلام مظبوط وموضوع رائع
كلام حضرتك مظبوط وادارة المنتدى شغالة علية

boodi gawish 13-10-07 08:57 PM
رد: تقييم التجار بالمنتدى هام هام و ضرورى جدا جدا
 
احييك علي الفكرة الممتازة

abd el-mon3m 13-10-14 04:44 AM
رد: تقييم التجار بالمنتدى هام هام و ضرورى جدا جدا
 
فكره جميله بجد
انا عن نفسي شايف ان محل ابو فارس محل محترم جدا وقمة الذوق والادب والالتزام بالاسعار..ده بالنسبه للتجربه الكويسه اما بالنسبه للمحلات اللي مش كويسه فهو بصراحه في محل هنا في المنتدي بعد ماروحتله اخر الدنيا زود عليا 100 جنيه عن السعر اللي كان قايلهولي في التليفون يعني الحاجه كانت ب 50 بعد ماروحتله قالي 150 وبصراحه حلفت ما اتعامل معاه تاني

abd el-mon3m 13-10-14 04:48 AM
رد: تقييم التجار بالمنتدى هام هام و ضرورى جدا جدا
 
ولجل الامانه كمان محل ابو سيف ومحل استاذ محمد ياقوت..بصراحه الناس ده قمة الاحترام والادب والالتزام بالاسعار ومش معني كده اني بعيب في باقي التجار..العفو طبعا بس هي ده الناس اللي انا اتعاملت معاهم بس

_SAIKO_ 13-10-14 10:03 AM
رد: تقييم التجار بالمنتدى هام هام و ضرورى جدا جدا
 
اولا كل عام و انتم بخير ..يعود عليكم بالخير و التقدم ان شاءالله

ثانيا جزيل الشكر لصاحب الفكره لانها فكرة كويسه اننا نقيم التجار عشان نوصل للافضل دايما

ثالثا عن تجربة اكثر من مرة استاذ محمد ياقوت و استاذ حمزاوي قمة ف الاحترام و الاخلاق ف التعامل يعني بصراحة كده ناس تخليك تحب تتعامل معاهم و تروحلهم حتي لو كنت مش هتشتري بس مجرد انك تروحلة و ده بسبب امانتهم و احترامهم ف التعامل و مصداقية الاسعار اللي بيقولولها

علي النقيض محل كبير ف اخر العالم و عنده حاجات بصراحة جميلة جدا جدا و حاجات انا كنت بدور عليها كتيررر و مزود سعرها كتير لكن مش كويس من وجهه نظري .. انا اه مروحتلوش المحل لكن كلمتة ف الموبايل .. بصراحة قفلني عالاخر .. و كرهت اني اروحلة و حسيت انه مايفرقش عن فتح الله و السجلابي و الشلة اياها و مش مهم الحاجة اللي انا كنت عايز اجيبها .. ياما عدي و فات علينا حاجات كنا حابين نجيبها و ماجبنهاش

الموضوع مش فكرة حاجة هتجيبها و خلاص .. الموضوع انك هتتعامل مع شخص مرة و اتنين و تلاتة ف لازم يكون كووويس

اسف عالاطالة و كل عام و انتم بخير

تقبلوا مروري

gamo200 13-10-14 02:46 PM
رد: تقييم التجار بالمنتدى هام هام و ضرورى جدا جدا
 
ياجماعة انا اشتريت مسدس بلو سي 06 من 10 ايام بصراحة سعره حلو وناس زوق بس كان فيه شوية خدوش

GIS 13-11-02 07:25 PM
رد: تقييم التجار بالمنتدى هام هام و ضرورى جدا جدا
 
برجاء تفعيل الموضوع من قبل طاقم الادارة والشادة مشرفى القسم

gamo200 13-11-14 01:33 PM
رد: تقييم التجار بالمنتدى هام هام و ضرورى جدا جدا
 
بصراحة التعمل مع امحل ابو فارس جميل واستاذ محمد سعيد محترم جدا وزوق انا اشتريت منه رامبو لواحد صاحبي الراجل ساعدني وعاملني بكل زوق شكرا جدا وارجو تثبيت موضوع تقييم التجار

مورو 13-12-02 09:42 AM
رد: تقييم التجار بالمنتدى هام هام و ضرورى جدا جدا
 
انا عن نفسي اتاعملت مع محل ابو فارس وروحت اكتر من مره لمحمد سعيد حبيب قلبي وعند ابو سيف اتعاملت مع ايهاب وهيما وقابلت ابو سيف مره هناك وبصراحه كلهم ناس قمه في الذوق والادب والاحترام

gamo200 13-12-10 11:28 PM
رد: تقييم التجار بالمنتدى هام هام و ضرورى جدا جدا
 
ياجماعة ارجو من الادارة تثبيت الموضوع ده مهم جدا


الساعة الآن 04:13 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir